ଭୁବନେଶ୍ୱର,୦୨/୦୮: କମିସନରେଟ ପୁଲିସର ଏସିପି ଓ ଇନ୍ସପେକ୍ଟର ସ୍ତରରେ ଛୋଟିଆ ଅଦଳବଦଳ ହୋଇଛି । ଚନ୍ଦକା ଥାନା ଅଧିକାରୀ ତଥା ଏସିପି(ଇନଚାର୍ଜ) ଭାବେ କାର୍ଯ୍ୟରତ ବିଶ୍ୱଜିତ୍ ମନବୋଧଙ୍କୁ ଡିସିପି ଅଫିସକୁ ବଦଳି ହୋଇଛି । ନନ୍ଦନକାନନ ଥାନା ଅଧିକାରୀ ସମିତା ମିଶ୍ରଙ୍କୁ ଚନ୍ଦକା ଥାନା ଅଧିକାରୀ ଭାବେ ଅବସ୍ଥାପିତ କରାଯାଇଛି ।
ସେହିପରି କ୍ୟାପିଟାଲ ଥାନା ଅଧିକାରୀ ଦୟାନିଧି ନାୟକଙ୍କୁ ନନ୍ଦନକାନନ ଥାନାକୁ ବଦଳି ହୋଇଛି । ଡିସିପି ଅଫିସରେ କାର୍ଯ୍ୟରତ ତଥା ବର୍ତ୍ତମାନ କ୍ୟାପିଟାଲ ଥାନାର ଇନଚାର୍ଜ ରାଧାକାନ୍ତ ସାହୁଙ୍କୁ କ୍ୟାପିଟାଲ ଥାନା ଅଧିକାରୀ ଭାବେ ନିଯୁକ୍ତ କରାଯାଇଛି । ପ୍ରକାଶ ଥାଉକି, କିଛିଦିନ ତଳେ ବଡ଼ଗଡ଼ଠାରେ ଘଟିଥିବା ଏକ ଦୁର୍ଘଟଣାରେ ଦୟାନିଧି ଗୁରୁତର ହୋଇଥିଲେ । ସେ ହସ୍ପିଟାଲରେ ଚିକିତ୍ସିତ ହେଉଥିଲେ । ଏହାରି ମଧ୍ୟରେ ତାଙ୍କୁ ନନ୍ଦନକାନନ ବଦଳି କରାଯାଇଛି
