ନୂଆଦିଲ୍ଲୀ : ଅଧିନାୟକ ଋତୁରାଜ ଗାଏକ୍ବାଡଙ୍କ ଅର୍ଦ୍ଧଶତକ ବଳରେ ୭ ଓ୍ବିକେଟରେ ୧୫୮ ରନ କରିବାରେ ସକ୍ଷମ ହୋଇଛି ଚେନ୍ନାଇ ସୁପରକିଙ୍ଗ୍ସ । ଗୁଜୁରାଟ ଆଗରେ ୧୫୯ ରନର ବିଜୟ ଲକ୍ଷ୍ୟ । ଗାଏକ୍ବାଡ ଦଳ ପକ୍ଷରୁ ସର୍ବାଧିକ ୬୦ ବଲରୁ ୭୪ ରନ୍ କରିଛନ୍ତି । ସେପଟେ ରାବାଡା ଗୁଜୁରାଟ ପକ୍ଷରୁ ସର୍ବାଧିକ ୩ ଓ୍ବିକେଟ ଅକ୍ତିଆର କରିଛନ୍ତି ।
ଇନିଂସ ଆରମ୍ଭରୁ ଚେନ୍ନାଇର ବ୍ୟାଟିଂ ମନ୍ଥର ଥିଲା। ଏହାର କାରଣ ଥିଲା ଦଳର ପ୍ରାରମ୍ଭିକ ବ୍ୟାଟର ମାନେ କ୍ରିଜ୍ରେ ଅଧିକ ସମୟ ପର୍ଯ୍ୟନ୍ତ ତିଷ୍ଠି ପାରି ନଥିଲେ। ଦଳ ୮.୨ ଓଭରରେ ସ୍କୋର ୩୭ ରନ୍ରେ ୪ ଜଣ ଖେଳାଳିଙ୍କୁ ହରାଇଥିଲା। ଚେନ୍ନାଇ ଦଳର ସ୍କୋର ୨୧ ରନ୍ରେ ସଂଜୁ ସାମସନ, ୨୫ ରନ୍ରେ ଉର୍ଭିଲ ପଟେଲ (୪ ରନ୍), ୨୬ ରନ୍ରେ ସର୍ଫରାଜ ଖାନ (ଶୂନ୍ୟ ରନ୍) ଏବଂ ୩୭ ରନ୍ରେ ଡେୱାର୍ଲ୍ଡ ବ୍ରେଭିସ୍ (୨ ରନ୍) ଆଉଟ ହୋଇଥିଲେ।
ତେବେ ଚେନ୍ନାଇ ପକ୍ଷରୁ ଶିଭମ ଦୁବେ ୨୨, କାର୍ତ୍ତିକ ଶର୍ମା ୧୯ ଏବଂ ଓଭରଟନ୍ ୧୮ ରନ କରିବାରେ ସକ୍ଷମ ହୋଇଥିଲେ । ଆଜି ପ୍ରଥମରୁ ଦଳ ଧିମା ଆରମ୍ଭ କରିଥିବାବେଳେ ଏତିକି ସ୍କୋରରେ ସନ୍ତୁଷ୍ଟ ହୋଇଛି ।
ସେପଟେ ଗୁଜୁରାଟ ପକ୍ଷରୁ ରାବାଡ଼ା ୩ ଓ୍ବିକେଟ ଅକ୍ତିଆର କରିଥିବାବେଳେ ବାକି ବୋଲରଙ୍କ ମଧ୍ୟରେ ଅର୍ଶଦ ଖାନ ୨, ସିରାଜ ଏବଂ ମାନବ ସୂତାର ଗୋଟିଏ ଲେଖାଏଁ ଓ୍ବିକେଟରେ ସନ୍ତୁଷ୍ଟ ହୋଇଛନ୍ତି ।
ଏହାସହ ପଢ଼ନ୍ତୁ : ପ୍ରେମ କରି ବାହା ହୋଇଥିଲେ, ସ୍ତ୍ରୀ ଏବଂ ଶାଶୁଙ୍କ ଜୀବନ ନେଇଗଲା
