ମୁମ୍ବାଇ,୧୫/୦୩: ମହିଳା ପ୍ରିମିୟର ଲିଗ୍ ୨୦୨୫ ର ଅନ୍ତିମ ମ୍ୟାଚ୍ରେ ମୁମ୍ବାଇ ଇଣ୍ଡିଆନ୍ସ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ଓଭରରେ ୭ ଓ୍ବିକେଟ ହରାଇ ୧୪୯ ରନ୍ କରିଛି। ଡବ୍ଳୁପିଏଲ୍ର ବ୍ରାବୋର୍ନ୍ ଷ୍ଟାଡିୟମରେ ଏପର୍ଯ୍ୟନ୍ତ କୌଣସି ଦଳ ଦ୍ୱାରା ଏହା ସର୍ବନିମ୍ନ ସ୍କୋର ଅଟେ। ଫାଇନାଲରେ ଏମ୍ଆଇର ବ୍ୟାଟିଂ ବିପର୍ଯ୍ୟୟ ଦେଖାଯାଇଥିଲା, କିନ୍ତୁ ଅଧିନାୟକ ହରମାନପ୍ରୀତ କୌର ୬୬ ରନ୍ର ଏକ ଅର୍ଦ୍ଧଶତକୀୟ ଇନିଂସ ଖେଳିଥିଲେ। ତାଙ୍କ ବ୍ୟତୀତ ପ୍ରଥମ ଇନିଂସରେ ନାଟ୍ ସ୍କିଭର-ବ୍ରଣ୍ଟ ମଧ୍ୟ ୩୦ ରନ୍ କରିଥିଲେ।
ଡବ୍ଳୁପିଏଲ୍ରେ ବ୍ରାବୋର୍ନ୍ ଷ୍ଟାଡିୟମରେ ଏପର୍ଯ୍ୟନ୍ତ ସର୍ବନିମ୍ନ ସ୍କୋର ୧୬୬ ରନ୍ ଥିଲା। ଏହା ଗୁଜୁରାଟ ଜିଆଣ୍ଟସ୍ ଦ୍ୱାରା ମୁମ୍ବାଇ ଇଣ୍ଡିଆନ୍ସ ବିପକ୍ଷ ମ୍ୟାଚ୍ରେ ସ୍କୋର କରାଯାଇଥିଲା। କିନ୍ତୁ ଚଳିତ ସିଜନରେ ମୁମ୍ବାଇ ଏହି ଗ୍ରାଉଣ୍ଡରେ ସର୍ବନିମ୍ନ ସ୍କୋରି କରିଥିବା ଦଳ ହୋଇଛି। ଦିଲ୍ଲୀର ବୋଲିଂରେ ନାଲ୍ଲାପୁରେଡି, ଜେସ୍ ଜୋନାସନ୍ ଏବଂ ମେରିଜେନ୍ କେପ ଦୁଇଟି ଲେଖାଏଁ ୱିକେଟ୍ ନେଇଥିବାବେଳେ ଏନ୍ନାବେଲ ସଦରଲ୍ୟାଣ୍ଡ ଗୋଟିଏ ୱିକେଟ୍ ନେଇଛନ୍ତି।
ନାଟ ସ୍କିଭର-ବ୍ରଣ୍ଟ ଡବ୍ଳୁପିଏଲ୍ ଇତିହାସରେ ଗୋଟିଏ ସିଜନରେ ୫୦୦ ରନ୍ ରେକର୍ଡ ଅତିକ୍ରମ କରିଥିବା ପ୍ରଥମ ଖେଳାଳି ହୋଇପାରିଛନ୍ତି। ସେ ଡବ୍ଳୁପିଏଲ୍ ୨୦୨୫ ରେ ମୋଟ ୫୨୩ ରନ୍ ସ୍କୋର କରିଛନ୍ତି, ଏଥିରେ ପାଞ୍ଚଟଇ ଅର୍ଦ୍ଧ ଶତକ ରହିଛି। ଏହାପୂର୍ବରୁ ଏହି ରେକର୍ଡ ଆରସିବିର ଏଲିସ ପେରିଙ୍କ ନାଁରେ ଥିଲା, ସେ ଡବ୍ଳୁପିଏଲ୍ ୨୦୨୪ ରେ ୩୪୭ ରନ୍ ସ୍କୋର କରିଥିଲେ। କହିରଖୁଛୁ ଯେ ଏହି ସିଜନରେ ୫୨୩ ରନ୍ ସ୍କୋର କରିବା ବ୍ୟତୀତ ବ୍ରଣ୍ଟ ଫାଇନାଲ ପୂର୍ବରୁ ୯ ୱିକେଟ୍ ନେଇଛନ୍ତି। ଏଭଳି ପରିସ୍ଥିତିରେ ସେ ପ୍ଲେୟାର ଅଫ୍ ଟୁର୍ନାମେଣ୍ଟ ଭାବରେ ମନୋନୀତ ହେବାକୁ ସବୁଠାରୁ ବଡ଼ ପ୍ରତିଯୋଗୀ ବୋଲି ମନେହୁଏ।
