ନୂଆଦିଲ୍ଲୀ,୨୦/୧୦: ବାହରାଇଚ୍ ହିଂସା ପରେ ସୁପ୍ରିମକୋର୍ଟରେ ସେଠାରେ ପ୍ରସ୍ତାବିତ ବୁଲଡୋଜର କାର୍ଯ୍ୟାନୁଷ୍ଠାନ ଉପରେ ପ୍ରତିବନ୍ଧକ ଲଗାଇବାକୁ ଏକ ଆବେଦନ କରାଯାଇଛି। ଏହି ଆବେଦନ ମାଧ୍ୟମରେ ଉତ୍ତରପ୍ରଦେଶ ସରକାର ଦେଇଥିବା ବିଜ୍ଞପ୍ତିକୁ ବାତିଲ କରିବା ଏବଂ ବୁଲଡୋଜର କାର୍ଯ୍ୟାନୁଷ୍ଠାନକୁ ବନ୍ଦ କରିବାକୁ ଦାବି କରାଯାଇଛି। ଏଠାରେ ନୋଟିସ ପାଇବା ପରେ ଲୋକମାନେ ନିଜେ ଘର ଖାଲି କରି ଜିନିଷପତ୍ର ଅନ୍ୟ ସ୍ଥାନକୁ ନେଇଯାଉଛନ୍ତି। ପିଡବ୍ଳୁଡିରୁ ନୋଟିସ୍ ପାଇବା ପରେ ଏହି ଅଞ୍ଚଳରେ ଉତ୍ତେଜନା ଦେଖାଦେଇଛି। ବର୍ତ୍ତମାନ ଲୋକମାନେ ସୁପ୍ରିମକୋର୍ଟଙ୍କ ଠାରୁ ବୁଲଡୋଜର କାର୍ଯ୍ୟାନୁଷ୍ଠାନ ଉପରେ ପ୍ରତିବନ୍ଧକ ଲଗାଇବାକୁ ଆଶା କରୁଛନ୍ତି।
ଏଥି ସହ ଆହ୍ଲାବାଦ ହାଇକୋର୍ଟଙ୍କ ଲକ୍ଷ୍ନୌ ଖଣ୍ଡପୀଠ ବାହରାଇଚ୍ରେ ବୁଲଡୋଜର କାର୍ଯ୍ୟାନୁଷ୍ଠାନକୁ ୧୫ ଦିନ ପାଇଁ ରୋକ୍ ଲଗାଯାଇଛି। ବର୍ତ୍ତମାନ ଏହି ମାମଲାର ପରବର୍ତ୍ତୀ ଶୁଣାଣି ବୁଧବାର ଦିନ ଅନୁଷ୍ଠିତ ହେବ। ୨୩ ଜଣ ପରିବାରକୁ ନୋଟିସ ଜାରି କରିବା ଏବଂ ତିନି ଦିନ ମଧ୍ୟରେ ଉତ୍ତର ଦାଖଲ କରିବାକୁ ଉତ୍ତରପ୍ରଦେଶ ସରକାରଙ୍କ ନିର୍ଦ୍ଦେଶ ବିରୋଧରେ ତିନି ଜଣ ସୁପ୍ରିମକୋର୍ଟଙ୍କ ନିକଟକୁ ଯାଇଛନ୍ତି। ବୁଲଡୋଜର କାର୍ଯ୍ୟାନୁଷ୍ଠାନ ଉପରେ ପ୍ରତିବନ୍ଧକ ଲଗାଇବାକୁ ଏକ ପିଟିସନ ଦାଖଲ କରାଯାଇଛି।
ବାହରାଇକ୍ ହିଂସା ଘଟଣାରେ ମୁଖ୍ୟ ଅଭିଯୁକ୍ତ ସରଫରାଜ ଏବଂ ତାଙ୍କ ସହଯୋଗୀଙ୍କ ଘର ଉପରେ କାର୍ଯ୍ୟାନୁଷ୍ଠାନ ନେବା ପାଇଁ ଉତ୍ତରପ୍ରଦେଶ ପିଡବ୍ଳୁଡି ୨୩ଟି ଘରକୁ ନୋଟିସ୍ ଦେଇଥିଲା। ନୋଟିସରେ କୁହାଯାଇଛି ଯେ, ସରକାରୀ ଜମିରେ ଏହି ଘରଗୁଡିକ ବେଆଇନ ଭାବେ ନିର୍ମାଣ କରାଯାଇଛି। ପିଡବ୍ଳୁଡଇରୁ ନୋଟିସ୍ ପାଇବା ପରେ ବର୍ତ୍ତମାନ ଅଞ୍ଚଳର ଲୋକମାନେ ଘର ଖାଲି କରୁଛନ୍ତି। ମୋଟ ୨୩ ଟି ଘରେ ନୋଟିସ୍ ଲଗାଯାଇଛି, ସେଥିମଧ୍ୟରୁ ୨୦ ଟି ଘର ମୁସଲମାନ ଏବଂ ତିନୋଟି ହିନ୍ଦୁ ପରିବାରର ଅଟେ। ଅକ୍ଟୋବର ୧୩ ରେ ଉତ୍ତରପ୍ରଦେଶର ବାହରାଇଚ ଜିଲ୍ଲାରେ ଜଣେ ବ୍ୟକ୍ତିଙ୍କୁ ଗୁଳି କରି ହତ୍ୟା କରାଯାଇଥିଲା। ଏହା ପରେ ଏହି ଅଞ୍ଚଳରେ ବହୁ ହିଂସା ହୋଇଥିଲା।
