- ବାଂଲାଦେଶରେ ହିନ୍ଦୁ ଯୁବକଙ୍କୁ ହତ୍ୟା
- ଦୀପୁ ଦାସଙ୍କ ହତ୍ୟାର ମୁଖ୍ୟ ଅଭିଯୁକ୍ତ ଗିରଫ
- ମୁଖ୍ୟ ଅଭିଯୁକ୍ତ ୟାସିନ ଅରାଫାତକୁ ଧରିଲା ପୁଲିସ
- ଦୀପୁ ଦାସଙ୍କୁ ପିଟି ପିଟି ମାରି ଦେଇ ଥିଲା
ନୂଆଦିଲ୍ଲୀ : ଅଶାନ୍ତ ପାଲଟିଛି ବାଂଲାଦେଶ। ଏଠାରେ ହିନ୍ଦୁଙ୍କ ବିରୋଧରେ ହିଂସାକାଣ୍ଡ ବଢିବାରେ ଲାଗିଛି। ବିଗତ ଦିନରେ ଏକ ହିନ୍ଦୁ ଗାରମେଣ୍ଟ ଫ୍ୟାକ୍ଟ୍ରିରେ କାମ କରୁଥିବା ଦୀପୁ ଚନ୍ଦ୍ର ଦାସଙ୍କୁ ନିର୍ଦ୍ଦୟ ଭାବେ ପିଟି ପିଟି ହତ୍ୟା କରି ଥିଲେ। ଏହାପରେ ମୃତଦେହକୁ ସର୍ବସାଧାରଣରେ ଜଳାଇ ଦେଇ ଥିଲେ। ଏହି ମାମଲା ସାରା ଦୁନିଆର ଧ୍ୟାନ ଆକର୍ଷଣ କରିଥିଲା ଏବଂ ଅନେକ ସ୍ଥାନରେ ୟୁନୁସ ସରକାରଙ୍କ ବିରୋଧରେ ବିକ୍ଷୋଭ ପ୍ରଦର୍ଶନ ହୋଇଥିଲା। ଏହି ସ୍ଥିତିରେ ବାଂଲାଦେଶର ପୁଲିସକୁ କାର୍ଯ୍ୟାନୁଷ୍ଠାନ ନେବାକୁ ବାଧ୍ୟ ହେବାକୁ ପଡ଼ିଲା। ପୁଲିସ ଦୀପୁ ଦାସଙ୍କ ମାମଲାରେ ମୁଖ୍ୟ ଅଭିଯୁକ୍ତ ୟାସିନ ଅରାଫାତକୁ ଗିରଫ କରିଛି।
ଇଣ୍ଡିଆ ଟୁଡେ ଅନୁସାରେ , ୟାସିନ ଅରାଫାତ ଜଣେ ପୂର୍ବତନ ଶିକ୍ଷକ ଏବଂ କୁହାଯାଉଛି ଯେ, ଏମିତି ହିଁ ଏକ ହତ୍ୟାକାଣ୍ଡକୁ ସଫଳ କରିବାରେ ପୂରା ପ୍ଲାନିଂ କରିଥିଲା ଏବଂ ଏହାକୁ ସଫଳ କରି ଥିଲା। ପୁଲିସ ଅନୁସାରେ , ଦୀପୁ ଦାସଙ୍କ ହତ୍ୟା ପରେ, ଅରାଫାତ ଅଭିଯୋଗ ମୁତାବିକ ସେହି ଅଞ୍ଚଳରୁ ଫେରାର ହୋଇ ଯାଇ ଥିଲା ଏବଂ ଲୁଚି ଗଲା। ଏହାପରେ ସେ ଗୁରୁବାର ଗିରଫ ହୋଇଛି।
