ନୂଆଦିଲ୍ଲୀ, ୨୯/୧୦ :  ଅଷ୍ଟ୍ରେଲିଆର ଅନୁଭବୀ ଖେଳାଳୀ ଏବଂ ଆଇସିସି ପୁରୁଷ ଟି-୨୦ ବିଶ୍ବକପ ବିଜେତା ମ୍ୟାଥ୍ୟୁ ଓ୍ବେଡ ଅନ୍ତର୍ଜାତୀୟ କ୍ରିକେଟରୁ ସନ୍ନ୍ୟାସ ନେବାକୁ ଘୋଷଣା କରିଛନ୍ତି । ଓ୍ବେଡ ୧୩ବର୍ଷର ନିଜ ଅନ୍ତର୍ଜାତୀୟ କ୍ୟାରିୟରକୁ ଅଲବିଦା କହିଛନ୍ତି । ଓ୍ବେଡ ଅଷ୍ଟ୍ରେଲିଆ ଲାଗି ୨୦୦ରୁ ଅଧିକ ଅନ୍ତର୍ଜାତୀୟ ମ୍ୟାଚ୍ ଖେଳିଛନ୍ତି । ବିଶେଷ କରି ଓ୍ବେଡ ଦିନିକିଆ ଏବଂ ଟି-୨୦ ମ୍ୟାଚ୍ ଅଧିକ ଖେଳିଛନ୍ତି । ମ୍ୟାଥ୍ୟୁ ଓ୍ବେଡ ନିଜ ଟେଷ୍ଟ କ୍ୟାରିୟରରେ ୩୬ମ୍ୟାଚ୍ ଖେଳିଛନ୍ତି ଏବଂ ୧୬୧୩ରନ୍ କରିଛନ୍ତି, ଓ୍ବାନଡେରେ ୯୭ମ୍ୟାଚ୍ ଖେଳି ୧୮୬୭ରନ୍ କରିଥିଲେ । ଦିନିକିଆରେ ଓ୍ବେଡ ଏକ ଶତକ ଏବଂ ୧୧ଅର୍ଦ୍ଧଶତକ କରିଛନ୍ତି । ଏହା ବ୍ୟତୀତ ଟି-୨୦ ଅନ୍ତର୍ଜାତୀୟରେ ଅଷ୍ଟ୍ରେଲିଆ ଓ୍ବିକେଟକିପର ୯୨ମ୍ୟାଚ୍ ଖେଳି ୧୨୦୨ରନ୍ କରିବାରେ ସଫଳତା ହାସଲ କରିଥିଲେ । ଟି-୨୦ ଅନ୍ତର୍ଜାତୀୟରେ ଓ୍ବେଡ ୩ଅର୍ଦ୍ଧଶତକ କରିଥିଲେ ।

୩୯ବର୍ଷୀୟ ଓ୍ବେଡ ନିଜ ଦେଶ ଲାଗି ଟି-୨୦ ବିଶ୍ବକପର ୩ ସଂସ୍କରଣରେ ଖେଳିବା ପରେ ସନ୍ନ୍ୟାସ ନେଇଛନ୍ତି । ତାଙ୍କର ସବୁଠାରୁ ବଡ଼ ଉପଲବ୍ଧି ୨୦୨୧ରେ ଆସିଥିଲା । ଯେତେବେଳେ ସେ ଉପ-ଅଧିନାୟକର ଭୂମିକାରେ ଅଷ୍ଟ୍ରେଲିଆକୁ ଦୁବାଇରେ ନିଜ ପ୍ରଥମ ଟି-୨୦ ବିଶ୍ବକପରେ ନିଜ ଟିମକୁ ତାଜ୍ ଦେବାକୁ ମୁଖ୍ୟ ଭୂମିକା ନିଭାଇ ଥିଲେ । ଓ୍ବେଡ ଏହି ଟୁର୍ଣ୍ଣାମେଣ୍ଟରେ ଭଲ ପ୍ରଦର୍ଶନ କରିଥିଲେ । ଯେଉଁଥିରେ ସେ ପାକିସ୍ତାନ ଉପରେ ରୋମାଞ୍ଚକ ସେମିଫାଇନାଲ ବିଜୟୀରେ କେବଳ ୧୭ବଲରେ ନଟଆଉଟ ୪୧ରନର ପାଳି ଖେଳିଥିଲେ । ଯାହା ତାଙ୍କ କ୍ୟାରିୟରର ସର୍ବଶ୍ରେଷ୍ଠ ପାଳିରୁ ଗୋଟିଏ ଥିଲା ।

36 Test matches. 97 ODIs. 92 T20 Internationals.

Congratulations to Matthew Wade on an outstanding international cricket career! pic.twitter.com/SDWl1OhqZC

— Cricket Australia (@CricketAus) October 29, 2024