ନୂଆଦିଲ୍ଲୀ ୨୪/୦୧: ଟିଭିର ଐତିହାସିକ ଶୋ’ ମଧ୍ୟରୁ ଗୋଟିଏ ମହାଭାରତ। ଏହି ଶୋ ୧୯୮୮ ରୁ ୧୯୯୦ ପର୍ଯ୍ୟନ୍ତ ଚାଲିଥିଲା । ବିଆର ଚୋପ୍ରାଙ୍କ ପୁଅ ରବି ଚୋପ୍ରା ଏହି ଶୋ’ର ନିର୍ଦ୍ଦେଶନା ଦେଇଥିଲେ ଏବଂ ବିଆର ଚୋପ୍ରା ଏହାକୁ ପ୍ରଡ୍ୟୁସ୍ କରିଥିଲେ। ଏହି ଶୋ’ରେ ନୀତୀଶ ଭରଦ୍ୱାଜ ଶ୍ରୀକୃଷ୍ଣଙ୍କ ଭୂମିକାରେ ଅଭିନୟ କରିଥିବା ବେଳେ ମୁକେଶ ଖାନ୍ନା ପିତାମହ ଭୀଷ୍ମ ଭୂମିକାରେ ଅଭିନୟ କରିଥିଲେ। ରୂପା ଗାଙ୍ଗୁଲି ଦ୍ରୌପଦୀ ହୋଇଥିଲେ। ଏହି ଶୋ’କୁ ଖୁବ୍ ପସନ୍ଦ କରିଥିଲେ ଦର୍ଶକ।
ବର୍ତ୍ତମାନ ରବି ଚୋପ୍ରାଙ୍କ ପତ୍ନୀ ରେଣୁ ଚୋପ୍ରା ମହାଭାରତ ବିଷୟରେ କଥା ହୋଇଛନ୍ତି। ସେ କହିଛନ୍ତି, ଦ୍ରୌପଦୀଙ୍କ ଭୂମିକା ପାଇଁ ରୂପା ପ୍ରଥମ ପସନ୍ଦ ନଥିଲେ। ଏହି ଭୂମିକା ପାଇଁ ଅଭିନେତ୍ରୀ ଜୁହି ଚାୱଲାଙ୍କୁ ସାଇନ୍ କରାଯାଇଥିଲା। କିନ୍ତୁ ଜୁହି ଏହି ଶୋ’ କରିପାରିଲେ ନାହିଁ ତେଣୁ ରୁପାଙ୍କୁ ସାଇନ୍ କରାଗଲା । ଏହା ବ୍ୟତୀତ ରେଣୁ କହିଛନ୍ତି ଯେ ମହାଭାରତ ତିଆରି କରିବାବେଳେ ତାଙ୍କୁ ଅନେକ କ୍ଷତିର ସମ୍ମୁଖୀନ ହେବାକୁ ପଡିଥିଲା।
ରେଣୁ ଚୋପ୍ରା କହିଛନ୍ତି, “ପ୍ରଥମ ଦୁଇ ଦିନ ଏପିସୋଡ ପରେ, ଯେଉଁ କମ୍ପାନି ଆମକୁ ଆର୍ଥିକ ସହାୟତା ଦେଉଥିଲା ସେ ୬ ଲକ୍ଷ ଟଙ୍କା ଦେଉଥିଲା।ହେଲେ ପ୍ରଥମ ଏପିସୋଡରେ ୭-୮ ଟଙ୍କା ଖର୍ଚ୍ଚ ହୋଇଯାଇଥିଲା। ରବି ତାଙ୍କ ବାପାଙ୍କ ନିକଟକୁ ଯାଇ କହିଥିଲେ ମୁଁ ଆଉ ତିଆରି କରିପାରିବି ନାହିଁ। ମୁଁ ଯେତେ ଚେଷ୍ଟା କଲେ ବି, ଏହା ୬ ଲକ୍ଷ ଟଙ୍କାରେ ତିଆରି ହୋଇପାରିବ ନାହିଁ । ବାପା ତାଙ୍କୁ କହିଥିଲେ ତୁମେ ଯାହା ତିଆରି କରୁଛ ସେଥିରେ ତୁମେ ଖୁସି କି? ସେ ହଁ କହିଲେ। ତାପରେ ବାପା କହିଲେ ତୁମେ ଏହାକୁ ହୃଦୟରୁ ତିଆରି କର, ଟଙ୍କା ବିଷୟରେ ଚିନ୍ତା କର ନାହିଁ, ଟଙ୍କା ପରେ ଆସିବ ।“
ତେଣୁ ଚୋପ୍ରା ଆହୁରି କହିଛନ୍ତି, 'ପ୍ରକୃତରେ ଯେତେବେଳେ ଆମେ ଏହାକୁ ତିଆରି କରୁଥିଲୁ, ଆମେ ପ୍ରତି ସପ୍ତାହରେ ୨ ଲକ୍ଷ ଟଙ୍କା କ୍ଷତି ସହିଥିଲୁ। ପରେ ଜିନିଷ ଟିକିଏ ଭଲ ହୋଇଗଲା। ଆଜି ମୁଁ ଏଠାରେ ବସିଛି କାରଣ ଆମ ପାଖରେ ଆମର ମହାଭାରତ ଥିଲା।
