ନୂଆଦିଲ୍ଲୀ,୧୭/୦୩ ; ଯଦି ଆପଣ ଜଣେ LPG ଗ୍ରାହକ, ତେବେ ଏହା ଆପଣଙ୍କ ପାଇଁ ଗୁରୁତ୍ୱପୂର୍ଣ୍ଣ ଖବର । LPG ଗ୍ରାହକଙ୍କ ପାଇଁ ବାୟୋମେଟ୍ରିକ୍ ଆଧାର ପ୍ରମାଣୀକରଣ (e-KYC) ସ୍ପଷ୍ଟୀକରଣ ରଖିଛନ୍ତି କେନ୍ଦ୍ର ପେଟ୍ରୋଲିୟମ ମନ୍ତ୍ରାଳୟ । କେବଳ ଅନଧିକୃତ LPG ବ୍ୟବହାରକାରୀଙ୍କ ପାଇଁ e-KYC ବ୍ୟବସ୍ଥା । ସମସ୍ତ ଏଲପିଜି ଉପଭୋକ୍ତାଙ୍କ ପାଇଁ e-KYC କରିବା ଦରକାର ନାହିଁ । ଯେଉଁ ଏଲପିଜି ଉପଭୋକ୍ତା e-KYC କରି ନାହାନ୍ତି ସେମାନେ କରିବେ । ଯଦି ପ୍ରଧାନମନ୍ତ୍ରୀ ଉଜ୍ୱଳା ଯୋଜନା ଉପଭୋକ୍ତା ନୁହନ୍ତି, ପୂର୍ବରୁ e-KYC କରିଛନ୍ତି ତେବେ ଆଉ କରିବା ଦରକାର ନାହିଁ । ନିଜ ଘରେ ବସି ବି ଇ-କେୱାଇସି କରିପାରିବେ ବୋଲି ମନ୍ତ୍ରଣାଳୟ କହିଛି ।
ସରକାର ଏହା ମଧ୍ୟ କହିଛନ୍ତି ଯେ, eKYC ପ୍ରକ୍ରିୟା ବହୁତ ସରଳ ଏବଂ ଆପଣଙ୍କ ଘରେ ବସି ମାଗଣାରେ ସମାପ୍ତ କରାଯାଇପାରିବ । eKYC ସମାପ୍ତ ନହେଲେ ମଧ୍ୟ, LPG ସବସିଡିର ଉପଲବ୍ଧତା ପ୍ରଭାବିତ ହେବ ନାହିଁ । eKYC ପ୍ରକ୍ରିୟା ସ୍ଥାନାନ୍ତରକୁ ତ୍ୱରାନ୍ୱିତ କରେ, ଯୋଗ୍ୟତା ସ୍ପଷ୍ଟ କରେ, ଠକ ହିତାଧିକାରୀଙ୍କୁ ଚିହ୍ନଟ କରେ ଏବଂ LPGର ଅପବ୍ୟବହାର କିମ୍ବା ଦିଗ ପରିବର୍ତ୍ତନକୁ ରୋକିବାରେ ସାହାଯ୍ୟ କରିବ । ଯଦି ଆପଣ ଜଣେ ଅଣ-PMUY ଗ୍ରାହକ (ପ୍ରଧାନମନ୍ତ୍ରୀ ଉଜ୍ଜ୍ୱଳା ଯୋଜନାରୁ ବାଦ ପଡ଼ିଛନ୍ତି) ଏବଂ ପୂର୍ବରୁ eKYC ପୂରଣ କରିସାରିଛନ୍ତି, ତେବେ ଆପଣଙ୍କୁ ଏହା ପୁନର୍ବାର କରିବାକୁ ପଡିବ ନାହିଁ । ପ୍ରଧାନମନ୍ତ୍ରୀ ଉଜ୍ଜ୍ୱଳା ଯୋଜନା (PMUY) ଅଧୀନରେ ଥିବା ଗ୍ରାହକମାନଙ୍କୁ ପ୍ରତି ଆର୍ଥିକ ବର୍ଷରେ କେବଳ ଥରେ eKYC ପୂରଣ କରିବାକୁ ପଡିବ । ଯଦି ସେମାନେ ୭ ସିଲିଣ୍ଡର ରିଫିଲ୍ ପରେ ୮ମ ଏବଂ ୯ମ ରିଫିଲ୍ ଉପରେ ସବସିଡି (DBT) ପାଇବାକୁ ଚାହାଁନ୍ତି, ତେବେ ଏହି ପ୍ରକ୍ରିୟା ଦରକାର ନାହିଁ ।
