ଭୁବନେଶ୍ୱର, ୦୪/୦୮: ନୂଆ କମିଶନର ଆସିବା ପରେ ବିଏମ୍ସି ଆନ୍ତଃବିଭାଗ ସ୍ତରରେ ଅଦଳବଦଳ ହୋଇଛି । ଡେପୁଟି କମିଶନର ରଶ୍ମିରେଖା ଅମାତଙ୍କୁ ଷ୍ଟୋର, ସ୍ୱାସ୍ଥ୍ୟ ଏବଂ ପରିବାର କଲ୍ୟାଣର ଅତିରିକ୍ତ ଦାୟିତ୍ୱ ମିଳିଛି । ଏହା ସହ ସେ ଦକ୍ଷିଣ-ପଶ୍ଚିମ ଜୋନର ଜୋନାଲ କମିଶନର ଦାୟିତ୍ୱ ତୁଲାଇବେ । ଜୟଶ୍ରୀ ବେହାରା ପୂର୍ବପରି ଏଷ୍ଟାବ୍ଲିସମେଣ୍ଟ ଦାୟିତ୍ୱରେ ରହିବେ ।
କାଜଲ ପ୍ରଧାନ ପରିବେଶ, ଯୋଗେନ୍ଦ୍ର ମାଝୀଙ୍କୁ ଓଡିଏ କୋର୍ଟ, ରୁବି ବେହେରାଙ୍କୁ ଆଇଟି ଏବଂ ମାର୍କେଟ ଦାୟିତ୍ୱ ଦିଆଯାଇଛି । ଏନ୍ ଗଣେଶ ବାବୁ ପରିମଳ, ପ୍ରିୟଙ୍କା ମଲ୍ଲିକ ଯୋଗାଣ ବିଭାଗ, ରଶ୍ମିରେଖା ପ୍ରଧାନ ଏବିସି, ଜରୁରୀକାଳୀନ, ମୁକ୍ତା ଦାୟିତ୍ୱରେ ରହିବେ । ଅଜୟ କୁମାର ମହାନ୍ତି ରାଜସ୍ୱ ବିଭାଗର ଦାୟିତ୍ୱ ତୁଲାଇବେ । ଅତିରିକ୍ତ କମିଶନର ରତ୍ନାକର ସାହୁ, କୈଳାଶ ଦାସ ଏବଂ ସସ୍ମିତା ସାହୁ ଏହି ସବୁ ବିଭାଗର ତଦାରଖ କରିବେ ବୋଲି ଜଣାପଡ଼ିଛି । ଅତିରିକ୍ତ କମିଶନର ଶୁଭେନ୍ଦୁ ସାହୁଙ୍କ ବଦଳି ପରେ ବିଭାଗର ପରିବର୍ତ୍ତନ କରାଯାଇଛି ।