ପୁଲିସ ମୁତାବିକ , ୟାସିନ ହିଁ ଦୀପୁ ଚନ୍ଦ୍ର ଦାସଙ୍କ ଉପରେ ଭିଡ଼ ଭିତରେ ଆକ୍ରମଣ କରିବାକୁ ଷଡ଼ଯନ୍ତ୍ର ରଚି ଥିଲା। ଲୋକଙ୍କୁ ଏକାଠି ହେବା ଓ ଦାସଙ୍କୁ ଟାର୍ଗେଟ୍ କରିବା ପାଇଁ ଉସୁକାଇବା। ଗତ ମାସରେ ୧୮ ଡିସେମ୍ୱରରେ ବାଂଲାଦେଶର ମ୍ୟାମନସିଂହ ଜିଲ୍ଲାରେ ହିନ୍ଦୁ ଯୁବକ ଦୀପୁ ଚନ୍ଦ୍ର ଦାସଙ୍କ ଉପରେ ଈଶ୍ୱର ନିନ୍ଦାର ଅଭିଯୋଗ ଲାଗି ଥିଲା। ଏହାପରେ ସେହି ଫ୍ୟାକ୍ଟ୍ରିରୁ ବାହାର କରାଯାଇ ଥିଲା। କ୍ରୋଧିତ ଭିଡ଼ ତାକୁ ପିଟି ପିଟି ମାରି ଦେଲେ ଏବଂ ପୁଣି ଏକ ଚାରି ଛକ ରାସ୍ତାରେ ତାଙ୍କର ମୃତଦେହକୁ ଝୁଲାଇ ସମସ୍ତଙ୍କ ଆଗରେ ପେଟ୍ରୋଲ ଢାଳି ନିଆଁ ଲଗେଇ ଦେଲେ।
ପୁଲିସ ଏହା ମଧ୍ୟ କହିଛି, ଅରାଫାତ କେବଳ ଭିଡ଼କୁ ଉସୁକାଇ ନଥିଲା , ବରଂ ନିଜେ ଯାଇ ତାଙ୍କୁ ଟାଣି ଥିଲା ଏବଂ ଗଛରେ ବାନ୍ଧି ସେଥିରେ ନିଆଁ ଲଗାଇ ଦେଇଥିଲା। ସେ ସେହି ଅଞ୍ଚଳରେ ରହୁ ଥିଲା ଏବଂ ଏକ ମସଜିଦରେ ପଢାଉ ଥିଲା। ଏବେ ତାର ଗିରଫଦାରୀ ପରେ ତାର ଭୂମିକାକୁ ନେଇ ଯାଞ୍ଚ କରାଯାଉଛି।
ଏହାସହ ମଧ୍ୟ ପଢନ୍ତୁ : ବାଂଲାଦେଶକୁ ଭାରତରେ ହିଁ ଖେଳିବାକୁ ହେବ ଟି-ଟ୍ୱେଣ୍ଟି ମ୍ୟାଚ, ଆଇସିସି ଦେଲା ଏହି ଚେତାବନୀ
କହି ରଖୁଛୁ ଯେ, ଗତ କିଛି ଦିନରୁ ଦୀପୁ ଚନ୍ଦ୍ରଙ୍କ ବ୍ୟତୀତ ମଧ୍ୟ ଅନେକ ହିନ୍ଦୁଙ୍କ ହତ୍ୟା ହୋଇଛି। ଏଥିରେ ୫ ଜାନୁଆରୀରେ ମୋନି ଚକ୍ରବର୍ତ୍ତୀଙ୍କ ମଧ୍ୟ ହତ୍ୟା ସାମିଲ ଅଛି। ଏହା ବ୍ୟତୀତ, ପାଞ୍ଚ ଜାନୁଆରୀରେ ହିଁ ଏକ ଖବରକାଗଜର ଏଡିଟର ରାଣା ପ୍ରତାପଙ୍କୁ ମଧ୍ୟ ଅଜଣା ବ୍ୟକ୍ତିମାନେ ହତ୍ୟା କରି ଦେଇଥିଲେ। ଏହା ପୂର୍ବରୁ, ଖୋକନ ଚନ୍ଦ୍ର ଦାସଙ୍କୁ ମାରି ଦିଆ ଯାଇଥିଲା। କିଛି ଦିନ ଯାଏ ହସ୍ପିଟାଲରେ ଚିତ୍କାର କରାଇବା ପରେ ତାଙ୍କର ମୃତ୍ୟୁ ହୋଇଥିଲା। ଏହାର କିଛି ଦିନ ପୂର୍ବେ ଅମୃତ ମଣ୍ଡଳଙ୍କୁ ମଧ୍ୟ କିଛି ଲୋକେ ପିଟିପିଟି ମାରି ଦେଇଥିଲେ।
