ନୂଆଦିଲ୍ଲୀ,୨୨।୨ ସାଧାରଣ ନିର୍ବାଚନ ପରେ ଭାରତୀୟଙ୍କ ପାଇଁ ବାଂଲାଦେଶର ଏକ ବଡ଼ ଘୋଷଣା । ବାଂଲାଦେଶ ବୈଦେଶିକ ମନ୍ତ୍ରଣାଳୟର ଜଣେ ଅଧିକାରୀଙ୍କ ଅନୁଯାୟୀ, ସୋମବାରଠାରୁ ଭାରତରେ ଥିବା ବାଂଲାଦେଶୀ ଦୂତାବାସ ଏବଂ ମିଶନରେ ପର୍ଯ୍ୟଟନ ଭିସା ସେବା ପୁଣି ଆରମ୍ଭ ହେବ। ସୁରକ୍ଷା ଦୃଷ୍ଟିରୁ ଏହି ସେବାକୁ ଅସ୍ଥାୟୀ ଭାବରେ ବନ୍ଦ କରାଯାଇଥିଲା, କିନ୍ତୁ ଏବେ ସ୍ଥିତିରେ ଉନ୍ନତି ଆସିବା ପରେ ଏହାକୁ ପୁଣି ଆରମ୍ଭ କରିବାକୁ ନିଷ୍ପତ୍ତି ନିଆଯାଇଛି।
ଅଧିକାରୀଙ୍କ କହିବା ଅନୁସାରେ, ନୂଆଦିଲ୍ଲୀସ୍ଥିତ ବାଂଲାଦେଶ ହାଇକମିଶନ ବ୍ୟତୀତ କୋଲକାତା,ମୁମ୍ବାଇ,ଗୌହାଟି ଓ ଅଗରତାଲା ଭଳି ସହରରେ ସହରର ସମସ୍ତ ମିଶନରେ ମଧ୍ୟ ଉପଲବ୍ଧ ହେବ। ପୂର୍ବରୁ, ସବୁ ପ୍ରକାର ଭିସା ପ୍ରଦାନ କରାଯାଉଥିଲା, କିନ୍ତୁ ସାଧାରଣତଃ ଟୁରିଷ୍ଟ ଭିସା ସୀମିତ ଥିଲା ଏବଂ କେବଳ ଅତ୍ୟନ୍ତ ଜରୁରୀକାଳୀନ ସ୍ଥିତିରେ ପ୍ରଦାନ କରାଯାଉଥିଲା।
ବାଂଲାଦେଶରେ ୧୨ ଫେବୃଆରୀରେ ହୋଇଥିବା ନିର୍ବାଚନ ପୂର୍ବରୁ, ସୁରକ୍ଷା କାରଣରୁ ଜାନୁଆରୀ ୧୫ରୁ ଫେବୃଆରୀ ୧୫ ପର୍ଯ୍ୟନ୍ତ ଟୁରିଷ୍ଟ ଭିସା ସେବା ସ୍ଥଗିତ ରଖାଯାଇଥିଲା। ଏହି ସମୟ ମଧ୍ୟରେ, ନେପାଳ ଏବଂ ଭୁଟାନ ଭଳି ଦେଶ ପାଇଁ କିଛି ସେବା ମଧ୍ୟ ପ୍ରଭାବିତ ହୋଇଥିଲା। ବର୍ତ୍ତମାନ, ନିର୍ବାଚନ ପରେ ପରିସ୍ଥିତି ସ୍ୱାଭାବିକ ହେବା ସହିତ, ସମସ୍ତ ଭିସା ସେବା ସମ୍ପୂର୍ଣ୍ଣ ପୁନଃସ୍ଥାପିତ କରାଯାଉଛି। ଏହି ସମୟରେ, ବାଂଲାଦେଶୀ ନାଗରିକଙ୍କ ପାଇଁ ଭାରତୀୟ ପର୍ଯ୍ୟଟକ ଭିସା ଏପର୍ଯ୍ୟନ୍ତ ସମ୍ପୂର୍ଣ୍ଣ ଭାବରେ ଆରମ୍ଭ ହୋଇନାହିଁ, ଯଦିଓ କିଛି କାଟାଗୋରୀ ଭିସା ଜାରି କରାଯାଉଛି।
ଆହୁରି ପଢନ୍ତୁ: ଦୁଇ ପଟୁ ଯୁଦ୍ଧ ପ୍ରସ୍ତୁତିରେ ଇରାନ ! ଲେବାନନ୍ରେ ହିଜବୋଲା ଉପରେ ଆଇଆରଜିସିର ନିୟନ୍ତ୍ରଣ,ଇସ୍ରାଏଲ ପାଇଁ ଆଗକୁ ବଡ଼ ବିପଦ
