ଭୁବନେଶ୍ୱର, ୦୫/୦୫: ପୂର୍ବ ଶତ୍ରୁତାକୁ କେନ୍ଦ୍ର କରି ଭିଣୋଇକୁ କଟୁରୀରେ ହାଣିଲା ଶାଳକ । ଆକ୍ରମଣ ପରେ ଥାନାରେ ଅଭିଯୁକ୍ତର ଆତ୍ମସମର୍ପଣ । ଗୁରୁତର ଅବସ୍ଥାରେ ଭିଣୋଇଙ୍କୁ ଏମ୍ସରେ ଭର୍ତ୍ତି କରାଯାଇଛି । ଭୁବନେଶ୍ୱରର ରଣସିଂହପୁର ହନୁମାନ ମନ୍ଦିର ନିଟକରେ ଏଭଳି ଅଭାବନୀୟ ଘଟଣା ଘଟିଥିବାର ଖବର ସାମ୍ନାକୁ ଆସିଛି ।
ସୂଚନା ମୁତାବକ, କୌଣସି କାରଣକୁ ନେଇ ଶାଳକ ଏବଂ ଭିଣୋଇ ମଧ୍ୟରେ ବିବାଦ ଲାଗି ରହିଥିଲା । ଯାହାର ଫଳ ସ୍ୱରୂପ ଭିଣୋଇକୁ କଟୁରୀରେ ହାଣିଛି ଶାଳକ । ଭୁବନେଶ୍ୱର ରଣସିଂହପୁର ହନୁମାନ ମନ୍ଦିର ନିଟକରେ ଆକ୍ରମଣ କରିବା ପରେ ଥାନାକୁ ଯାଇ ଆତ୍ମସମର୍ପଣ କରିଛି ଅଭିଯୁକ୍ତ । ସେପଟେ ଭିଣୋଇଙ୍କୁ ଗୁରୁତର ଅବସ୍ଥାରେ ଏମ୍ସରେ ଭର୍ତ୍ତି କରାଯାଇଛି । ଘଟଣା ସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
