କୋଲକାତା – ଦୁର୍ଗାପୂଜା ଉତ୍ସବ ପାଇଁ ପ୍ରସିଦ୍ଧ ରାଜ୍ୟ ପଶ୍ଚିମବଙ୍ଗରେ ଚଳିତ ବର୍ଷ ମହୋତ୍ସବର ରଙ୍ଗ ଫିକା ନଜର ଆସିଛି। ଅର୍ଥଶାସ୍ତ୍ରୀ ଓ ଉଦ୍ୟୋଗ ବିଶେଷମାନେ ଅନୁମାନ କରୁଛନ୍ତି କି, ଚଳିତ ବର୍ଷ ଦୁର୍ଗାପୂଜା ମହୋତ୍ସବରେ ବିକ୍ରି ହ୍ରାସ ପାଇଛି। ଗତ ବର୍ଷର ତୁଳନାରେ ଚଳିତ ବର୍ଷ ମହୋତ୍ସବରେ ଅର୍ଥବ୍ୟବସ୍ଥା ଆନୁମାନିକ ୨୦ରୁ ୩୦ ପ୍ରତିଶତ ଯାଏ ହ୍ରାସ ପାଇ ପାରେ। ସେ ଆଶଙ୍କା କରିଛନ୍ତି କି, କୋଲକାତାର ଆରଜି କର ହସ୍ପିଟାଲରେ ମହିଳା ଡାକ୍ତରଙ୍କୁ ହୋଇଥିବା ଦୁଷ୍କର୍ମ- ହତ୍ୟା ଭଳି ଘଟଣାର ପ୍ରଭାବ ମହୋତ୍ସବ ଉପରେ ପଡ଼ିବାର ଦେଖିବାକୁ ମିଳିଛି। ହସ୍ପିଟାଲରେ ହୋଇଥିବା ଘଟଣାର କାରଣରୁ ପୂରା ରାଜ୍ୟରେ ଶୋକର ଛାୟା ଖେଳି ଯାଇଛି।
କହି ରଖୁଛୁ କି, ପଶ୍ଚିମବଙ୍ଗରେ ଦୁର୍ଗାପୂଜା ମହୋତ୍ସବ ରାଜ୍ୟର ଅର୍ଥବ୍ୟବସ୍ଥାର ମେରୁଦଣ୍ଡ। ଏହା ରାଜ୍ୟର ସମସ୍ତ ଜିଡିପିର (ଘରୋଇ ଉତ୍ପାଦ)ରେ ଅତି କମ୍ରେ ଏକ ତୃତୀୟାଂଶ। ଏହା ଖୁଚୁରା , ଆତିଥ୍ୟ ଓ ହସ୍ତଶିଳ୍ପ ସହ ବିଭିନ୍ନ କ୍ଷେତ୍ରକୁ ପ୍ରଭାବିତ କରିଥାଏ। ଅର୍ଥଶାସ୍ତ୍ରୀ ତଥା ଉଦ୍ୟୋଗ ବିଶେଷଜ୍ଞ ସଦ୍ୟ ମାମଲା ଦିଗକୁ ଇସାରା କରୁଛନ୍ତି , ଯାହା ଚଳିତ ବର୍ଷ ଦୁର୍ଗା ପୂଜା ମହୋତ୍ସବରେ ଜନମାନସର ଭାବନାକୁ ଦୁର୍ବଳ କରୁଛୁ।
ଆରଜି କର ଘଟଣାର ବ୍ୟାପକ ବିରୋଧ ଓ ଆକ୍ରୋଶକୁ ଜନ୍ମ ଦେଇଛି। ମାସ ସାରା କୋଲକାତା ହିଁ ନୁହେଁ ସାରା ରାଜ୍ୟରେ ଆନ୍ଦୋଳନ ଦ୍ରୁତ ଗତିରେ ବ୍ୟାପି ସାରିଛି। ଲୋକଙ୍କ ଠାରେ ମହୋତ୍ସବକୁ ନେଇ ସେତିକି ଉତ୍ସୁକତା ଦେଖିବାକୁ ମିଳି ନାହିଁ। ବିକ୍ରି ହ୍ରାସ ପାଇଛି ଏବଂ ଲୋକ ମହୋତ୍ସବ ପରିବର୍ତ୍ତେ କୋଲକାତାର ଜଘନ୍ୟକାଣ୍ଡର ବିରୋଧରେ ବିକ୍ଷୋଭ ପ୍ରଦର୍ଶନରେ ରାସ୍ତାକୁ ଓହ୍ଲାଇଛନ୍ତି।
ଉଲ୍ଲେଖନୀୟ ଯେ , ପଶ୍ଚିମବଙ୍ଗରେ ୪୦,୦୦୦ରୁ ଅଧିକ ପୂଜା ହୋଇଥାଏ ଏବଂ ଖର୍ଚ୍ଚରେ ଏହି ହ୍ରାସ ବିଶେଷ ଭାବେ ଛୋଟ ଛୋଟ ଦୁର୍ଗା ପୂଜା ଆୟୋଜକଙ୍କୁ ପ୍ରଭାବିତ କରିଛୁ। ଦୁର୍ଗାପୂଜା ଅର୍ଥବ୍ୟବସ୍ଥା ପାଇଁ ମହତ୍ତ୍ୱପୂର୍ଣ୍ଣ ଫେରିବାଲା ସଂପ୍ରଦାୟ ମଧ୍ୟ ପ୍ରତିକୂଳ ରୂପେ ପ୍ରଭାବିତ ହୋଇଛନ୍ତି।
