ନୂଆଦିଲ୍ଲୀ,୫।୧୨: ଦୃତ ଗତିରେ ସଡକ ନିର୍ମାଣ ଓ ଏହାର ମାନ ନେଇ ସଂସଦରେ ନୀତିନ ଗଡକରୀ ଦେଇଛନ୍ତି ବଡ଼ ବୟାନ। ଗୁରୁବାର ଳୋକସଭାରେ ଏକ ପ୍ରଶ୍ନର ଉତ୍ତରରେ ଗଡକାରୀ କହିଛନ୍ତି, ମୁଁ ପୂର୍ବରୁ କହିସାରିଛି, ଠିକ୍ କାମ କରୁନଥିବା ଠିକାଦାରଙ୍କୁ ବୁଲଡୋଜର ପକାଇ ଦିଆଯିବ।’ ସେ ଗୃହର ପ୍ରଶ୍ନକାଳ ବେଳେ ରାଜସ୍ଥାନର ନାଗୌରୁ ସାଂସଦ ଥିବା ହନୁମାନ ବେନିଓ୍ବାଲଙ୍କ ପ୍ରଶ୍ନର ଉତ୍ତରରେ ଏହା କହିଛନ୍ତି ଯେ, ଠିକାଦରଙ୍କୁ ଠିକ୍ ଭାବରେ କାମ କରିବା ପାଇଁ ଶକ୍ତ ହେବାକୁ ପହିବ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ବରେ ଆମ ବିଭାଗ ୫୦ ଲକ୍ଷ କୋଟି ଟଙ୍କା କାମ କରିଛୁ। ଆମେ ପାରଦର୍ଶୀ ଓ ସମୟବଦ୍ଧ। ଏବେ ପରିଣାମ ଦେବାର ସମୟ ଆସିଛି।’
ତାଙ୍କର କହିବା ଅନୁସାରେ, ମୁଁ ଏହାର ଉଲ୍ଲେଖ କରିବାକୁ ଚାହୁଁନି। ମୁଁ କହିସାରିଛି ଯେ, ଯଦି ଠିକାଦାର ଠିକ୍ ଭାବରେ କାମ କରିବେନି ତାଙ୍କୁ ବୁଲଡୋଜର ତଳେ ପକାଇ ଦେବୁ। ଏ ବର୍ଷ ଦେଖନ୍ତୁ କେଉଁଭଳି କାମ କରିବି, ଆମେ ଟିକେ ବି କାମରେ ବୁଝାମଣା କରିବୁନି।’ ସେ ଗୃହରେ କହିଛନ୍ତି, ଦିଲ୍ଲୀ-ମୁମ୍ବାଇ ଏକ୍ସପ୍ରେସ୍ ଓ୍ବେ’ର ନିର୍ମାଣରେ ଦେଖିବାକୁ ମିଳିଥିବା ନିମ୍ନମାନର କାମ ପାଇଁ ୪ ଜଣ ଠିକାଦାରଙ୍କୁ ଦାୟୀ କରାଯାଇଛି। ତାଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ସେ ଲୋକସଭାରେ ପ୍ରଶ୍ନକାଳ ବେଳେ କହିଛନ୍ତି, ଆଇଆଇଟି-ଖଡଗପୁର ଓ ଆଇଆଇଟି-ଗାନ୍ଧୀନଗରର ବିଶେଷଜ୍ଞ ଏକ୍ସପ୍ରେସ୍ ଓ୍ବେର ନିରୀକ୍ଷଣ କରିଛନ୍ତି ଓ ଏହାର ନିର୍ମାଣରେ ଅଭାବ ଦେଖିବାକୁ ମିଳିଛି।
ଗଡକାରୀ କହିଛନ୍ତି, ଆମେ ସେହି ୪ ଠିକାଦାରଙ୍କ ନୋଟିସ ଜାରି କରି ତାଙ୍କୁ ବ୍ଲାକ ଲିଷ୍ଟ କରିଦେବୁ। କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ସମ୍ପୃକ୍ତ ଅଧିକାରୀଙ୍କ ବିରୋଧରେ ମଧ୍ୟ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।’ ମନ୍ତ୍ରୀ କହିଛନ୍ତି, ଦିଲ୍ଲୀ-ମୁମ୍ବାଇ ଏକ୍ସପ୍ରେସ୍ ଓ୍ବେ ଦେଶର ସବୁଠାରୁ ଲମ୍ବା ସଡକ ଓ ଏହାର ନିର୍ମାଣ ସବୁଠାରୁ କମ୍ ସମୟରେ ହୋଇଛି।
