ଭୁବନେଶ୍ଵର, ୨୩/୦୮ : ଶନିବାର ଆକାଶରେ ହେବ ଦୁର୍ଲଭ ସଂଯୋଗ। ୩୩ ମାସ ପରେ ଦେଖିବାକୁ ମିଳିବ ବ୍ଲାକ୍ ମୁନ୍। ଅନ୍ତରୀକ୍ଷ ପ୍ରେମୀଙ୍କ ମଧ୍ୟରେ ଉତ୍ସାହ। ଆଜି ରାତିରେ ଆକାଶରେ ବ୍ଲାକ୍ ମୁନ୍ ଦେଖିବାକୁ ମିଳିବ। ଏହି ଖଗୋଳୀୟ ଘଟଣାକୁ ମିସ୍ କଲେ ଆସନ୍ତା ୨ ବର୍ଷ ଯାଏଁ ଅପେକ୍ଷା କରିବାକୁ ପଡ଼ିବ। 

ବଲ୍ଡ୍ ମୁନ୍, ବ୍ଲୁ ମୁନ୍ ଭଳି ବ୍ଲାକ୍ ମୁନ୍ ରହିଛି। ସମୟ ଓ ତିଥି ହିସାବରେ ବ୍ଲାକ୍ ମୁନ୍ ଶବ୍ଦର ବ୍ୟବହାର କରାଯାଏ। ଏହା ଚନ୍ଦ୍ରର ରଙ୍ଗ ସହ କୌଣସି ସମ୍ପର୍କ ନାହିଁ। ଗୋଟିଏ କ୍ୟାଲେଣ୍ଡର ମାସରେ ଦୁଇଟି ଅମାବାସ୍ୟା ପଡ଼ିଲେ କିମ୍ଵା ଗୋଟିଏ ଋତୁରେ ଚାରୋଟି ଅମାବାସ୍ୟା ପଡ଼ିଲେ ତୃତୀୟ ଅମାବାସ୍ୟାକୁ ବ୍ଲାକ୍ ମୁନ୍ କୁହାଯାଏ। ତେଣୁ ଚନ୍ଦ୍ର ଆମକୁ ଦେଖାଯାଏ ନାହିଁ। ଚନ୍ଦ୍ରମା ଚକ୍ର ୨୯.୫ ଦିନର ହୋଇଥାଏ। ତେଣୁ କେବେ କେବେ ଗୋଟିଏ ମାସରେ ଦୁଇଟି ଅମାବାସ୍ୟା ପଡ଼େ। ଯେପରିକି କିଛି ମାସର ପହିଲାରେ ଅମାବାସ୍ୟା ପଡ଼େ, ପୁଣି ସେହି ମାସର ୨୯ ଓ ୩୦ ତାରିଖରେ ଆଉ ଥରେ ଅମାବାସ୍ୟା ପଡ଼େ। ଏହି ଦ୍ଵିତୀୟ ଅମାବାସ୍ୟାକୁ ବ୍ଲାକ୍ ମୁନ୍ କୁହାଯାଏ। ସେହିପରି ଗୋଟିଏ ଋତୁରେ ପ୍ରାୟତଃ ୩ଟି ଅମାବାସ୍ୟା ପଡ଼େ। ହେଲେ ବେଳେ ବେଳେ ସଂଯୋଗ ବଶତଃ ୪ଟି ଅମାବାସ୍ୟା ପଡ଼େ। ଏହି ୪ଟି ଅମାବାସ୍ୟା ଭିତରୁ ତୃତୀୟ ଅମାବାସ୍ୟାକୁ ବ୍ଲାକ୍ ମୁନ୍ କୁହାଯାଏ। ସୂର୍ଯ୍ୟ ଓ ଚନ୍ଦ୍ର ଗୋଟିଏ ସରଳ ରେଖାରେ ରହିଲେ ଚନ୍ଦ୍ର ଆଲୋକ ପୃଥିବୀ ପୃଷ୍ଠରେ ପଡ଼େ ନାହିଁ। ତେଣୁ ଚନ୍ଦ୍ର ଆମକୁ ଦେଖାଯାଏ ନାହିଁ। ଏଥିପାଇଁ ମଧ୍ୟ ବ୍ଲାକ୍ ମୁନ୍ କୁହାଯାଏ।

ଏହି ଖଗୋଳୀୟ ଘଟଣାକୁ ମିସ୍ କଲେ ଆପଣଙ୍କୁ ଲମ୍ବା ଅପେକ୍ଷା କରିବାକୁ ପଡ଼ିବ। ୨୦୨୭ ଅଗଷ୍ଟ ୩୧ ଓ ୨୦୨୮ ଅଗଷ୍ଟ ୨୦ରେ ପୁଣି ଥରେ ବ୍ଲାକ୍ ମୁନ୍ ଦେଖାଯିବ। ତେବେ ବ୍ଲାକ୍ ମୁନ୍ ଯୋଗୁଁ ଆଜି ଆକାଶ ଗଙ୍ଗା ଓ ନେବୁଲା ଦେଖିବାକୁ ସୁବର୍ଣ୍ଣ ସୁଯୋଗ ମିଳିବ। କାରଣ ଅନ୍ଧାର ଆକାଶରେ ଉଜ୍ଜ୍ୱଳ ବସ୍ତୁଗୁଡ଼ିକ ଖୁବ୍ ମନୋହର ଦେଖାଯାଏ। ତେଣୁ ଆଜି ଆକାଶ ସ୍ପଷ୍ଟ ଭାବରେ ଦେଖାଯାଉଥିବା ଏକ ଖୋଲା ସ୍ଥାନକୁ ଯାଇ ଏହି ସୁନ୍ଦର ଦୃଶ୍ୟକୁ ଉପଭୋଗ କରିପାରିବେ। 

                                                                 Nebula photo