ବଡ଼ଚଣା,୫/୬ : ପାଣିରେ ବୁଡ଼ି ଶିଶୁର ମୃତ୍ୟୁ । ଏଭଳି ଏକ ଅଭାବନୀୟ ଘଟଣା ଘଟିଛି ବୈରୀ ଥାନା ଚମ୍ପାପୁର ପଂଚାୟତ ସପନପୁର ଗ୍ରାମରେ । ମୃତକ ସପନପୁର ଗାଁର ଗୋପାଳ ଚନ୍ଦ୍ର ଶାଶୁଙ୍କ ଏକମାତ୍ର ପୁଅ ରାକେଶ(୩) । 

ସୂଚନା ଅନୁସାରେ , ରାକେଶ ଘରେ ଅନ୍ୟ ପିଲାଙ୍କ ସହିତ ଖେଳୁଥିଲା ଏବଂ ତାଙ୍କର ମା ଗୁରୁବାର ମାଣ ଓଷା ପୂଜା କରୁଥିଲେ l କିଛି ସମୟ ପରେ ରାକେଶର ମା’ଜାଣିବାକୁ ପାଇଥିଲେ କି ତାଙ୍କ ପୁଅ ପୋଖରୀ ପାଣିରେ ବୁଡ଼ି ଯାଇଛି । ପରେ ତାକୁ ବଡ଼ଚଣା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନେଇଥିଲେ । ମାତ୍ର ସେଠାରେ ଡାକ୍ତର ତାକୁ ମୃତ ଘୋଷଣା କରିଥିଲେ l ଏହି ଘଟଣାକୁ ନେଇ ବୈରୀ ପୁଲିସ ଏକ ଅପମୃତ୍ୟୁ ମାମଲା ରୁଜୁ କରି ମୃତଦେହ ବ୍ୟବଚ୍ଛେଦ କରି ପରିବାରକୁ ହସ୍ତାନ୍ତର କରିଥିଲା l