ଭୁବନେଶ୍ୱର,୨୪/୧୨: ବିଏମ୍ସି ପକ୍ଷରୁ ଆସନ୍ତା ରବିବାର ପଥ ଉତ୍ସବ ଅନୁଷ୍ଠିତ ହେବ । ବର୍ଷା ପାଇଁ ୨୨ ତାରିଖରେ ମାଷ୍ଟରକ୍ୟାଣ୍ଟିନ୍ରେ ହେବାକୁ ଥିବା ଉତ୍ସବକୁ ବାତିଲ କରାଯାଇଥିଲା । ଏନେଇ ବିଏମ୍ସି ପକ୍ଷରୁ ସୂଚନା ଦିଆଯାଇଥିଲା।
ଜାନୁଆରୀ ୫ରେ ଉତ୍ତର ଜୋନ୍ରେ ପଥଉତ୍ସବ ଶିଖରଚଣ୍ଡିରୁ ଇନ୍ଫୋସିଟି ଛକରେ ହେବାକୁ ତାରିଖ ଧାର୍ଯ୍ୟ ହୋଇଛି । ଏଥିରେ ପ୍ରବାସୀ ଭାରତୀୟ ଦିବସକୁ ଧୁମଧାମରେ ପାଳନ କରାଯିବ । ଆସନ୍ତା ପଥ ଉତ୍ସବ ପାଇଁ ମାଷ୍ଟର କ୍ୟାଣ୍ଟିନଠାରେ ମୁଖ୍ୟ ମଞ୍ଚ ରହିବ ଏବଂ ରାମମନ୍ଦିର ନିକଟରେ ଦ୍ୱିତୀୟ ମଞ୍ଚ ନିର୍ମାଣ ହେବ । ଏଥିରେ ସମସ୍ତ ବର୍ଗର ନାଗରିକ ସାମିଲ ହେବାକୁ କୁହାଯାଇଛି । ଗୀତ, ନୃତ୍ୟ, ଝୋଟି, ଯୋଗ, ସ୍କେଟିଂ, ସାଇକେଲିଂ, ବାସ୍କେଟ ବଲ୍, ଲୁଡୁ, କୁଇଜ୍ କମ୍ପିଟେସନ, ରଙ୍ଗୋଲି, ମ୍ୟାଜିକ୍ ସୋ, କ୍ଲେ ଆର୍ଟ, ଫେସ୍ ପେଣ୍ଟିଂ, ଜୁମ୍ବା ଆଦି ବିଭିନ୍ନ ବିଭାଗ ରହିଛି । ପୂରା ମାଷ୍ଟର କ୍ୟାଣ୍ଟିନଠାରୁ ଆରମ୍ଭ କରି ରାମ ମନ୍ଦିର ପର୍ଯ୍ୟନ୍ତ ରାସ୍ତାରେ ଭୁବନେଶ୍ୱର ନାଗରିକ ଝୁମିବେ, ନାଚିବେ, ଗାଇବେ, ବ୍ୟାୟାମ କରିବେ ଏବଂ ସେମାନଙ୍କର କଳା ନୈପୁଣ୍ୟ ପ୍ରଦର୍ଶନ କରିବାର ସୁଯୋଗ ପାଇବେ ବୋଲି ବିଏମ୍ସି ପକ୍ଷରୁ କୁହାଯାଇଛି।
