ନୂଆଦିଲ୍ଲୀ : ଭାରତ-ପାକିସ୍ତାନ ଯୁଦ୍ଧରେ ଅସ୍ତ୍ରବିରତିକୁ ନେଇ ପୁଣି ଦାବି ଦୋହରାଇଲେ ଡୋନାଲ୍ଟ ଟ୍ରମ୍ପ। ଜାତିସଂଘ ସାଧାରଣ ପରିଷଦ (UNGA)ର ୮୦ ତମ ଅଧିବେଶନରେ ଭାଷଣ ଦେଇ ଡୋନାଲ୍ଡ ଟ୍ରମ୍ପ ଏହି ଦାବିକୁ ପୁଣି ଦୋହରାଇଛନ୍ତି। ସେ କହିଛନ୍ତି ଯେ, ଭାରତ-ପାକିସ୍ତାନ ଯୁଦ୍ଧ ସମେତ ସାତଟି ଯୁଦ୍ଧ ସେ ସମାପ୍ତ କରିଛନ୍ତି। ଜାତିସଂଘରେ ଭାଷଣ ଦେଇ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କହିଛନ୍ତି କି,"ମାତ୍ର ସାତ ମାସରେ, ମୁଁ ସାତଟି ଯୁଦ୍ଧ ସମାପ୍ତ କରିଛି। ଏଥିରେ କାମ୍ବୋଡିଆ ଏବଂ ଥାଇଲ୍ୟାଣ୍ଡ, କୋସୋଭୋ ଏବଂ ସର୍ବିଆ, କଙ୍ଗୋ ଏବଂ ରୱାଣ୍ଡା, ପାକିସ୍ତାନ ଏବଂ ଭାରତ, ଇସ୍ରାଏଲ ଏବଂ ଇରାନ, ମିଶର ଏବଂ ଇଥିଓପିଆ, ଆର୍ମେନିଆ ଏବଂ ଆଜରବାଇଜାନ ଅନ୍ତର୍ଭୁକ୍ତ।"
ଟ୍ରମ୍ପ କହିଛନ୍ତି କି, "ମୁଁ ଏହି ସମସ୍ତ ସାତଟି ଯୁଦ୍ଧ ସମାପ୍ତ କରିଛି। କୌଣସି ରାଷ୍ଟ୍ରପତି, ପ୍ରଧାନମନ୍ତ୍ରୀ କିମ୍ବା କୌଣସି ଦେଶ ଏପରି କିଛି କରିନାହାଁନ୍ତି। ମୁଁ କେବଳ ସାତ ମାସରେ ଏହା କରିଥିଲି। ଏହା ପୂର୍ବରୁ କେବେ ହୋଇନାହିଁ। ମୁଁ ଏହା କରି ବହୁତ ସମ୍ମାନିତ ଅନୁଭବ କରୁଛି।"
ସଂଯୁକ୍ତ ରାଷ୍ଟ୍ର ଏଥିପ୍ରତି କୌଣସି ସହାୟତା ପ୍ରଦାନ କରିନାହିଁ। ଟ୍ରମ୍ପ ଏହା ମଧ୍ୟ କହିଛନ୍ତି,"ଏହା ବହୁତ ଖରାପ ଯେ ମୋତେ ଜାତିସଂଘ ବଦଳରେ ଏହା କରିବାକୁ ପଡିଲା।" ଦୁଃଖର ବିଷୟ, ଏହି ସମସ୍ତ କ୍ଷେତ୍ରରେ, ଜାତିସଂଘ ସାହାଯ୍ୟ କରିବାକୁ ଚେଷ୍ଟା କରିନାହିଁ। ମୁଁ ଏହି ସମସ୍ତ ଦେଶର ନେତା ମାନଙ୍କ ସହ କଥା ହୋଇଛି, ଏବଂ ଏକ ଚୁକ୍ତିନାମାକୁ ଚୂଡ଼ାନ୍ତ କରିବାରେ ସାହାଯ୍ୟ କରିବା ପାଇଁ ଜାତିସଂଘରୁ ମୁଁ ଗୋଟିଏ ବି ଫୋନ୍ କଲ୍ ପାଇନାହିଁ।
ଟ୍ରମ୍ପ୍ ଜାତିସଂଘକୁ ପ୍ରଶ୍ନ କରିଥିଲେ, କହିଥିଲେ..."ସଂଘର ଉଦ୍ଦେଶ୍ୟ କ'ଣ ? ଜାତିସଂଘର ଏତେ ପ୍ରଚଣ୍ଡ ସମ୍ଭାବନା ଅଛି, ତଥାପି ଅଧିକାଂଶ କ୍ଷେତ୍ରରେ, ଏହା ସେହି ସମ୍ଭାବନା ପୂରଣ କରିବା ପାଇଁ ମଧ୍ୟ ନିକଟତର ନୁହେଁ।"
