ନୂଆଦିଲ୍ଲୀ,୯।୩: ପତଞ୍ଜଳି ଆର୍ୟୁବେଦର ସହ ସଂସ୍ଥାପକ ଏବଂ ଯୋଗ ଗୁରୁ ରାମଦେବ ଆମେରିକା ରାଷ୍ଟ୍ରପତି ଡୋନାଲ୍ଡୋ ଟ୍ରମ୍ପଙ୍କ ଟାରିଫ ବିବାଦ ଉପରେ ଟିପ୍ପଣୀ ଦେଇଛନ୍ତି। ଟ୍ରମ୍ପଙ୍କ ଉପରେ ଅସନ୍ତୋଷ ବ୍ୟକ୍ତ କରିବା ସହ ଶୁଳ୍କ ନୀତି ବିଷୟରେ ପଚରାଯାଇଥିବା ପ୍ରଶ୍ନର ଜବାବ୍ରେ ବାବା ରାମଦେବ କହିଛନ୍ତି ଏହା ଏକ ପ୍ରକାର ଆର୍ଥିକ ଆତଙ୍କବାଦ। ଏହା ଦୁନିଆକୁ ଏକ ଅଲଗା ଯୁଗକୁ ନେଇଯାଉଛି। ସେ କହିଛନ୍ତି ବିଶ୍ବରେ ଗଠନ ହେଉଥିବା ବିପଦର ସ୍ଥିତି ଭିତରେ ଆମକୁ ଭାରତକୁ ଶକ୍ତିଶାଳୀ ଓ ବିକଶିତ କରିବା ଦରକାର, କାରଣ କିଛି ଶକ୍ତିଶାଳୀ ଦେଶ ବିଶ୍ବକୁ ବିନାଶ ଆଡକୁ ନେଇ ଯାଉଛନ୍ତି।’ ରାମଦେବ ନାଗପୁରରେ ମିହାନରେ ପତଞ୍ଜଳି ଫୁଡ୍ ଆଣ୍ଡ ହର୍ବଲ ପାର୍କର ଉଦ୍ଘାଟନ ଅବସରରେ ସାମ୍ବାଦିକଙ୍କ ସହ ଆଲୋଚନା କରୁଥିଲେ।
ସେଭଳି ରାମଦେବ କାର୍ଲିଫର୍ଣ୍ଣିଆରେ ଏକ ହିନ୍ଦୁ ମନ୍ଦିରକୁ ଆକ୍ରମଣ ଘଟଣାକୁ ମଧ୍ୟ ନିନ୍ଦା କରିଛନ୍ତି। ରବିବାର ସେ କହିଛନ୍ତି, ଭାରତକୁ ଧାର୍ମିକ ଆତଙ୍କବାଦ ଉପରେ ଅଙ୍କୁଶ ଲଗାଇବା ପାଇଁ ପଦକ୍ଷେପ ନେବା ଦରକାର। ରାମଦେବ ଏଠାରେ ଏକ କାର୍ଯ୍ୟକ୍ରମରେ ସାମ୍ବାଦିକଙ୍କୁ କହିଛନ୍ତି, ମରାଠା ରାଜା ଛତ୍ରପତି ଶିବାଜୀ ମହାରାଜ ଲୋକଙ୍କ ଆଦର୍ଶ, ନା କି ମୋଗଲ ସମ୍ରାଟ ଔରଙ୍ଗଜେବ୍। କାର୍ଲିଫର୍ଣ୍ଣିଆରେ ପ୍ରମୁଖ ହିନ୍ଦୁ ମନ୍ଦିର ଉପରେ ଅଜଣା ବ୍ୟକ୍ତିଙ୍କ ଆକ୍ରମଣ ଘଟଣାକୁ ସେ କଡା ନିନ୍ଦା କରିଛନ୍ତି। ଏହା ସହ କହିଛନ୍ତି, ଭାରତକୁ ଧାର୍ମିକ ଆତଙ୍କବାଦ ଉପରେ ଅଙ୍କୁଶ ଲଗାଇବା ପାଇଁ ପଦକ୍ଷେପ ଗ୍ରହଣ କରିବା ଦରକାର।
ସେ କହିଛନ୍ତି, ଏହି ଧାର୍ମିକ ଆତଙ୍କବାଦରେ ପୁରା ଦୁନିଆ ପୀଡିତ। ବିଭିନ୍ନ ଦେଶର ପ୍ରମୁଖଙ୍କୁ ଏଥିରୁ ବାହାରିବାକୁ ରାସ୍ତା ଖୋଜିବା ଦରକାର ଓ ଭାରତକୁ ଏଥିପାଇଁ ପଦକ୍ଷେପ ନେବା ଦରକାର।’ରାମଦେବ ଔରଙ୍ଗଜେବଙ୍କ ସମ୍ପର୍କିତ ଅନ୍ୟ ଏକ ପ୍ରଶ୍ନର ଉତ୍ତର ଦେଇ କହିଛନ୍ତି, ମୋଗଲ ବାଦଶାହ ଭାରତର ଲୋକଙ୍କ ପାଇଁ ଆଦର୍ଶ ହୋଇପାରିବେନି। ସେ ଲୁଟେରାଙ୍କ ପରିବାରର ଥିଲେ। ବାବର ହୁଅନ୍ତୁ କିମ୍ବା ତାଙ୍କ ପରିବାର, ସେମାନେ ଭାରତକୁ ଲୁଟିବାକୁ ଆସିଥିଲେ। ହଜାର ହଜାର ମହିଳାଙ୍କ ଉପରେ ଅତ୍ୟାଚର କରିଥିଲେ। ସେମାନେ ଆମର ଆଦର୍ଶ ହୋଇପାରିବେନି।
