ନୂଆଦିଲ୍ଲୀ,୧୭/୦୪; ଆଇପିଏଲ ୨୦୨୬ରେ ଚେନ୍ନାଇ ସୁପର କିଙ୍ଗସ୍ ଏବଂ ରୟାଲ୍ ଚ୍ୟାଲେଞ୍ଜର୍ସ ବାଙ୍ଗାଲୋର ମଧ୍ୟରେ ବିବାଦ ଆହୁରି ଘନେଇଛି । ବ୍ୟାଟ-ବଲ୍ ଲଢେଇ ଭିତରେ ଏବେ ଗୀତକୁ ନେଇ ହଲଚଲ ଦେଖିବାକୁ ମିଳିଛି । ଚେନ୍ନାଇ ସୁପର କିଙ୍ଗସ୍ ଆରସିବି ବିରୁଦ୍ଧରେ ବିସିସିଆଇ ନିକଟରେ ଅଭିଯୋଗ ଦାଖଲ କରିଛି । ଏପ୍ରିଲ ୫ ତାରିଖରେ ହୋଇଥିବା ମ୍ୟାଚ ପରେ ବାଜି ଥିବା ଇଟଲୀ, ଦୋସା, ସାମ୍ବାର, ଚଟଣୀ ଚଟଣୀ ଗୀତକୁ ନେଇ ଚେନ୍ନାଇ ଚିନ୍ନାସାମୀ ଡିଜେଙ୍କ ବିରୋଧରେ ମାମଲା ରୁଜ୍ଜୁ କରିଛି । ଦଳ ଅଭିଯୋଗ କରିଛି ଯେ, ମ୍ୟାଚ୍ ସମୟରେ, ଚିନ୍ନାସ୍ୱାମୀ ଡିଜେ ଏକ ଗୀତ ବଜାଇଥିଲେ ଯାହା ଚେନ୍ନାଇ ଖେଳାଳିମାନଙ୍କୁ ଅପମାନିତ କରିଥିଲା ।

ଆରସିବି ଏବଂ ସିଏସକେ ମଧ୍ୟରେ ମ୍ୟାଚ୍ ଆରମ୍ଭ ହେବା ପୂର୍ବରୁ ଏମ୍ ଚିନ୍ନାସ୍ୱାମୀ ଷ୍ଟାଡିୟମରେ "ଦୋସା, ଇଟଲୀ, ସାମ୍ବର, ଚଟଣୀ, ଚଟଣୀ" ଗୀତ ବାଜିଥିଲା । ଏ ସମ୍ପର୍କରେ ଏକ ଅଭିଯୋଗ ଦାଖଲ କରାଯାଇଛି । ଇଣ୍ଡିଆନ୍ ଏକ୍ସପ୍ରେସ୍ ଅନୁଯାୟୀ, ଜଣେ ବରିଷ୍ଠ ଆଇପିଏଲ୍ ଅଧିକାରୀ ଏହାକୁ ନିଶ୍ଚିତ କରିଛନ୍ତି, ଗଭର୍ଣ୍ଣିଂ କାଉନସିଲ୍ ଏବେ ଏହି ଘଟଣାର ତଦନ୍ତ କରିବ । ଚେନ୍ନାଇ ସୁପର କିଙ୍ଗ୍ସର ପରିଚାଳନା ନିର୍ଦ୍ଦେଶକ ଇଣ୍ଡିଆନ ଏକ୍ସପ୍ରେସକୁ କହିଛନ୍ତି, "ଡିଜେଙ୍କ କାମ ଘରୋଇ ଦଳକୁ ସମର୍ଥନ କରିବା, କିନ୍ତୁ ଚିନ୍ନାସ୍ୱାମୀରେ ଏହା ଭିନ୍ନ ଥିଲା । ଆମ ଖେଳାଳିମାନଙ୍କ ବିରୋଧରେ କିଛି ମନ୍ତବ୍ୟ ଦିଆଯାଇଥିଲା। ଏହାକୁ ଦୃଷ୍ଟିରେ ରଖି ଆମେ ବିସିସିଆଇକୁ ଏକ ଚିଠି ଲେଖିଛୁ ।"ଏହି ସମ୍ପୂର୍ଣ୍ଣ ବିବାଦ ଗତ ବର୍ଷ ଆରମ୍ଭ ହୋଇଥିଲା ଯେତେବେଳେ ଆରସିବି ୱିକେଟକିପର-ବ୍ୟାଟସମ୍ୟାନ୍ ଜିତେଶ ଶର୍ମା ଏକ ମ୍ୟାଚ୍ ପୂର୍ବରୁ "ଦୋସା, ଇଟଲୀ, ସାମ୍ବର, ଚଟଣୀ, ଚଟଣୀ" ଗୀତ ଗାଇଥିଲେ । ଏଥିପାଇଁ ଚେନ୍ନାଇ ପ୍ରଶଂସକମାନେ ତାଙ୍କୁ ଟ୍ରୋଲ୍ କରିଥିଲେ। ପରେ, ଯେତେବେଳେ ଜିତେଶ ଶର୍ମା ଚେପକରେ ଆଉଟ୍ ହୋଇଥିଲେ, ସିଏକକେର ଡିଜେ ତାଙ୍କୁ ଆହୁରି ଟ୍ରୋଲ୍ କରିବା ପାଇଁ ସମାନ ଗୀତ ବଜାଇଥିଲେ ।

