ନୂଆଦିଲ୍ଲୀ,୨୧/୦୧: ଭାରତର ପ୍ରତିରକ୍ଷା କ୍ଷମତା ବୃଦ୍ଧି କରୁଥିବା ଏକ ପ୍ରମୁଖ ସଫଳତା ଜାନୁଆରୀ ୨୬ ତାରିଖରେ ଦେଖିବ ବିଶ୍ୱ । ପ୍ରତିରକ୍ଷା ଗବେଷଣା ଏବଂ ବିକାଶ ସଂଗଠନ ବା ଡିଆରଡିଓ ଦ୍ୱାରା ବିକଶିତ ଦୂରଗାମୀ ଆଣ୍ଟି ସିପ୍ ହାଇପରସୋନିକ୍ ଗ୍ଲାଇଡ୍ କ୍ଷେପଣାସ୍ତ୍ର (LRASHM) ପ୍ରଥମ ଥର ପାଇଁ ୭୭ତମ ଗଣତନ୍ତ୍ର ଦିବସ ପରେଡରେ ସାର୍ବଜନୀନ ଭାବରେ ପ୍ରଦର୍ଶିତ ହେବ। ୧୫୦୦ କିଲୋମିଟର ପର୍ଯ୍ୟନ୍ତ ଲକ୍ଷ୍ୟଭେଦ କରିବାରେ ସକ୍ଷମ ଏହି କ୍ଷେପଣାସ୍ତ୍ର ଭାରତ ମହାସାଗର କ୍ଷେତ୍ରରେ ଭାରତର ରଣନୈତିକ ସ୍ଥିତିକୁ ଯଥେଷ୍ଟ ମଜଭୂତ କରିବ ।
ଭାରତୀୟ ନୌସେନାର ଆବଶ୍ୟକତା ପୂରଣ କରିବା ପାଇଁ ଏଲଆରଏଏସଏଚଏମକୁ ବିଶେଷ ଭାବରେ ବିକଶିତ କରାଯାଇଛି । ଏହି କ୍ଷେପଣାସ୍ତ୍ର ହାଇପରସୋନିକ୍ ଗତିରେ ଉଡ଼ାଣ ଭରେ, ଅର୍ଥାତ୍ ଏହା ଶବ୍ଦର ବେଗ ଅପେକ୍ଷାଦ୍ରୁତ ଗତିରେ ଗତି କରେ । ଏହି ଦ୍ରୁତ ଗତି କାରଣକୁ ଶତ୍ରୁ ରାଡାର ଏବଂ ଏୟାର ଡିଫେନ୍ସ ସିଷ୍ଟମ ପାଇଁ ଏହାକୁ ସମୟ ମଧ୍ୟରେ ଚିହ୍ନଟ ସହ ଅଟକାଇବ କଷ୍ଟକର ହୋଇଥାଏ ।
ଶତ୍ରୁ ଜାହାଜ ଉପରେ ସଠିକ୍ ଆକ୍ରମଣ
ଏହି କ୍ଷେପଣାସ୍ତ୍ର ବିଭିନ୍ନ ପ୍ରକାରର ପେଲୋଡ୍ ବହନ କରିବାରେ ସକ୍ଷମ । ସମୁଦ୍ରରେ ନିୟୋଜିତ ଶତ୍ରୁ ଜାହାଜର ଅସ୍ତ୍ରଶସ୍ତ୍ର ପ୍ରଣାଳୀକୁ ସିଧାସଳଖ ଟାର୍ଗେଟ କରିପାରିବ । ଏହାର ଉଚ୍ଚ ଗତି ଏହାକୁ ସାମୁଦ୍ରିକ ଯୁଦ୍ଧରେ ଏକ ଅତ୍ୟନ୍ତ ଘାତକ ଅସ୍ତ୍ର କରିଥାଏ । ବିଶେଷଜ୍ଞଙ୍କ ମତରେ, ଏହା ଭାରତୀୟ ନୌସେନାର ଆକ୍ରମଣ କ୍ଷମତା ଏବଂ ସମୁଦ୍ର ନିୟନ୍ତ୍ରଣ ଉଭୟକୁ ଯଥେଷ୍ଟ ବୃଦ୍ଧି କରିବ ।
ଆତ୍ମନିର୍ଭରଶୀଳ ଭାରତ ଦିଗରେ ବଡ଼ ପଦକ୍ଷେପ
ନିର୍ଦ୍ଦେଶକ ଏ. ପ୍ରସାଦ ଗୌଡଙ୍କ ଅନୁଯାୟୀ, ଡିଆରଡିଓ ନିରନ୍ତର ହାଇପରସୋନିକ୍ ଗ୍ଲାଇଡ୍ ଏବଂ ହାଇପରସୋନିକ୍ କ୍ରୁଜ୍ ମିସାଇଲ୍ ପ୍ରଯୁକ୍ତିବିଦ୍ୟା ଉପରେ କାର୍ଯ୍ୟ କରୁଛି । ଗଣତନ୍ତ୍ର ଦିବସ ପରେଡରେ LRASHMର ପ୍ରଦର୍ଶନ ପ୍ରତିରକ୍ଷା କ୍ଷେତ୍ରରେ ଏକ ଆତ୍ମନିର୍ଭରଶୀଳ ଭାରତର ଦୃଷ୍ଟିକୋଣକୁ ସୁଦୃଢ଼ କରିବ । ଅତ୍ୟାଧୁନିକ କ୍ଷେପଣାସ୍ତ୍ର ପ୍ରଯୁକ୍ତିବିଦ୍ୟାରେ ଭାରତର ଦ୍ରୁତ ଅଗ୍ରଗତିକୁ ପ୍ରଦର୍ଶନ କରିବ ।
ଏହା ବି ପଢନ୍ତୁ...ଗୁଜରାଟରେ କାହିଁକି ଫୁଟୁଛି ଆରବ ସାଗର ପାଣି ? ବୈଜ୍ଞାନିକ କହିଲେ- ‘ଅତ୍ୟନ୍ତ ଅସାଧାରଣ’ ଗତିବିଧି, ଦେଲେ ବଡ଼ ଚେତାବନୀ
ନୌସେନାର ବିଶେଷ ଆକର୍ଷଣଗଣତନ୍ତ୍ର ଦିବସ ପରେଡରେ ଭାରତୀୟ ନୌସେନାରେ ଦର୍ଶକଙ୍କୁ ମଧ୍ୟ ଆକର୍ଷିତ କରିବ । ଏଥିରେ ସ୍ୱଦେଶୀ ବିମାନ ବାହକ INS ବିକ୍ରାନ୍ତ ଏବଂ ଅନ୍ୟାନ୍ୟ ଆଧୁନିକ ଯୁଦ୍ଧଜାହାଜ ସହିତ ଏକ ପ୍ରାଚୀନ ୫ମ ଶତାବ୍ଦୀର ଜାହାଜ ପ୍ରଦର୍ଶିତ ହେବ । ଚଳିତବର୍ଷ, ୧୪୪ ଜଣ ନୌସେନା ନାବିକ କର୍ତ୍ତବ୍ୟ ପଥରେ ପରେଡ କରିବେ । ୨ ମାସରୁ ଅଧିକ ସମୟ ଧରି ସ୍ୱତନ୍ତ୍ର ତାଲିମ ନେଇଛନ୍ତି। ଏହି ଟିମ୍କୁ ବିଭିନ୍ନ ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳରୁ ଚୟନ କରାଯାଇଛି । ଯାହା ଭାରତୀୟ ନୌସେନାର ଏକତା ଏବଂ ବିବିଧତାର ପ୍ରତୀକ ।
