ବୌଦ୍ଧ,୧୮/୦୫:ବୌଦ୍ଧ ଗସ୍ତରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ। ଆଜି ସକାଳ ୧୧ଟା ସମୟରେ ମୁଖ୍ୟମନ୍ତ୍ରୀ ଭୁବନେଶ୍ୱରରୁ ହେଲିକପ୍ଟରରେ ଆସି ବୌଦ୍ଧ ସହର ସ୍ଥିତ କଚେରୀ ପଡିଆଠାରେ ଅବତରଣ କରିଥିଲେ । ଠାରେ ତାଙ୍କୁ ସରକାରୀ ଦଳ ମୁଖ୍ୟ ସଚେତକ ସରୋଜ କୁମାର ପ୍ରଧାନ,କଣ୍ଟାମାଳ ବିଧାୟକ କହ୍ନାଇ ଚରଣ ଡାଙ୍ଗ,ଜିଲ୍ଲାପାଳ ସୁବ୍ରତ କୁମାର ପଣ୍ଡା,ଜିଲ୍ଲା ଆରକ୍ଷୀ ଅଧିକ୍ଷକ ରାହୁଲ ଗୋଏଲ ପ୍ରମୁଖ ସ୍ବାଗତ କରିଥିଲେ। ତେବେ ମୁଖ୍ୟମନ୍ତ୍ରୀ ତାଙ୍କର ଏହି ସମୟରେ ଜିଲ୍ଲାର ବିଭିନ୍ନ କାର୍ଯ୍ୟକ୍ରମରେ ଯୋଗ ଦେବେ ।
କଚେରୀ ପଡିଆରୁ ମୁଖ୍ୟମନ୍ତ୍ରୀ ସର୍କିଟ ହାଉସ ଯାଇଥିଲେ । ପରେ ସେଠାରୁ ଜ଼ିଲ୍ଲାପାଳଙ୍କ କାର୍ଯ୍ୟଳୟକୁ ଯାଇ ସଦଭାବନା ଗୃହରେ ଜିଲ୍ଲାର ବିକାଶ କାର୍ଯ୍ୟ ଉପରେ ସମସ୍ତ ବିଭାଗର ସମୀକ୍ଷା କରିବେ । ଅପରାହ୍ନ ୪ ଘଣ୍ଟା ସମୟରେ ସରସରା ଗ୍ରାମରେ ଥିବା ଖେଳ ପଡିଆରେ ଏକ ସାଧାରଣ ସଭାରେ ଯୋଗ ଦେବେ । ଏହା ପରେ ଅପରେସନ ସିନ୍ଦୁରକୁ ନେଇ ତ୍ରିରଙ୍ଗା ଶୋଭାଯାତ୍ରାର ଶୁଭ ଉଦଘାଟନ କରି ସରସରା ଗ୍ରାମର ଖେଳ ପଡିଆରୁ ସରସରା ଗ୍ରାମ ରାସ୍ତା ମଧ୍ଯ ଦେଇ ପଞ୍ଚାୟତ ତ୍ରିରଙ୍ଗା ଶୋଭାଯାତ୍ରାରେ ଯୋଗଦେବେ । ମୁଖ୍ୟମନ୍ତ୍ରୀଙ୍କ ଗସ୍ତ ସମୟରେ ଯେପରି କୌଣସି ଅପ୍ରୀତିକର ପରିସ୍ଥିତି ସୃଷ୍ଟି ନ ହୁଏ ସେଥିପାଇଁ ପୁଲିସ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା କରାଯାଇଛି ।
