ଲକ୍ଷ୍ନୌ,୨୭।୯: ଶୁକ୍ରବାର ଉତ୍ତର ପ୍ରଦେଶର ବରେଲିରେ ଘଟିଥିବା ହିଂସା ଘଟଣାରେ ପୋଲିସ ଇତ୍ତେହାଦ-ଇ-ମିଲ୍ଲତ କାଉନସିଲ୍ (ଆଇଏମସି) ମୁଖ୍ୟ ମୌଲାନା ତୌକିର ରାଜାଙ୍କୁ ଗିରଫ କରିଛି। ଏହି ମାମଲାରେ ୧୦ ଏଫଆଇଆର ରୁଜୁ ହୋଇଛି ଏବଂ ମୌଲାନା ତୌକିର ରଜାଙ୍କ ସମେତ ୮ ଜଣଙ୍କୁ ଗିରଫ କରାଯାଇଛି। ମୌଲାନାଙ୍କୁ ୧୪ ଦିନିଆ ନ୍ୟାୟିକ ହାଜତକୁ ପଠାଇ ଦିଆଯାଇଛି। ଏହା ସହିତ, ପୋଲିସ ୩୯ ଜଣଙ୍କୁ ଅଟକ ରଖିଛି ପୋଲିସ। ଏନେଇ ବରେଲି ପୋଲିସ ଏକ ସାମ୍ବାଦିକ ସମ୍ମିଳନୀରେ ଶନିବାର ସୂଚନା ଦେଇଛି। ପୋଲିସ, କହିଛି ଯେ ଶୁକ୍ରବାର ନମାଜ ପରେ ପୋଲିସ ଫୋର୍ସ ସହିତ ଧସ୍ତାଧସ୍ତି କରିବାକୁ ଚେଷ୍ଟା କରାଯାଇଥିଲା।
ପୋଲିସ କହିଛି ଯେ ୭ ଦିନ ଧରି ଷଡ଼ଯନ୍ତ୍ର ଚାଲିଥିଲା ଏବଂ ବାହାର ଲୋକ ମଧ୍ୟ ଏଥିରେ ସାମିଲ ଥିଲେ। ପୋଲିସ ଏହି ମାମଲାରେ ଦଶଟି ଏଫଆଇଆର ରୁଜୁ କରିଛି, ଯେଉଁଥିରୁ ସାତଟିରେ ମୌଲାନାଙ୍କ ନାମ ଉଲ୍ଲେଖ ଅଛି। ଛୁରୀ, ପିସ୍ତଲ, ବ୍ଲେଡ୍ ଏବଂ ପେଟ୍ରୋଲ ବୋତଲ ଉଦ୍ଧାର କରାଯାଇଛି।ବରେଲି ହିଂସା ସମ୍ପର୍କରେ ଡିଏମ୍ ଅଭିନାଶ ସିଂହ କହିଛନ୍ତି, ‘ଆମେ ସେମାନଙ୍କ ଯୋଜନା ବିଷୟରେ ଜାଣିବାକୁ ପାଇଲୁ ଏବଂ ସେମାନଙ୍କୁ ଜଣାଇଲୁ ଯେ ସହରରେ BNSSର ଧାରା ୧୬୩ ଲାଗୁ କରାଯାଇଛି। ଅନୁମତି ବିନା କୌଣସି କାର୍ଯ୍ୟକ୍ରମ ଆୟୋଜନ କରାଯିବା ଉଚିତ୍ ନୁହେଁ। ଆମେ ସେମାନଙ୍କ ପ୍ରତିନିଧି, ନଦୀମ ଏବଂ ନଫିଜଙ୍କ ସହିତ ଯୋଗାଯୋଗ କରିଥିଲୁ। ନଦୀମ କିଛି ଦିନ ପୂର୍ବରୁ ଆମ କ୍ୟାମ୍ପ ଅଫିସକୁ ଆସିଥିଲେ ଏବଂ ଆମେ ତାଙ୍କ ସହିତ ଏକ ବିସ୍ତୃତ ବୈଠକ କରି ସମସ୍ତ ଆଇନଗତ ଦିଗଗୁଡ଼ିକୁ ବୁଝାଇଥିଲୁ।