ନୂଆଦିଲ୍ଲୀ : ଯେଉଁଠି ଗୋଟେ ପଟେ ପହଲଗାମ୍ ଆତଙ୍କୀ ହମଲାରେ ପାକିସ୍ତାନ ପକ୍ଷରୁ କରାଯାଇ ଥିବା ଦାବିର ଚୀନ ସମର୍ଥନ କରିଥିବା ବେଳେ , ଅନ୍ୟପଟେ ଆମେରିକୀୟ ଟାରିଫ୍ରେ ଅତି ସାଂଘାତିକ ଭାବେ ପ୍ରଭାବିତ ଚୀନ୍ର କମ୍ପାନୀ ଗୁଡ଼ିକର ସ୍ଥିତି ସଙ୍ଗୀନ ହେବାର ନଜର ଆସୁଛି। ସିଏନବିସି ଇଣ୍ଟରନ୍ୟାସନାଲର ଏକ ରିପୋର୍ଟ ମୁତାବିକ , ଆମେରିକା ଟାରିଫ୍ର ପ୍ରଭାବ କାରଣରୁ ଚାଇନା ନିର୍ମାତା ପ୍ରଡକ୍ସନ ରୋକୁଛନ୍ତି ଏବଂ ନୂଆ ବଜାର ଆଡ଼କୁ ଢଳୁଛନ୍ତି। ଏଥିରେ ଚୀନ୍ରେ ଅନେକ କର୍ମଚାରୀଙ୍କ ଚାକିରି ବିପଦ ଘେରରେ।
କନ୍ସଲଟିଙ୍ଗ୍ ଫାର୍ମ ଟିଡାଲୱେଭ୍ ସଲ୍ୟୁସନ୍ସର ସାଂଘାଇ ସ୍ଥିତ ସିନିୟର ପାର୍ଟନର କ୍ୟାମରନ କନସନ କହିଛନ୍ତି, ମୁଁ ଅନେକ ଫ୍ୟାକ୍ଟ୍ରିକୁ ଜାଣିଛି , ଯିଏକି ନିଜର ଅଧା କର୍ମଚାରୀଙ୍କୁ କିଛି ସପ୍ତାହ ପାଇଁ ଘରକୁ ଯିବା ପାଇଁ କହିଛି ଏବଂ ନିଜର ଅଧିକାଂଶ ପ୍ରଡକ୍ସନକୁ ରୋକି ଦେଇଛି। ସେ କହିଛନ୍ତି ଯେ ଟ୍ରମ୍ପ ଟାରିଫ୍ରେ ଖେଳନା , ଖେଳ ସାମଗ୍ରୀ ଓ କମ୍ ଦାମର ଫ୍ୟାକ୍ଟ୍ରିସବୁ ଏବେ ସବୁଠୁ ଅଧିକ ପ୍ରଭାବିତ ଅଛି ଏବଂ ଏହିପରି ଫ୍ୟାକ୍ଟ୍ରି ସବୁ ବନ୍ଦ ହେବାକୁ ଲାଇନ୍ରେ ଅଛନ୍ତି। ଜନସନ କହିଛନ୍ତି , ଏବେ ବଡ଼ ସ୍ତରରେ ନୁହେଁ , କିନ୍ତୁ ୟିଭୁ ଓ ଡୋଙ୍ଗଗୁଆନର ପ୍ରମୁଖ (ରପ୍ତାନୀ) କେନ୍ଦ୍ର ଗୁଡ଼ିକରେ ଏହା ହେଉଛି ଏବଂ ଚିନ୍ତା ଏହା ଯେ, ହା ବଢିବ। ଆଶା ରହିଛି ଯେ, ଟାରିଫ୍ କମ୍ ହୋଇଯିବ , ଯାହାକି ଅର୍ଡର ପୁଣି ଥରେ ଆରମ୍ଭ ହୋଇ ପାରିବ, କିନ୍ତୁ ଏହି ମଧ୍ୟରେ କମ୍ପାନୀ ଗୁଡ଼ିକ କର୍ମଚାରୀଙ୍କୁ ଛୁଟି ଦେଉଛନ୍ତି ଏବଂ କିଛି ପ୍ରଡକ୍ସନ ବନ୍ଦ କରୁଛନ୍ତି। ଗୋଲ୍ଡମ୍ୟାନ ସୈକ୍ସଙ୍କ ଅନୁମାନ ଅନୁସାରେ , ଚୀନ୍ରେ ପାଖାପାଖି ୧୦ ମିଲିୟନରୁ ୨୦ ମିଲିୟନ କର୍ମଚାରୀ ଆମେରିକା ଯାଉଥିବା ରପ୍ତାନୀ କାରବାର ସହ ଜଡ଼ିତ। ଗତ ବର୍ଷ ଚୀନର ସହର ଗୁଡ଼ିକରେ କର୍ମଚାରୀଙ୍କ ଅଫିସିଆଲି ସଂଖ୍ୟା ୪୭୩.୪୫ ମିଲିୟନ ଥିଲା।
