କଟକ,୨୫/୦୬: କଟକ ମହାନଗର ନିଗମ ଦ୍ଵାରା ବିଜୁ ଭବନ ସମ୍ମିଳନୀ କକ୍ଷରେ ୩୨ତମ କାଉନସିଲ ବୈଠକ ଅନୁଷ୍ଠିତ ହୋଇଛି । ବୈଠକ ଆରମ୍ଭରୁ ପରିମଳ ପରିଚାଳନାରେ ଟେଣ୍ଡର ଅନିୟମିତତା ଓ ପଙ୍କୋଦ୍ଧାର ନାଁରେ ମନଇଚ୍ଛା କାମକୁ ନେଇ ବର୍ଷିଛନ୍ତି ବହୁ କର୍ପୋରେଟର । ଏହାସହ କଟକ ସହରରେ ବେଇଆନ୍ ହୋର୍ଡିଙ୍ଗ ପ୍ରସଙ୍ଗରେ ମଧ୍ୟ ଅଧିକାରୀ ଓ ମେୟର ସୁବାସ ସିଂହଙ୍କୁ ଘେରିଥିଲେ କର୍ପୋରେଟର।
ୱାର୍ଡରେ ସମସ୍ୟା ସତ୍ତ୍ୱେ ଯନ୍ତ୍ରୀ ବିଭାଗର କୌଣସି ଅଧିକାରୀଙ୍କ ଦେଖା ମିଳୁ ନଥିବା ନେଇ ଅଭିଯୋଗ ଆସିଛି । ଏହାସହ ବୈଠକରେ କଟକ ସହରର ବିଭିନ୍ନ ସମସ୍ୟା ଓ ଉନ୍ନତିମୂଳକ କାର୍ଯ୍ୟ ସଂପର୍କରେ ଆଲୋଚନା କରାଯାଇଥିଲା । ବୈଠକରେ କମିଶନର ଅନାମ ଚରଣ ପାତ୍ରଙ୍କ ସମେତ ଡେପୁଟି ମେୟର ଦମୟନ୍ତୀ ମାଝୀ, ସବୁ ଅଧିକାରୀ ଓ କର୍ପୋରେଟର ଉପସ୍ଥିତ ଥିଲେ।
