ଗ୍ୱାଲିୟର : ବାଗେଶ୍ୱର ଧାମର ପୀଠାଧୀଶ୍ୱର ଧୀରେନ୍ଦ୍ର ଶାସ୍ତ୍ରୀ ପୁଣି ଥରେ ଝିଅମାନଙ୍କୁ କରିଛନ୍ତି ଅପିଲ , କହିଛନ୍ତି – ସେମାନେ ଦୁର୍ଗା ହୁଅନ୍ତୁ , କାଳୀ ହୁଅନ୍ତୁ ହେଲେ କେବେ ବି ବୁର୍ଖା ପିନ୍ଧାଳୀ ହୁଅନ୍ତୁ ନାହିଁ। ମଧ୍ୟପ୍ରଦେଶ ସ୍ଥିତ ଗ୍ୱାଲିୟରର ଡବରାରେ ଆୟୋଜିତ ନବଗ୍ରହ ଶକ୍ତି ପୀଠର ପ୍ରତିଷ୍ଠା ମହୋତ୍ସବରେ ସେ ଏହି ବିବୃତ୍ତି କରିଛନ୍ତି। ମହୋତ୍ସବର ଦ୍ୱିତୀୟ ଦିନ କଥାପ୍ରବଚନ ବେଳେ ଶାସ୍ତ୍ରୀ କହିଥିଲେ , ମୋର ସହେଲି ବେକାର ଥିଲା, ମୋର ବନ୍ଧୁ ବେକାର ଥିଲା। ଆରେ ନକଟି , ଦୁର୍ଗା , କାଳୀ , ତ୍ରିପୁରା ସୁନ୍ଦରୀ ଝିଅମାନେ। ତୁମେ ଦୁର୍ଗା ହୁଅ , ତୁମେ କାଳୀ ହୁଅ , ହେଲେ କେବେ ବୁର୍ଖା ପିନ୍ଧା ଝିଅ ହୁଅ ନାହିଁ।
ସଙ୍ଗତର ପ୍ରଭାବକୁ ଖୁବ୍ ଗୁରୁତ୍ତ୍ୱ ଦେଇଛନ୍ତି ଧୀରନ୍ଦ୍ର ଶାସ୍ତ୍ରୀ। ସେ କହିଛନ୍ତି ଯେ, ଯୁବବର୍ଗ ଅନେକ ସମୟରେ ନିଜର ସଙ୍ଗତକୁ ନିଜ ପରିସ୍ଥିତିର କାରଣ କୁହନ୍ତି। ହେଲେ ସେ ଉଦାହରଣ ହେଇ କହିଛନ୍ତି ଯେ, ରାମଙ୍କ ରାଜ୍ୟରେ ମନ୍ଥରା ସୁଧୁରି ନାହିଁ ଓ ରାବଣ ରାଜ୍ୟରେ ବିଭୀଷଣ କେବେ ଖରାପ ହୋଇ ନାହିଁ। ଏହା ଦର୍ଶାଏ ଯେ, ସଙ୍ଗତ ସେତେବେଳେ ପ୍ରଭାବ ପକାଇ ଥାଏ ,ଯେବେ ସ୍ୱୟଂ ମଧ୍ୟରେ କିଛି ଅଭାବ ଥିଲେ। ଶାସ୍ତ୍ରୀ କହିଛନ୍ତି ଯେ,କେବଳ ସତସଙ୍ଗ ଶୁଣିବାରେ ଜୀବନ ସୁଧୁରି ନଥାଏ ବରଂ ଏହାକୁ ଜୀବନରେ ପ୍ରୟୋଗ କରିବାରେ ସୁଧାର ଆସିଥାଏ। ସେ ବୁଝାଇଛନ୍ତି କି, ହନୁମାନ ଜୀଙ୍କୁ ବିଶ୍ୱାସ କରିବାରେ ନୁହେଁ ବରଂ ତାଙ୍କର କଥାକୁ ବିଶ୍ୱାସ କରିବାରେ କୃପା ପ୍ରାପ୍ତ ହୋଇଥାଏ। ଏକ ଜଳନ୍ତା ଦୀପ ନିକଟରେ ଲିଭି ଯାଇଥିବା ଦୀପ ରଖିବାରେ ସେ ମଧ୍ୟ ପ୍ରଜ୍ଜ୍ୱଳିତ ହୋଇଯାଏ , ଏହି ପ୍ରକାରର ସତସଙ୍ଗ ଏକ ଜଳନ୍ତା ଦୀପ ଏବଂ ଯେବେ କେହି ବ୍ୟକ୍ତି ସତସଙ୍ଗକୁ ଆସିଥାଏ , ତ ସେ ମଧ୍ୟ ପ୍ରକାଶିତ ହୋଇଯାଏ । ମନର ଆଣ୍ଟି ଭାଇରସକୁ ନିପାତ କରିବା ପାଇଁ ସତସଙ୍ଗ ଆବଶ୍ୟକ।
କେମିତି ସଫଳତା ମିଳିଥାଏ କହିଲେ –
ଧୀରେନ୍ଦ୍ର ଶାସ୍ତ୍ରୀ ଭଲ ଆଚରଣ ଉପରେ ମଧ୍ୟ ଜୋର ଦେଇଛନ୍ତି। ସେ କହିଛନ୍ତି ଯେ, ଯଦି ଆଚରଣ ଉତ୍ତମ ହୋଇଯାଏ ତ ପରମାତ୍ମା ପ୍ରାପ୍ତ ହୋଇପାରେ। ସେ ଯୁବବର୍ଗଙ୍କୁ ଇନଷ୍ଟା ରିଲ୍ ଚକ୍କରରେ ନିଜର ଜୀବନ ନଷ୍ଟ ନକରିବାକୁ ପରାମର୍ଶ ଦେଇଛନ୍ତି।
ଆୟୋଜିତ କାର୍ଯ୍ୟକ୍ରମକୁ ପୂର୍ବତନ ଗୃହମନ୍ତ୍ରୀ ନରୋତ୍ତମ ମିଶ୍ରା , ଡେପୁଟି ସିଏମ୍ ରାଜେନ୍ଦ୍ର ଶୁକ୍ଳା , ବିଜେପି ପ୍ରଦେଶ ଅଧ୍ୟକ୍ଷ ହେମନ୍ତ ଖଣ୍ଡେଲୱାଲ , ମନ୍ତ୍ରୀ କୈଳାସ ବିଜୟଭର୍ଗିୟ , ଫିଲ୍ମ ଅଭିନେତା ଆଶୁତୋଷ ରାଣା ମଧ୍ୟ କଥା ଶୁଣିବାକୁ ଆସିଥିଲେ।
