ନୂଆଦିଲ୍ଲୀ,୨୧/୧୧:ଆଜିଠୁ ହିନ୍ଦୁ ଏକତା ଶୋଭାଯାତ୍ରା ଆରମ୍ଭ କରିବାକୁ ଯାଉଛନ୍ତି ବାଗେଶ୍ବର ବାବା ଧୀରେନ୍ଦ୍ର କ୍ରିଷ୍ଣା ଶାସ୍ତ୍ରୀ। ଏହି ଯାତ୍ରା ବାଗେଶ୍ବର ଧାମରୁ ଆରମ୍ଭ ହୋଇ ଓରଚ୍ଛା ପର୍ଯ୍ୟନ୍ତ ଯିବ ।ଆଉ ଧୀରେନ୍ଦ୍ର ଶାସ୍ତ୍ରୀଙ୍କ ଏହି ପଦଯାତ୍ରାରେ ସାମିଲ ହେବା ପାଇଁ ହଜାର ହଜାର ସଂଖ୍ୟାରେ ଲୋକ ବାଗେଶ୍ବର ଧାମରେ ପହଞ୍ଚିଛନ୍ତି । ତେବେ ପଦଯାତ୍ରା ଆରମ୍ଭ ପୂର୍ବରୁ ଗତକାଲି ରାତିରେ ବାଗେଶ୍ବର ଧାମ ଆସିଥିବା ଲୋକଙ୍କୁ ସମ୍ବୋଧନ କରିଛନ୍ତି ଧୀରେନ୍ଦ୍ର ଶାସ୍ତ୍ରୀ । ସେ କହିଛନ୍ତି ଯେ, 'ହିନ୍ଦୁଙ୍କ ଉପରେ ହେଉଥିବା ଅତ୍ୟାଚାରକୁ ରୋକିବା ପାଇଁ ରାଜରାସ୍ତାକୁ ଓହ୍ଲାଇବା ଆବଶ୍ୟକତା ରହିଛି।'
ଧିରେନ୍ଦ୍ର ଶାସ୍ତ୍ରୀ ଶୋଭାଯାତ୍ରା ପାଇଁ ଆସିଥିବା ଭିଡକୁ ଦେଖି କହିଛନ୍ତି,ଆମ ଉପରେ ବଜରଙ୍ଗବଲିଙ୍କ କୃପା ରହିଛି। ଆଜି ଆମକୁ ହିନ୍ଦୁଙ୍କ ଉପରେ ଭରସା ବଢୁଛି। ଯେତେବେଳେ ଦିନେ ହିନ୍ଦୁମାନେ ଧାର୍ମିକ ବିରୋଧୀଙ୍କ ବିରୁଦ୍ଧରେ ଏକ ସ୍ୱରରେ ଯିବେ,ସେହି ଦିନ ଏହି ଦେଶରେ ହିନ୍ଦୁମାନଙ୍କ ଉପରେ ହେଉଥିବା ଅତ୍ୟାଚାର ବନ୍ଦ ହୋଇଯିବ। ” ସେ ଆହୁରି ମଧ୍ୟ କହିଛନ୍ତି ୟେ,୨୦୦୫ ପର୍ଯ୍ୟନ୍ତ ୱାକଫଙ୍କର ମାତ୍ର କିଛି ଶହ ଏକର ଜମି ଥିଲା, କିନ୍ତୁ ଆଜି ଆଠ ଲକ୍ଷ ଏକର ଜମି ଅଛି। ତେବେ ଧିରେନ୍ଦ୍ର ଶାସ୍ତ୍ରୀ ହିନ୍ଦୁ ଏକତା ପାଇଁ ଆଜିଠୁ ପଦଯାତ୍ରା ଆରମ୍ଭ ହେବ । ଏହା ୯ ଦିନ ଧରି ଚାଲିବ ।