​​​​​​​ଏହି ଘଟଣା ସାମ୍ନାକୁ ଆସିବା ପରେ, ଚେନ୍ନାଇ ସୁପର କିଙ୍ଗ୍ସ ପରିଚାଳନା ସମ୍ପୂର୍ଣ୍ଣ ସ୍ପଷ୍ଟ କରିଦେଇଛି ଯେ, ପ୍ରତିପକ୍ଷ ଖେଳାଳିଙ୍କ ବିରୁଦ୍ଧରେ ଏପରି କାର୍ଯ୍ୟାନୁଷ୍ଠାନ ଗ୍ରହଣ କରିବା ଭୁଲ। ସେମାନେ ପ୍ରତିପକ୍ଷ ଖେଳାଳିଙ୍କୁ ଟାର୍ଗେଟ କରିପାରିବେ ନାହିଁ । ଚେନ୍ନାଇ ସୁପର କିଙ୍ଗସର ଅଭିଯୋଗ ଅନୁସାରେ, ସେମାନଙ୍କ ବ୍ୟାଟିଂ ପାଳି ଆରମ୍ଭ ହେବା ପୂର୍ବରୁ ଆରସିବିର ଅଫିସିଆଲ ଡିଜେ (DJ) ଏହି ଗୀତଟି ବଜାଇଥିଲେ । ସାଧାରଣତଃ ସୋସିଆଲ ମିଡିଆ ମିମ୍ସରେ ଦକ୍ଷିଣ ଭାରତୀୟଙ୍କୁ ପରିହାସ କରିବା ପାଇଁ ଏହି ଧାଡ଼ିଗୁଡ଼ିକ ବ୍ୟବହାର କରାଯାଇଥାଏ । ଏହା ଖେଳାଳିଙ୍କୁ ସମ୍ମାନ ଦେବା ପରିବର୍ତ୍ତେ ସେମାନଙ୍କୁ ଲଜ୍ଜିତ କରିବାର ଏକ ପ୍ରୟାସ ବୋଲି ସିଏସକେ ଅଭିଯୋଗ କରିଛି ।

ଏହା ବି ପଢନ୍ତୁ...IPL 2026: ଅହମ୍ମଦାବାଦରେ ଗୁଜରାଟକୁ ଭେଟିବ କୋଲକାତା, ବିଜୟ ପାଇଁ ସବୁ ଶକ୍ତି ଖଟାଇବ KKR

୫ ଏପ୍ରିଲରେ ଚିନ୍ନାସ୍ୱାମୀ ଷ୍ଟାଡିୟମରେ ଆରସିବି ବିପକ୍ଷ ମ୍ୟାଚ୍ ସମୟରେ ଚେନ୍ନାଇର ଖେଳାଳିମାନେ ଆଉଟ୍ ହେବା ପରେ ସେମାନଙ୍କୁ ନେଇ ଅପମାନଜନକ ମନ୍ତବ୍ୟ ମଧ୍ୟ ଦିଆଯାଇଥିଲା । ସିଏସକେ ମ୍ୟାନେଜମେଣ୍ଟ ସ୍ପଷ୍ଟ କରିଛି ଯେ, ଡିଜେଙ୍କ କାମ ପଡ଼ିଆରେ ପରିବେଶ ସୃଷ୍ଟି କରିବା, ପ୍ରତିପକ୍ଷ ଦଳର ଖେଳାଳିଙ୍କ ଉପରେ ମନ୍ତବ୍ୟ ଦେବା ନୁହେଁ ।