ନୂଆଦିଲ୍ଲୀ,୧୦/୦୫: ଭାରତ-ପାକିସ୍ତାନ ମଧ୍ୟରେ ଉତ୍ତେଜନା ଚରମ ସୀମାରେ ରହିଛି । ଏହାରି ଭିତରେ ମେ ୭ରେ ଭାରତ କରିଥିବା 'ଅପରେସନ୍ ସିନ୍ଦୂର'ରେ ୫ ଟପ୍ ଆତଙ୍କୀ ନିପାତ ହୋଇଛନ୍ତି । ଭାରତର ଏୟାର ଷ୍ଟ୍ରାଇକରେ ନିପାତ ହୋଇଥିବା ଆତଙ୍କୀଙ୍କ ପୁରା ଲିଷ୍ଟ ସାମ୍ନାକୁ ଆସିଛି । ଲସ୍କର ଆତଙ୍କୀ ମୁଦାସର ଖାଦିଆନ ଖାନ୍, ଅବୁ ଜିନ୍ଦାଲ ଏବଂ ଜୈଶ ଆତଙ୍କୀ ହାଫିଜ ମହମ୍ମଦ ଜମିଲ ସଫା ହୋଇଛି । ଏହାଛଡା ଜୈଶ ଆତଙ୍କୀ ମସୁଦ ଅଜହରର ସମ୍ପର୍କୀୟ ମଧ୍ୟ ନିପାତ ହୋଇଛି ।
Details of terrorists killed in the Indian strikes on 7th May in Pakistan: Sources
— ANI (@ANI) May 10, 2025
1) Mudassar Khadian Khas @ Mudassar @ Abu Jundal. Affiliated with Lashkar-e-Taiba. His funeral prayer was held in a government school, led by Hafiz Abdul Rauf of JuD (a designated global…
ମେ ୭ରେ ନିପାତ ୫ କୁଖ୍ୟାତ ଆତଙ୍କୀ
-LeT ଆତଙ୍କୀ ମୁଦାସର ଖାଦିଆନ ଖାନ୍ ସଫା
-jeMର ହାଫିଜ ମହମ୍ମଦ ଜମିଲ ନିହତ
-jeMର ମହମ୍ମଦ ୟୁସୁଫ ଅଜହର ନିପାତ
-LeT ଖଲିଦ୍ ଓରଫ ଆକାଶ ନିହତ
-jeMର ମହମ୍ମଦ ହାସନ୍ ଖାନ୍ ନିପାତ
ଜୈଶ-ଏ-ମହମ୍ମଦ ଆତଙ୍କୀ ମହମ୍ମଦ ହାସନ୍ ଖାନ୍ । ସେ ପିଓକେରେ ଜୈଶର ଆପରେସନାଲ କମାଣ୍ଡର ମୁଫି ଅସଗର ଖାନ କଶ୍ମୀରୀର ପୁଅ ଥିଲା । ସେ ଜମ୍ମୁ କଶ୍ମୀରରେ ଆତଙ୍କୀବାଦୀ ହମଲାରେ ସାମିଲ ଥିଲା । ସେହିପରି ଖଲିଦ୍ ଓରଫ ଅବୁ ଆକାଶ ଲସ୍କର-ଏ-ତୋଏବାର ଆତଙ୍କୀ । ସେ ଜମ୍ମୁର ଏକାଧିକ ଆତଙ୍କବାଦୀ ହମଲାରେ ସାମିଲ ଥିଲା । ଆଫଗାନିସ୍ତାନର ଅସ୍ତ୍ରଶସ୍ତ୍ର ତସ୍କରୀରେ ସାମିଲ ଥିଲା । ସେହିପରି ଆତଙ୍କୀ jeMର ହାଫିଜ ମହମ୍ମଦ ଜମିଲ ମୈଲାନା ମସୁଦ ଅଜହରର ବଡ଼ ଶଳା ଥିଲା । ଆତଙ୍କୀ ମହମ୍ମଦ ୟୁସୁଫ ଅଜହର ଆତଙ୍କୀ ମୈଲାନା ମସୁଦର ସମ୍ପର୍କୀୟ । ସେ ଆଇସି-୮୧୪ ଅପହରଣ ମାମଲାରେ ସାମିଲ ଥିଲା ।
କହି ରଖୁଛୁ କି, ପହଲଗାମ ଆତଙ୍କୀ ଆକ୍ରମଣରେ ୨୬ ପର୍ଯ୍ୟଟକଙ୍କର ମୃତ୍ୟୁ ହୋଇଥିଲା । ଏଥିରେ ଜଣେ ନେପାଳୀ ନାଗରିକ ରହିଥିଲେ । ଆତଙ୍କୀ ଆକ୍ରମଣ ସାରା ଦେଶକୁ ଦୋହଲାଇ ଦେଇଥିଲା । ବିଶ୍ୱ ଏହାକୁ ନିନ୍ଦା କରିଥିଲା । ଆତଙ୍କୀ ହମଲା ପରେ କ୍ରୋଧରେ ଜଳୁଥିଲେ ପ୍ରତିଟି ଭାରତୀୟ । ପିଏମ୍, ପ୍ରତିରକ୍ଷାମନ୍ତ୍ରୀ, ଏନଏସଏ, ସେନାମୁଖ୍ୟଙ୍କ ସହ ଘନ ଘନ ବୈଠକ କରୁଥିଲେ ।
ଶେଷରେ ମେ ୬ ତାରିଖ ବିଳମ୍ବିତ ରାତିରେ ପିଓକେ ଓ ପାକିସ୍ତାନ ଉପରେ ଏୟାରଷ୍ଟ୍ରାଇକ୍ କରିଥିଲା ଭାରତୀୟ ସେନା । ୯ ଆତଙ୍କୀ ଆଡ୍ଡାରେ ମିସାଇଲ ମାଡ କରିଥିଲା । ଏଥିରେ ଧ୍ୱଂସ ହୋଇଥିବା ଆତଙ୍କୀସ୍ତାନ । ଥରି ଉଠିଥିଲା ପାକିସ୍ତାନ । ୧୫ ଦିନ ପରେ ଲୁହ ଲହୁର ହିସାବ ନେଇଥିଲା ଭାରତ । ଏଥିରେ ପ୍ରାୟ ୧୦୦ ଆତଙ୍କୀ ନିପାତ ହୋଇଥିଲେ । ଯେଉଁଥିରେ ୫ କୁଖ୍ୟାତ ଆତଙ୍କୀ ଥିବା ଏକା ତାଲିକା ଆସିଛି ।
