ଲଣ୍ଡନ,୨୫/୦୧: ବ୍ରିଟେନର ଲିଭରପୁଲ ଠାରେ ଏକ ଡ୍ୟାନ୍ସ କ୍ଲାସରେ ବଳପୂର୍ବକ ପ୍ରବେଶ କରି ୩ ଜଣ ଶିଶୁଙ୍କୁ ଛୁରି ଭୁସି ହତ୍ୟା କରିଥିବା ଜଣେ ଅଭିଯୁକ୍ତକୁ କୋର୍ଟ ୫୨ ବର୍ଷ ଜେଲ୍ ଦଣ୍ଡରେ ଦଣ୍ଡିତ କରିଛନ୍ତି । ଦୋଷୀ ଅକ୍ସଲ ରୁଦାକୁବାନା (୧୮) ବିରୋଧରେ ହତ୍ୟା ଓ ହତ୍ୟା ଉଦ୍ୟମ ସମେତ ମୋଟ ୧୦ଟି ଧାରାରେ ବିଚାର କରାଯାଇଥିଲା ।
ରାୟ ପ୍ରକାଶ କରିବା ବେଳେ ବିଚାରପତି ଜୁଲିଅନ ଜୁଜ୍ ଏହାକୁ ସର୍ବାଧିକ ଗମ୍ଭୀର ମାମଲା ବୋଲି କହିଥିଲେ । ସେ କହିଥିଲେ ଅଭିଯୁକ୍ତ ଅକ୍ସଲ ଉକ୍ତ କ୍ଲାସରେ ଶିଶୁଙ୍କ ଗଣହତ୍ୟା କରିବାକୁ ଚାହିଁଥିଲା । ତେଣୁ ଜେଲ୍ରେ ୬ମାସ ସଜ୍ଜା କାଟି ସାରିଥିଲେ ମଧ୍ୟ ଦୋଷୀ ଅକ୍ସଲକୁ ୫୨ ବର୍ଷ ପର୍ଯ୍ୟନ୍ତ ଜେଲ୍ରେ ରହିବାକୁ ହେବ । ଗତବର୍ଷ ଜୁଲାଇ ୨୯ରେ ଲିଭରପୁଲ ସାଉଥପୋର୍ଟରେ ଏହି ହତ୍ୟାକାଣ୍ଡ ଘଟିଥିଲା । ଏଥିରେ ୩ ଜଣ ଶିଶୁଙ୍କ ମୃତ୍ୟୁ ହୋଇଥିଲା ବେଳେ ଅନ୍ୟ ୧୨ ଜଣ ଆହତ ହୋଇଥିଲେ । ସମସ୍ତ ମୃତାହତ ଶିଶୁଙ୍କ ବୟସ ୬ରୁ୯ ବର୍ଷ ମଧ୍ୟରେ ଥିଲା ।
