ନୂଆଦିଲ୍ଲୀ,୦୨/୦୧; ବକ୍ସ ଅଫିସ୍ରେ 'ଧୁରନ୍ଧର' ଝଡ଼ । ଧମାକା କରିଛି ଫିଲ୍ମ । ଦିନ ଗଡୁଛି ରେକର୍ଡ ପରେ ରେକର୍ଡ ଭାଙ୍ଗି ଚାଲିଛି ରଣବୀର ସିଂହଙ୍କ ଅଭିନୀତ ଫିଲ୍ମ 'ଧୁରନ୍ଧର' । ୨୦୨୬ରେ ଦମଦାର ଆରମ୍ଭ କରି ବକ୍ସ ଅଫିସ୍ରେ ଆହୁରି ମଜବୁତ ହୋଇଛି । ଆଦିତ୍ୟ ଧରଙ୍କ ନିର୍ଦ୍ଦେଶିତ ବଲିଉଡ଼ ହିନ୍ଦୀ ସ୍ପାଏ ଥ୍ରୀଲର ଫିଲ୍ମ ଡିସେମ୍ବର ୨୦୨୫ରେ ରିଲିଜ୍ ହୋଇଥିଲା । ସେବେଠୁ ବକ୍ସ ଅଫିସ୍ରେ ଧମାକା କରୁଛି । ଏହି ଫିଲ୍ମଟି ଚତୁର୍ଥ ସପ୍ତାହରେ ରେକର୍ଡ ଭାଙ୍ଗି ୧୦୦ କୋଟି କଲେକ୍ସନ କରିଛି ।
୨୮ତମ ଦିନରେ 'ଧୁରନ୍ଧର' କଲେକ୍ସନ- 'ଧୁରନ୍ଧର' ଗତି ଥମିବାରେ ନାମ ନେଉନାହିଁ । ବକ୍ସ ଅଫିସରେ ବର୍ଷ ଆରମ୍ଭର ପ୍ରଥମ ଦିନ ବି ଫିଲ୍ମ ନାମରେ ରହିଛି । ନୂଆବର୍ଷ ଛୁଟିରେ ବିପୁଳ ରୋଜଗାର କରିଛି ଫିଲ୍ମ । ୨୮ ଦିନ ପୁରୁଣା ହେବା ପରେ ମଧ୍ୟ, ଏହି ଫିଲ୍ମଟି ଅଗସ୍ତ୍ୟ ନନ୍ଦଙ୍କ ସଦ୍ୟତମ ମୁକ୍ତିଲାଭ କରିଥିବା "୨୧" (୭ କୋଟି) ତୁଳନାରେ ଦୁଇଗୁଣ ଅଧିକ ଆୟ କରିଛି । ଫିଲ୍ମର ୨୮ତମ ଦିନର କଲେକ୍ସନ ବିଷୟରେ କହିବାକୁ ଗଲେ
.SACNILC ର ପ୍ରାରମ୍ଭିକ ଆକଳନ ଅନୁଯାୟୀ, 'ଧୁରନ୍ଧର' ୨୮ତମ ଦିନରେ ଭାରତରେ ପ୍ରାୟ ୧୫.୭୫ କୋଟି ଟଙ୍କା ନେଟ୍ ସଂଗ୍ରହ କରିଛି ।
.ଏହା ସହିତ, ଭାରତରେ ଏହି ଫିଲ୍ମର ୨୮ ଦିନରେ ମୋଟ କଲେକ୍ସନ ଏବେ ୭୩୯ କୋଟି ଟଙ୍କା ହୋଇଛି। ଏହି ରେକର୍ଡ କଲେକ୍ସନ 'ଇକ୍କିସ'କୁ ପଛରେ ପକାଇବାରେ ସାହାଯ୍ୟ କରିଛି ।
ଐତିହାସିକ ଚତୁର୍ଥ ସପ୍ତାହ ରେକର୍ଡ- ବଲିଉଡ ଇତିହାସରେ 'ଧୁରନ୍ଧର' ଚତୁର୍ଥ ସପ୍ତାହର ସର୍ବାଧିକ ଆୟର ରେକର୍ଡ ସ୍ଥାପନ କରିଛି । ଚତୁର୍ଥ ସପ୍ତାହର ୧୦୬ କୋଟି ଆୟ କରିଛି । 'ପୁଷ୍ପା-୨'କୁ ବି ପଛରେ ପକାଇଛି 'ଧୁରନ୍ଧର'। "ପୁଷ୍ପା: ଦି ରୁଲ୍ - ପାର୍ଟ ୨" ଦ୍ୱାରା ରେକର୍ଡ ୫୩.୭୫ କୋଟିର ରେକର୍ଡ ଭାଙ୍ଗିଛି । ଏହି ଫିଲ୍ମଟି ପ୍ରତିଦିନ ଦୁଇ ଅଙ୍କ ଆୟର ଏକ ଉଲ୍ଲେଖନୀୟ ରେକର୍ଡ ମଧ୍ୟ ହାସଲ କରିଛି । ଏହା ଏବେ ୮୦୦ କୋଟିବକ୍ସ ଅଫିସ ସଫଳତା ପାଇବାକୁ ଯାଉଛି । ଯଦି ପଞ୍ଚମ ସପ୍ତାହାରେ ଏହାର ଆୟ ବୃଦ୍ଧି ପାଏ, ତେବେ ଏହା ଏହି ମାଇଲଖୁଣ୍ଟକୁ ମଧ୍ୟ ଅତିକ୍ରମ କରିବ ।
'ଧୁରନ୍ଧର'ର ସପ୍ତାହିକ ସଂଗ୍ରହ-ଚଳଚ୍ଚିତ୍ରଟି ପ୍ରଥମ ସପ୍ତାହରେ ବ୍ଲକବଷ୍ଟର ବ୍ୟବସାୟ କରିଥିଲା, ୨୦୭.୨୫ କୋଟି ଟଙ୍କା ରୋଜଗାର କରିଥିଲା । ଏହା ପରେ, ଦ୍ୱିତୀୟ ସପ୍ତାହରେ ଏହା ଆହୁରି ଭଲ ପ୍ରଦର୍ଶନ କରିଥିଲା ଏବଂ ୨୫୩. ୨୫ କୋଟି ଟଙ୍କା ସଂଗ୍ରହ କରିଥିଲା । ତୃତୀୟ ସପ୍ତାହରେ 'ଧୁରନ୍ଧର'ର କଲେକ୍ସନ ୧୭୨ କୋଟି ଟଙ୍କା ଥିଲା । କିନ୍ତୁ ନୂଆବର୍ଷ ଛୁଟି ଯୋଗୁଁ ଫିଲ୍ମଟି ଚତୁର୍ଥ ସପ୍ତାହରେ ପ୍ରାୟ ୧୦୬.୫ କୋଟି ଆୟ କରିଥିଲା । ଏହା ସହିତ, 'ଧୁରନ୍ଧର' ଚତୁର୍ଥ ସପ୍ତାହରେ ଯେକୌଣସି ବଲିଉଡ୍ ଫିଲ୍ମ ଦ୍ୱାରା ସର୍ବାଧିକ କଲେକ୍ସନର ରେକର୍ଡ ମଧ୍ୟ ସୃଷ୍ଟି କରିଛି ।
