ଭଞ୍ଜନଗର, ୧୯/୦୧: ରାଇବନ୍ଧ ଗାଁ ପୋଖରୀ ପାଖରୁ ବ୍ୟକ୍ତିଙ୍କ ମୃତଦେହ ଉଦ୍ଧାର ହୋଇଛି । ପରିବାର ଲୋକ ଆଣିଲେ ହତ୍ୟା ଅଭିଯୋଗ । ମୃତକ ରାଇବନ୍ଧ ଗ୍ରାମର ଡମ୍ବୁରୁ ସ୍ବାଇଁ (୫୦) ବୋଲି ଜଣାପଡ଼ିଛି । ଗଞ୍ଜାମ ଜିଲ୍ଲା ଭଞ୍ଜନଗର ଅଞ୍ଚଳରେ ଏଭଳି ଘଟଣା ଘଟିଥିବାର ଖବର ସାମ୍ନାକୁ ଆସିଛି ।
ସୂଚନା ମୁତାବକ, ଡମ୍ବୁରୁ ସ୍ବାଇଁ ସୁରଟରେ ଦାଦନ ଶ୍ରମିକ ଭାବେ କାମ କରନ୍ତି ମାତ୍ର କିଛି ଦିନ ତଳେ ଝିଅକୁ ବିବାହ କରାଇବା ପାଇଁ ଗାଁକୁ ଆସିଥିଲେ । କିନ୍ତୁ ତାଙ୍କ ମୋବାଇଲକୁ ଆସିଥିଲା ହତ୍ୟାର ଧମକ ଓ ସେଇ ହତ୍ୟାର ଧମକ ଦେଇଥିଲେ ରାଇବନ୍ଧ ଗ୍ରାମର ଜଣେ ବ୍ୟକ୍ତି । ମୋବାଇଲ ମେସେଜକୁ ଆଧାର କରି ଡମ୍ବୁରୁ ସ୍ବାଇଁ ବଡଗଡ ଥାନରେ ଅଭିଯୋଗ ମଧ୍ୟ କରିଥିଲେ । ଘର ତେବେ କିଛି ବର୍ଷ ପୂର୍ବରୁ ଦୁଇ ପରିବାର ମଧ୍ୟରେ କଳହ ହୋଇଥିଲା ଓ ପୋଲିସର ସହଯୋଗରେ ଆପସ ବୁଝମଣା ମଧ୍ୟ ହୋଇଥିଲା । ତେବେ ଶନିବାର ସନ୍ଧ୍ୟା ସଢେ ସାତଟାରେ ଡମ୍ବୁରୁ ବନ୍ଧକୁ ଗାଧୋଇବାକୁ ଯାଇଥିଲେ କିନ୍ତୁ ସେ ଆଉ ଘରକୁ ଫେରି ନଥିଲେ । ବିଳମ୍ବ ହେବାରୁ ଘର ଲୋକେ ଫୋନ୍ କରିଥିଲେ କିନ୍ତୁ ଡମ୍ବୁରୁ ଫୋନ୍ ନ ଉଠାଇବାରୁ ବନ୍ଧକୁ ଯାଇ ଖୋଜାଖୋଜି କରିଥିଲେ । ବନ୍ଧ ପାଖରେ ପହଞ୍ଚି ଦେଖିଲା ବେଳକୁ ଡମ୍ବୁରୁଙ୍କ ମୃତଦେହ ରକ୍ତ ଯୁଡୁବୁଡୁ ହୋଇ ପଡିଥିବା ଦେଖିଲେ । ଏହା ଦେଖି ତୁରନ୍ତ ପଲିସକୁ ଖବର ଦେଇଥିଲେ । ଖବର ପାଇ ଘଟଣା ସ୍ଥଳରେ ବଡଗଡ ପୋଲିସ୍ ପହଞ୍ଚି ମୃତଦେହ ଜବତ କରି ତଦନ୍ତ କରୁଛି ।
