ଭୁବନେଶ୍ବର,୨୯।୫ : ସିବିଆଇ ହାତରେ ଇଡି ଡେପୁଟି ଡାଇରେକ୍ଟର । ଜଣେ ଦଲାଲ ମାଧ୍ୟମରେ ନେଉଥିଲେ ୨୦ ଲକ୍ଷ ଟଙ୍କା ଲାଞ୍ଚ । ଲାଞ୍ଚ ନେବା ବେଳେ ଭୁବନେଶ୍ବର ସହିଦନଗରରେ ସିବିଆଇ ଟିମ ହାତରେ ଧରାପଡିଛନ୍ତି । ଭୁବନେଶ୍ବର ଇଡି କାର୍ଯ୍ୟାଳୟର ଡେପୁଟି ଡାଇରେକ୍ଟର ହେଉଛନ୍ତି ଚିନ୍ତନ ରଘୁବଂଶୀ। ଚଢାଉ ଭୟ ଦେଖାଇ ବ୍ୟବସାୟୀଙ୍କୁ ମାଗିଥିଲେ ଲାଞ୍ଚ।
ଜଣେ ମାଇନ୍ସ ବ୍ୟବସାୟୀ ରତିକାନ୍ତ ରାଉତଙ୍କୁ ଚଢାଉ କରିବା ଭୟ ଦେଖାଇ ୫ କୋଟି ଟଙ୍କା ଦାବି କରୁଥିଲେ ଇଡି ଡେପୁଟି ଡାଇରେକ୍ଟର । ଇଡି ପକ୍ଷରୁ ଜାନୁଆରୀ ୮ ତାରିଖରେ ଢେଙ୍କାନାଳ , କେଉଁଝର , କଟକ ,ଭୁବନେଶ୍ୱର ଭଳି ବହୁ ସ୍ଥାନରେ ଥିବା ରତିକାନ୍ତ ରାଉତଙ୍କ କମ୍ପାନୀ , ଘରେ ଚଢାଉ କରାଯାଇଥିଲା । ମାମଲା ରଫା ଦଫା ପାଇଁ ୫ କୋଟି ଟଙ୍କା ମାଗିଥିଲେ। ସହିଦନଗରର ଏକ ଫ୍ଲାଟରେ ଚିନ୍ତନ ଓ ଦଲାଲ ପହଞ୍ଚିଥିଲେ। ୨୦ ଲକ୍ଷ ଟଙ୍କା ଲାଞ୍ଚ ନେବା ବେଳେ ଇଡି ଡେପୁଟି ଡାଇରେକ୍ଟର ଚିନ୍ତନ ଓ ଦଲାଲଙ୍କୁ ମାଡି ବସିଥିଲା ସିବିଆଇ ଟିମ୍। ଉଭୟଙ୍କୁ ସିବିଆଇ ଟିମ୍ ଆଣି ପଚରାଉଚରା କରୁଛି।
