ନୂଆଦିଲ୍ଲୀ,୭/୫ : ଭାରତ ପହଲଗାମରେ ହୋଇଥିବା ଆତଙ୍କୀ ଆକ୍ରମଣର ଜବାବରେ ଆତଙ୍କୀଙ୍କ ବିପକ୍ଷରେ ‘ଅପରେଶନ ସିନ୍ଦୁର’ ଲଞ୍ଚ୍ କରିବା ପରେ ପାକିସ୍ତାନ ଅଧିକୃତ କଶ୍ମୀର ଏବଂ ପାକିସ୍ତାନରେ ଆତଙ୍କୀଙ୍କ ୯ଠିକଣା ଉପରେ ଆକ୍ରମଣ କରିଛି । ଯାହା ପରେ ଇଂଲଣ୍ଡର କ୍ରିକେଟର ଭୟଭୀତ ହୋଇଯାଇଛନ୍ତି ଏବଂ ସୋସିଆଲ ମିଡ଼ିଆରେ ପୋଷ୍ଟ କରି ନିଜ ସ୍ଥିତିକୁ ଜାହିର କରିଛନ୍ତି । ସାମ ବିଲିଙ୍ଗ୍ସ ସୋସିଆଲ ମିଡ଼ିଆ ପୋଷ୍ଟ ସେୟାର କରି ଲେଖିଛନ୍ତି କି, ‘ମୁଁ ପ୍ରାର୍ଥନା କରୁଛି ଯେ ଭାରତ ଏବଂ ପାକିସ୍ତାନ ମଧ୍ୟରେ ଉତ୍ତେଜନା ଯଥାଶୀଘ୍ର ହ୍ରାସ ପାଉ"। ଇଂଲଣ୍ଡ ଖେଳାଳୀ ସାମ ବିଲିଙ୍ଗ୍ସଙ୍କ ଏହି ପୋଷ୍ଟ ସୋସିଆଲ ମିଡ଼ିଆରେ ଖୁବ୍ ଭାଇରାଲ୍ ହେବାରେ ଳାଗିଛି । ପ୍ରକାଶ ଯେ, ଇଂଲଣ୍ଡ ଖେଳାଳୀ ସାମ ବିଲିଙ୍ଗ୍ସ ଏହି ସମୟରେ ପାକିସ୍ତାନ ସୁପର ଲିଗରେ ଲାହୋର କଲନ୍ଦର୍ସ ଟିମର ଭାଗିଦାରୀ ଅଟନ୍ତି ।
ଇଂଲଣ୍ଡର ସାମ ବିଲିଙ୍ଗ୍ସଙ୍କ କ୍ୟାରିୟରର କଥା ଯଦି ଆମେ କହିବା ତେବେ ଏହି କ୍ରିକେଟର ଏବେ ପର୍ଯ୍ୟନ୍ତ ୩୬୦ ଟି-୨୦ ମ୍ୟାଚ ଖେଳିଛନ୍ତି ଏବଂ ପ୍ରାୟ ୬୯୯୭ରନ୍ କରିବାରେ ସଫଳତା ହାସଲ କରିଛନ୍ତି । ସାମ ବିଲିଙ୍ଗ୍ସଙ୍କ ନାଁରେ ଟି-୨୦ରେ ଗୋଟିଏ ଶତକ ଏବଂ ୩୫ଅର୍ଦ୍ଧଶତକ ରହିଛି ।
Praying India and Pakistan situation deescalates asap 🙏🏼
— Sam Billings (@sambillings) May 6, 2025
