ଫିରିଙ୍ଗିଆ,୫।୧୧  କାନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ ପରିସରରେ ଗେଣ୍ଡୁ ଫୁଲ ଚାରା ବଣ୍ଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି I କନ୍ଧମାଳ ଜିଲ୍ଲା ରେ ମହିଳା ମାନଙ୍କୁ ସ୍ୱାବଲମ୍ବୀ କରିବା ଲକ୍ଷ୍ୟରେ ଏହି ଚାରା ବଣ୍ଟନ କରାଯାଇଛି।

 ଜିଲ୍ଲାପାଳ ଅମ୍ରିତ ଋତୁରାଜ ଙ୍କ ନିଜସ୍ୱ ପ୍ରଚେଷ୍ଟା ରେ ପ୍ରତ୍ବେକ ବ୍ଲକ ରେ ସ୍ୱୟଂ ସହାୟକ ଗୋଷ୍ଠିର ମହିଳା ମାନଙ୍କୁ ଏହି ଫୁଲ ଚାରା ବଣ୍ଟନ କରାଯାଉଥିବା ବେଳେ ଅନୁରୂପ ଭାବରେ ଫିରିଙ୍ଗିଆ ବ୍ଲକ ରେ ମଧ୍ୟ୍ୟ ମହିଳା ମାନଙ୍କୁ ଏହି ଫୁଲ ଚାରା ବଣ୍ଟନ କରାଯାଇଛି I ତେବେ ଫିରିଙ୍ଗିଆ ବ୍ଲକ ରେ ଅନୁଷ୍ଠିତ ହୋଇଥିବା ଏହି କାର୍ଯ୍ୟକ୍ରମ ରେ ଗୋଷ୍ଠି ଉନ୍ନୟନ ଅଧିକାରୀ ଅନୁପ ଅଭିଷେକ ବେହେରା ମୁଖ୍ୟ ଅତିଥି ଭାବରେ ଯୋଗଦେଇଥିବା ବେଳେ ମହିଳା ଓ ଶିଶୁ ବିକାଶ ଅଧିକାରିଣୀ ନିବେଦିତା ପ୍ରଧାନ ସମ୍ମାନିତ ଅତିଥି ଭାବରେ ଉପସ୍ଥିତ ରହି ମହିଳା ମାନଙ୍କୁ ଚାରା ବଣ୍ଟନ କରିଥିଲେ I ତେବେ ଫିରିଙ୍ଗିଆ ବ୍ଲକ ର ସମୁଦାୟ ୨୪ ଟି ପଞ୍ଚାୟଟ ପାଇଁ ତିନି ଲକ୍ଷ୍ ଫୁଲ ଚାରା ବଣ୍ଟନ କରାଯିବା ପାଇଁ ଲକ୍ଷ୍ୟ ଧର୍ଯ୍ୟ କରାଯାଇଥିବା ବେଳେ ସମୁଦାୟ ତିରିଶ ଏକର ଜମିରେ ଏହି ଫୁଲ ଚାରା ରୋପଣ କରାଯିବାର କାର୍ଯ୍ୟକ୍ରମ ରହିଥିବା ବ୍ଲକ କାର୍ଯ୍ୟାଳୟ ତରଫରୁ ସୂଚନା ଦିଆଯାଇଛି I 

ତେବେ ଏହି ଫୁଲ ଚାଷ ର ସଫଳ ରୂପାୟନ ପରେ ଆଗାମୀ ଦିନରେ ମହିଳା ମାନଙ୍କୁ ମାଛ ଚାଷ, କୁକୁଡ଼ା ଚାଷ, ଛତୁ ଚାଷ ବାଡ଼ି ଅଗଣା ଦେଶୀ କୁକୁଡ଼ା ଚାଷ ଭଳି ଯୋଜନା ରଖାଯାଇଥିବା ମଧ୍ୟ୍ୟ ବିଭାଗ ତରଫରୁ ସୂଚନା ଦିଆଯାଇଛି I ତେବେ ଅନୁଷ୍ଠିତ ହୋଇଥିବା ଏହି ଫୁଲ ଚାରା ବଣ୍ଟନ କାର୍ଯ୍ୟକ୍ରମ ରେ ଅନ୍ୟମାନଙ୍କ ମାଧ୍ୟ୍ୟରେ ବ୍ଲକ ରେ କାର୍ଯ୍ୟରତ ବିପିଏମ ସଂଗ୍ରାମ କେଶରୀ ସାହୁ, ବିପିସି ବାଦଲ ନାୟକ, ବିଏଲସି ରତିକାନ୍ତ ସାହୁ, ମହିଳା ବିଏଲସି ରୁବିନା ନାଏକ ଉପସ୍ଥିତ ରହି ସହଯୋଗ କରିଥିଲେ I