ଜି.ଉଦୟଗିରି,୨୬/୪ : ଜି ଉଦୟଗିରି ଥାନା ଅନ୍ତର୍ଗତ ଆଡାସିକୁପାଠାରେ ଶନିବାର ଅପରାହ୍ନରେ ଏକ ବୋଲେରୋ ଧକ୍କାରେ ଜଣେ ଶିଶୁପୁତ୍ରର ମୃତ୍ୟୁ ହୋଇଛି। ମୃତକ ଜଣକ ଆଡାସକୂପା ନୁଆସାହି ଗ୍ରାମର ଆନନ୍ଦେଶ୍ବର ପ୍ରଧାନଙ୍କ ୨ ବର୍ଷ ୪ ମାସର ପୁଅ ଅମ୍ଲାନ ।

ଅମ୍ଳାନ ନିଜ ଘର ବାରଣ୍ଡାରେ ଖେଳୁଥିବା ବେଳେ ପାବୁରିଆ ଠାରୁ ଜି.ଉଦୟଗିରି ଅଭିମୁଖେ ଆସୁଥିବା ଏକ ବୋଲେରୋ ପିକଅପ ( ନଂ ଓଡି ୦୨ ସିଏଫ ୬୧୫୫) ଭାରସାମ୍ୟ ହରାଇ ତାଙ୍କୁ ଧକ୍କା ଦେଇଥିଲା। ଗ୍ରାମବାସୀଙ୍କ ସହାୟତାରେ ଅମ୍ଲାନଙ୍କୁ ଜି.ଉଦୟଗିରି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଅଣାଯାଇଥିଲା I ସେଠାରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଥିଲା। ଦୁର୍ଘଟଣା ଘଟାଇବା ପରେ ଘଟଣା ସ୍ଥଳରୁ ଡ୍ରାଇଭର ଫେରାର ହୋଇଯାଇଥିବା ଜଣାପଡିଛି। ଜି.ଉଦୟଗିରି ଥାନା  ଏସଆଇ ଅନନ୍ତ କୁମାର ପ୍ରଧାନ ପହଞ୍ଚି ଘଟଣାର ତଦନ୍ତ କରିଛି।