ମୁମ୍ବାଇ,୧୫/୪ : ସିନେମାର ସବୁବେଳେ କାହାଣୀ ହେଉଛି ହିରୋ । ଏଠି ବଜେଟ୍ ଆଉ ଷ୍ଟାରକାଷ୍ଟ୍ ବି ଫେଲ୍ ମାରିଛି । ଯାହାର ଉଦାହରଣ ଆମେ ବହୁ ପୂର୍ବରୁ ଦେଖିଛେ । ଆମେ ଆଜି ଯେଉଁ ସିନେମା ବିଷୟରେ କଥା ହେବା ତା’ର ବଜେଟ ଥିଲା ୧୫୦କୋଟି କିନ୍ତୁ କଲେକ୍ସନ କ୍ଷେତ୍ରରେ ଦେଖିଲେ ମାତ୍ର ୧୮କୋଟି ଟଙ୍କା ହୋଇଥିଲା।
ଏଭଳି ଏକ ଫିଲ୍ମ ୨୦୨୩ରେ ରିଲିଜ ହୋଇଥିଲା । ଏହି ଫିଲ୍ମରେ ନାମିଦାମୀ ଷ୍ଟାରକାଷ୍ଟ୍ ଥିଲେ ଏବଂ ମୋଟା ଅଙ୍କର ବଜେଟ ବି ଥିଲା । କିନ୍ତୁ ନ ଥିଲା ଶାନଦାର କାହାଣୀ ଏବଂ ଅଭିନୟ । ଏହି ଫିଲ୍ମ ବକ୍ସ ଅଫିସରେ ବହୁତ ଖରାପ ହୋଇଥିଲା ଏବଂ ଏହାକୁ ଭାରତୀୟ ସିନେମା ଇତିହାସର ସବୁଠାରୁ ବଡ଼ ଫ୍ଲପ୍ ବୋଲି କହିଲେ ଅତ୍ୟୁକ୍ତି ହେବ ନାହିଁ । ବିକାଶ ବହଲଙ୍କ ଆକ୍ସନ-ଥ୍ରୀଲର ଫିଲ୍ମ ‘ଗଣପତ’ ଭାରତୀୟ ସିନେମାର ସବୁଠାରୁ ବଡ଼ ଅସଫଳତା ମଧ୍ୟରୁ ଗୋଟିଏ ବୋଲି ଧରାଯାଏ ।
ଆଇଏମଡିବି ଅନୁସାରେ ୧୫୦କୋଟି ଟଙ୍କାର ବଜେଟରେ ହୋଇଥିବା ଟାଇଗର ଶ୍ରାଫ ଏବଂ ଅମିତାଭ ବଚ୍ଚନଙ୍କ ଗଣପତ ବକ୍ସ ଅଫିସରେ ଓ୍ବାର୍ଲ୍ଡ ଓ୍ବାଇଡ ମାତ୍ର ୧୮କୋଟି ଟଙ୍କା ନେଟ୍ କଲେକ୍ସନ କରିଥିଲା । ଟାଇଗର ଶ୍ରାଫ, କୃତି ସେନନ ଏବଂ ଅମିତାଭ ବଚ୍ଚନଙ୍କ ଭଳି ଷ୍ଟାରର ଥାଇ ବି ଫିଲ୍ମ ଦର୍ଶକଙ୍କୁ ହଲ୍ ଯାଏ ଟାଣିବାକୁ ସମ୍ଭବ ହୋଇପାରିଲାନି । ଜ୍ୟାକି ଭଗନାନୀଙ୍କ ନିର୍ମିତ ଏହି ଫିଲ୍ମ ସାବ୍ୟସ୍ତ କରିଦେଇଥିଲା କି ବଡ଼ ବଜେଟ ସବୁବେଳେ ସଫଳତାର ଗ୍ୟାରେଣ୍ଟି ଦେଇନଥାଏ । ‘ଗଣପତ’ର ଅସଫଳତା ଫିଲ୍ମ ଇଣ୍ଡଷ୍ଟ୍ରୀକୁ ଏକ ବଡ଼ ଶିକ୍ଷା ଅଟେ ।
