ମୁମ୍ବାଇ,୧୯/୩ : ବିକ୍କି କୌଶଲ- ରଶ୍ମିକା ମନ୍ଦାନାଙ୍କ ଫିଲ୍ମ ଛାବା ବକ୍ସ ଅଫିସରେ ଆଜି ୩୪ତମ ଦିନରେ ବିଜନେସ କରୁଛି । ଫିଲ୍ମ ରିଲିଜ ହେବାର ବହୁ ଟାଇମ୍ ହୋଇସାରିଛି । ଏଥିଲାଗି ଏବେ ଏହାର କଲେକ୍ସନରେ କମି ଆସିସାରିଛି । ଏହାପରେ ବି ଫିଲ୍ମ ନିକଟରେ ରିଲିଜ ହୋଇଥିବା ଜନ ଆବ୍ରାହମଙ୍କ ଦ ଡିପ୍ଲୋମେଟରୁ ଅଧିକ କଲେକ୍ସନ କରୁଛି ।
ଏହି ଇଦରେ ସଲମାନ ଖାନଙ୍କ ସିକନ୍ଦର ରିଲିଜ ହେବାକୁ ଯାଉଛି । ଏହା ପୂର୍ବରୁ ଛାବା ନିକଟରେ ଏବେ କେବଳ ୧୦ଦିନ ହିଁ ସମୟ ରହିଛି ଯେଉଁଥିରେ ଫିଲ୍ମ କଲେକ୍ସନ କରିପାରିବ । ସିକନ୍ଦର ରିଲିଜ ପରେ କ’ଣ ହେବ ତାହା ଭବିଷ୍ୟତ କହିବ । ଏହା ପୂର୍ବରୁ ଛାବାର ଏବେ ପର୍ଯ୍ୟନ୍ତ କଲେକ୍ସନ ବିଷୟରେ ଆସନ୍ତୁ ଜାଣିବା । ଛାବା ୪ ସପ୍ତାହରେ ୫୫୨.୧୮କୋଟି ଟଙ୍କାର କଲେକ୍ସନ କରିଛି । ୨୯ତମ, ୩୦ତମ ଏବଂ ୩୧ତମ ଦିନରେ ଫିଲ୍ମ କଲେକ୍ସନ ସ୍ୟାକ୍ନିଲ୍କ ଅନୁସାରେ ୭.୨୫, ୭.୯ ଏବଂ ୮କୋଟି ଟଙ୍କା ରହିଛି । ୩୨ତମ ଦିନ ଏବଂ ୩୩ତମ ଦିନରେ ଫିଲ୍ମ ୨.୬୫ ଏବଂ ୨.୬୫କୋଟିର କଲେକ୍ସନ କରି ମୋଟ ୫୮୦.୬୩କୋଟିର କଲେକ୍ସନ କରିଛି ।
ଫିଲ୍ମ ଆଜି ତଥା ୩୨ତମ ଦିନ ୫ଟା ୨୦ମିନିଟ ପର୍ଯ୍ୟନ୍ତ ୧.୩୪କୋଟି ଟଙ୍କାର ବିଜନେସ କରି ନେଇଛି ଏବଂ ଏହାସହ ଛାବାର ମୋଟ୍ କଲେକ୍ସନ ୫୮୧.୯୭କୋଟି ଟଙ୍କା ହୋଇସାରିଛି । ଏହି ସଂଖ୍ୟା ଫାଇନାଲ ନୁହେଁ । ଏଥିରେ ପରିବର୍ତ୍ତନ ହୋଇପାରେ । ଛାବା ୩୪ତମ ଦିନ ବକ୍ସ ଅଫିସରେ ସବୁଠାରୁ ଅଧିକ କଲେକ୍ସନ କରିଥିବା ହିନ୍ଦୀ ଫିଲ୍ମ ଜଓ୍ବାନ(୬୪୦.୨୫କୋଟି)ର ଏକ କୋଟି ବି ବ୍ରେକ କରିଛନ୍ତି । ପ୍ରକାଶ ଯେ, ଜଓ୍ବାନ ୩୪ତମ ଦିନ କେବଳ ୮୨ଲକ୍ଷ ଟଙ୍କା କଲେକ୍ସନ କରିଥିଲେ । ଯାହାର ରେକର୍ଡ଼ ଛାବା ଭାଙ୍ଗି ଦେଇଛି । ଫିଲ୍ମ ପଠାନ ଯିଏ ୮୨ଲକ୍ଷ, ଆନିମଲ ଯିଏ ୫୪ଲକ୍ଷ ଏବଂ ଗଦର ୨ ଯିଏ ୫୨ଲକ୍ଷ କଲେକ୍ସନ କରିଥିଲେ ତାକୁ ବି ପଛରେ ପକାଇ ଦେଇଛି । ସ୍ତ୍ରୀ ୨ କଥା କହିବା ତ ତାହା ୨.୫କୋଟି ଟଙ୍କାର ୩୪ତମ ଦିନରେ କଲେକ୍ସନ କରିଥିଲା । ଆଶା ଅଛି କି ଏହି ଫିଲ୍ମର ରେକର୍ଡ଼ ବି ଛାବା ରାତି ପର୍ଯ୍ୟନ୍ତ କାଟିଦେବ ।
