ଜୟପୁର,୨୧/୩ : ବନ୍ଧୁକ ମୁନରେ ବ୍ୟବସାୟୀଙ୍କୁ ଅପହରଣ ଅଭିଯୋଗ । ଅପହୃତ ହୋଇଥିବା ବ୍ୟବସାୟୀ ଜଣଙ୍କ ହେଲେ ଏ.ରାଜୁ । ଆଜି ସଂଧ୍ୟାରେ ଗେଟଗୁଡା ନିକଟରୁ ତାଙ୍କୁ ଦୁର୍ବୃତ୍ତମାନେ ଅପହରଣ କରିଥିବା ସୂଚନା ମିଳିଛି। ଏ ନେଇ ପୋଲିସ ନିକଟରେ ପରିବାରଲୋକ ଅଭିଯୋଗ କରିଛନ୍ତି । ଧାନ ମିଲ ସହ ଅନେକ ବ୍ୟବସାୟ ତାଙ୍କର ରହିଛି। ଘଟଣା ସ୍ଥଳରେ ପହଞ୍ଚି ପୋଲିସର ଛାନଭିନ ଆରମ୍ଭ କରିଛି ।
ଗେଟଗୁଡା ନିକଟରେ ଥିବା ତାଙ୍କ ମିଲକୁ ସେ ଆଜି ସଂଧ୍ୟାରେ ନିଜ ସ୍କୁଟିରେ ଯାଉଥିବା ସମୟରେ ଏହି ଘଟଣା ଘଟିଛି। ପୂର୍ବରୁ ଦୁର୍ବୃତ୍ତମାନେ ତାଙ୍କ ୨୦ ଲକ୍ଷ ଟଙ୍କା ଦାଦା ବଟି ମାଗିଥିଲେ ବୋଲି ସୂଚନା ମିଳିଛି। ତେବେ ପୋଲିସ ଏନେଇ କିଛି ସ୍ପଷ୍ଟ କରିନି । ୬ମାସ ତଳେ କୁମୁଲିପୁଟର ଜଣେ ବ୍ୟବସାୟୀଙ୍କୁ ମଧ୍ୟ ଏପରି ଅପହରଣ କରିଥିଲେ ଦୁର୍ବୃତ୍ତ।
