ପାଟଣାଗଡ,୨୫।୫ (ଆପ୍ର): ବଲାଙ୍ଗୀର ଜିଲ୍ଲା ପାଟଣଗଡ ଥାନା ମରୁଆଁ ଗାଁରେ ରବିବାର ପୋଖରୀରେ ବୁଡି ଜଣେ ନାବାଳକ ଙ୍କର ମୃତ ହୋଇଛି । ମୃତ ନାବାଳକ ଜଣକହେଲେ ଉକ୍ତ ଗାଁର ପ୍ରଞ୍ଜା ସାହୁ (୯) ।
ସୁଚନା ଅନୁସାରେ ରବିବାର ସକାଳୁ ପ୍ରଞ୍ଜା ଗାଁ ମୁଣ୍ଡର ଅନିତ ଦୂରରେ ଥିବା ଏକ ପୋଖରୀକୁ ଗାଧୋଇବା ପାଇଁ ଯାଇ ପାଣିରେ ବୁଡି ଯାଇଥିଲେ । କିଛି ସମୟପରେ ଗାଁର ଲୋକମାନେ ସେଠାକୁ ଯିବାବେଲେ ପ୍ରଞ୍ଜା ପାଣିରେ ଭାସୁଥିବାର ଦେଖିବାକୁ ପାଇଥିଲେ । ପରେ ଗାଁ ଲୋକେ ପରିବାର ବର୍ଗଙ୍କୁ ଖବର ଦେଇଥିଲେ । ପରିବାର ଲୋକେ ଆସି ଘଟଣା ସ୍ଥଳରୁ ତାଙ୍କୁ ଉଦ୍ଧାର କରି ଚିକିତ୍ସା ପାଇଁ ପାଟଣାଗଡ ଉପଖଣ୍ଡ ଡାକ୍ତରଖାନାକୁ ଆଣିଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ପ୍ରଜ୍ଞାଙ୍କ ମୃତ୍ୟୁ ଖବର ଜାଣିବାପରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି । ଖବର ପାଇଁ ପାଟଣାଗଡ ପୁଲିସ ଡାକ୍ତର ଖାନାକୁ ପହଞ୍ଚି ମୃତଦେହ ଜବତ କରିବା ସହ ବ୍ୟବଚ୍ଛେଦ ପାଇଁ ପଠାଇଥିଲା । ଶବ ବ୍ୟବଚ୍ଛେଦ ପରେ ପରିବାର ବର୍ଗଙ୍କୁ ହସ୍ତାନ୍ତର କରି ଅଧିକ ତଦନ୍ତ ଜାରି ରଖିଛି ।
