ରାୟଗଡ଼ (ଗଜପତି) ୦୧/୬ : ପୁଣି ଦାଦନ ଦେଇଛି ଦୁଃଖ I ଆନ୍ଧ୍ରପ୍ରଦେଶକୁ ଦାଦନ ଖଟିବାକୁ ଯାଇଥିବା ଜଣେ ଶ୍ରମିକର ମୃତ୍ୟୁ ହୋଇଥିବା ଜଣାପଡିଛି l ମୃତକ ହେଲେ ଗଜପତି ଜିଲ୍ଲା ରାୟଗଡ଼ ବ୍ଲକ ଜିରାଙ୍ଗ ପଞ୍ଚାୟତର ରଘୁନାଥପୁର ଗ୍ରାମର ସୁବାଷ ବଡ଼ରଇତଙ୍କ ବଡ଼ ପୁଅ ସହଦେବ ବଡ଼ ରଇତ (୨୨)। ସେ ଆନ୍ଧ୍ରପ୍ରଦେଶର ବିଶାଖାପାଟଣାକୁ ଦାଦନ ଖଟିବାକୁ ଯାଇଥିବା ବେଳେ ସେଠାରେ ତାର ମୃତ୍ୟୁ ହୋଇଥିବା ଜଣାପଡିଛି l ସେ ଘରର ବଡ଼ ପୁଅ ହୋଇଥିବାରୁ ପରିବାରର ଆର୍ଥିକ ଅବସ୍ଥା କିଛି ଭଲ ନଥିବା ଦେଖି ସେଠାକୁ ଦାଦନ ଖଟି ରୋଜଗାର କରିବାକୁ ଯାଇଥିଲେ। ଶନିବାର ଦିନ ତାଙ୍କ ସେଠାରେ ତାଙ୍କର ମୃତ୍ୟୁ ହୋଇଥିବା ବେଳେ ରୋଜଗାରିଆ ପୁଅକୁ ହରାଇ ପରିବାର ଲୋକେ ମିୟମ୍ରାଣ ହୋଇପଡ଼ିଛନ୍ତି। 

ପ୍ରକାଶ ଯେ,  ସହଦେବ ଚଳିତ ବର୍ଷ ଏପ୍ରିଲ ମାସରେ ବିଶାଖାପାଟଣାକୁ ଦାଦନ ଖଟିବାକୁ ଯାଇ ଏକ ଘରୋଇ ସଂସ୍ଥାର ସିମେଣ୍ଟ ଢଳେଇ କାମରେ ନିୟୋଜିତ ଥିଲେ । ସେଠାରେ କାମ କରିବା ସମୟରେ ହଠାତ୍ ଦେହ ଅସୁସ୍ଥ ହୋଇଥିବାରୁ ଗିତଏମ୍ ନାମକ ଏକ ଘୋରେଇ ମେଡିକାଲରେ ଚିକିତ୍ସା କରାଯାଉ ଥିବା ବେଳେ ସେଠାରେ ତାର ମୃତ୍ୟୁ ହୋଇଥିବା ଜଣାପଡିଛି l ଏହି ଘଟଣାକୁ ନେଇ ଅଞ୍ଚଳରେ ଶୋକର ଛାୟା ଖେଳିଯାଇଛି l ମୃତକଙ୍କ ପରିବାରର ଆର୍ଥିକ ଅବସ୍ଥା ଶୋଚନୀୟ ହୋଇପଡିଥିବାରୁ ସରକାରଙ୍କ ତରଫରୁ ପରିବାରକୁ ଆର୍ଥିକ ସହାୟତା ପ୍ରଦାନ କରିବା ପାଇଁ ଅଞ୍ଚଳବାସୀ ଦାବି କରିଛନ୍ତି।