Clarification: LPG Biometric Aadhaar Authentication (eKYC) only required for unauthenticated LPG customers and not all customers pic.twitter.com/oySbhPgJ47
— Ministry of Petroleum and Natural Gas #MoPNG (@PetroleumMin) March 17, 2026
ଏହା ବି ପଢନ୍ତୁ...LPG ସଙ୍କଟ ଭିତରେ ଗୁଡ୍ ନ୍ୟୁଜ୍; ଶିବଲିକ୍ ପରେ ହୋର୍ମୁଜ ଦେଇ ଭାରତରେ ପହଞ୍ଚିଲା ନନ୍ଦାଦେବୀ, ଜାଣନ୍ତୁ କେତେ ଗ୍ୟାସ୍ ଆଣିଲା ?
ଘରୁ କରନ୍ତୁ LPG e-KYC-
.ସର୍ବପ୍ରଥମେ ଆପଣଙ୍କର LPG ପ୍ରଦାନକାରୀଙ୍କ ଅଫିସିଆଲ୍ ମୋବାଇଲ୍ ଆପ୍ ଏବଂ ଆଧାର FaceRD ଆପ୍ ଡାଉନଲୋଡ୍ କରନ୍ତୁ ।
.ଏହା ପରେ, ଆପଣଙ୍କର LPG ସଂଯୋଗ ସହିତ ଲିଙ୍କ୍ ହୋଇଥିବା ମୋବାଇଲ୍ ନମ୍ବର ବ୍ୟବହାର କରି ପଞ୍ଜୀକରଣ କରନ୍ତୁ କିମ୍ବା ଆପରେ ଲଗ୍ ଇନ୍ କରନ୍ତୁ ।
.ଲଗ୍ ଇନ୍ କରିବା ପରେ, ଆପରେ ଦିଆଯାଇଥିବା e-KYC ବିକଳ୍ପ ଉପରେ କ୍ଲିକ୍ କରନ୍ତୁ ଏବଂ ଆପଣଙ୍କର ଆଧାର ନମ୍ବର ପ୍ରବେଶ କରନ୍ତୁ।
.ଏହା ପରେ ପ୍ରମାଣୀକରଣକୁ ଅନୁମତି ଦିଅନ୍ତୁ।.ଏବେ ଆପଣଙ୍କୁ ଆଧାର ଫେସଆରଡି ଆପ୍ ମାଧ୍ୟମରେ ଫେସ୍ ପ୍ରମାଣୀକରଣ ସମାପ୍ତ କରିବାକୁ ପଡିବ ।
. ଆପଣଙ୍କ ଫେସ୍ ସଫଳତାର ସହ ଯାଞ୍ଚ ହେବା ପରେ, ସିଷ୍ଟମ ଆପଣଙ୍କୁ e-KYC ସମାପ୍ତିର ନିଶ୍ଚିତକରଣ ଦେବ ।
.ଏହି ପ୍ରକ୍ରିୟା ସମାପ୍ତ ହେବା ମାତ୍ରେ, ଆପଣଙ୍କର ଏଲପିଜି ସଂଯୋଗ ଅପଡେଟ୍ ହୋଇଯିବ ଏବଂ ଆପଣଙ୍କୁ ଆଉ କୌଣସି ସମସ୍ୟାର ସମ୍ମୁଖୀନ ହେବାକୁ ପଡ଼ିବ ନାହିଁ ।