ଅନୁମତି ବିନା କୌଣସି କାର୍ଯ୍ୟକ୍ରମ ଆୟୋଜନ କରାଯିବା ଉଚିତ୍ ନୁହେଁ। ଆମକୁ ପରଦିନ ସୁଦ୍ଧା ସେମାନଙ୍କଠାରୁ ସ୍ଥିର ସକାରାତ୍ମକ ଉତ୍ତର ଦିଆଯିବାର ଆଶ୍ୱାସନା ଦିଆଯାଇଥିଲା। ଆମର ଶେଷ ବୈଠକର ଗୋଟିଏ ଦିନ ପରେ, ଆମେ ନଦୀମ୍ ଏବଂ ନଫିଜ୍ ଦ୍ୱାରା ଦସ୍ତଖତ ଏକ ଚିଠି ପାଇଲୁ ଯେଉଁଥିରେ ଲେଖାଯାଇଥିଲା ଯେ ସେମାନେ ସେମାନଙ୍କର ଯୋଜନା ସହିତ ଆଗକୁ ବଢ଼ିବେ ନାହିଁ। ଯେତେବେଳେ ଲୋକମାନେ ଶାନ୍ତି ବିଭ୍ରାନ୍ତ କରିବାକୁ ଚେଷ୍ଟା କଲେ, ପୋଲିସ ବଳ ପ୍ରୟୋଗ କଲା।
ଡିଏମ୍ଆ ହୁରି ମଧ୍ୟ କହିଛନ୍ତି ଯେ ପରଦିନ ସକାଳେ, ମୌଲାନା ତୌକିର ରଜା ଖାନ ଏକ ଭିଡିଓ ବାର୍ତ୍ତା ଜାରି କରିଥିଲେ ଯେଉଁଥିରେ ଉଲ୍ଲେଖ କରାଯାଇଥିଲା ଯେ ଦସ୍ତଖତ କାଗଜପତ୍ର ଏବଂ ଅନ୍ୟ ସବୁକିଛି ନକଲି। ସେମାନେ ସେମାନଙ୍କର ପ୍ରାରମ୍ଭିକ ଯୋଜନା ସହିତ ଆଗକୁ ବଢ଼ିବେ। ଶୁକ୍ରବାର ନମାଜ ପରେ ହିଂସା ହୋଇଥିଲା । ମୁସଲମାନ ସମ୍ପ୍ରଦାୟର କିଛି ସଦସ୍ୟ ବରେଲିର ଅଲ-ହଜରତ ଦରଗା ନିକଟରେ ଏକାଠି ହୋଇଥିଲେ।ସେମାନଙ୍କ ହାତରେ “ଆଇ ଲଭ୍ ମହମ୍ମଦ” ଲେଖାଥିବା ପୋଷ୍ଟର ଥିଲା । ଏହି ପ୍ରତିବାଦ ହିଂସାତ୍ମକ ସଂଘର୍ଷରେ ପରିଣତ ହୋଇଥିଲା । ପ୍ରତିବାଦକାରୀମାନେ ପୋଲିସ ଉପରେ ପଥର ମାଡ଼ କରିଥିଲେ, ଯାହା ଫଳରେ ପୋଲିସ ଲାଠିଚାର୍ଜ କରିବାକୁ ବାଧ୍ୟ ହୋଇଥିଲା । ହିଂସାରେ ୧୭ ଜଣ ପୋଲିସ କର୍ମଚାରୀ ଏବଂ ୪୦ ରୁ ଅଧିକ ଆହତ ହୋଇଛନ୍ତି। ଏହି ମାମଲାରେ ପୋଲିସ ୨୦୦ ରୁ ଅଧିକ ସିସିଟିଭି ଫୁଟେଜ ଯାଞ୍ଚ କରିଛି।