କହି ରଖୁଛୁ କି, ଚଳିତ ମାସର ଅନେକ ଘୋଷଣା ପରେ ଚାଇନା ସାମଗ୍ରୀ ଗୁଡ଼ିକ ଉପରେ ଆମେରିକା ୧୦୦ ପ୍ରତିଶତରୁ ଅଧିକ ଟାରିଫ୍ ବଢାଇ ଦେଇଛି , ଯାହାର ଜବାବରେ ଚୀନ୍ ମଧ୍ୟ ଜବାବୀ ଶୁଳ୍କ ଲଗାଇଛି। ଗୁରୁବାର ଆମେରିକୀୟ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କହିଛନ୍ତି ଯେ , ବେଜିଂ ସହ ବ୍ୟବସାୟ ନେଗୋସିଏସନ ଚାଲିଛି, ହେଲେ ଚାଇନା ପକ୍ଷ କୌଣସି ଆଲୋଚନା ଚାଲିଥିବା ଅସ୍ୱୀକାର କରିଛି।
ବିଶ୍ଳେଷକଙ୍କ କହିବାନୁସାରେ, ଚାଇନା କମ୍ପାନୀଗୁଡ଼ିକ ଅନ୍ୟ ଦେଶ ମାଧ୍ୟମରେ ଆମେରିକାକୁ ରପ୍ତାନୀ କରିବା ଉପରେ ବିଚାର କରୁଛନ୍ତି। ଏହି ମଧ୍ୟରେ ଅନେକ କମ୍ପାନୀ ଦକ୍ଷିଣ ପୂର୍ବ ଏସିଆରେ ଭାରତରେ ପ୍ରଡକ୍ସନରେ ବିବିଧତା ଆଣୁଛନ୍ତି , ଯେବେ କି ଅନ୍ୟ ଆମେରିକୀୟ ଗ୍ରାହକଙ୍କୁ ୟୁରୋପ ଓ ଲାଟିନ୍ ଆମେରିକାର ଗ୍ରାହକଙ୍କ ଆଡ଼କୁ ଢଳିଛି। ଇକୋନୋମିକ୍ସ ଟାଇମ୍ସର ଏକ ରିପୋର୍ଟ ଅନୁସାରେ , ଆମେରିକାର ଟାରିଫ୍ରେ ଅତି ଖରାପ ଭାବେ ପ୍ରଭାବିତ ଚାଇନାର କମ୍ପାନୀଗୁଡ଼ିକ ଭାରତୀୟ ଏକ୍ସପୋର୍ଟରଙ୍କ ସଂପର୍କରେ ଅଛନ୍ତି। କିଛି ଚାଇନା କମ୍ପାନୀ ଭାରତୀୟ ଏକ୍ସପୋର୍ଟରଙ୍କ ସଂପର୍କରେ ରହିଛନ୍ତି, ଯାହାକି ସେମାନେ ନିଜର ଅର୍ଡର ପୂରା କରିପାରିବେ ଏବଂ ତାଙ୍କୁ ନିଜର ଆମେରିକୀୟ କଷ୍ଟମରଙ୍କୁ ଧରି ରଖିବାରେ ସାହାଯ୍ୟ କରି ପାରିବ। କାହିଁକି ନାଁ ସେ ଗ୍ଲୋବାଲ କମର୍ସରେ ଭୂକମ୍ପ ଆଣିଥିବା ଟ୍ରେଡ୍ ୱାର୍ ଠାରୁ ବର୍ତ୍ତିବାରେ ଲାଗିଛନ୍ତି।
