ମାଞ୍ଚେଷ୍ଟର: ମାଞ୍ଚେଷ୍ଟର ଟେଷ୍ଟରେ ଭାରତ ବିପକ୍ଷରେ ଇଂଲଣ୍ଡ ଦୃଢ଼ ସ୍ଥିତିରେ ରହିଛି। ଶୁକ୍ରବାର ହୋଇଥିବା ମ୍ୟାଚ୍ ର ତୃତୀୟ ଦିନରେ ଦଳ ଭାରତ ବିପକ୍ଷରେ ୧୮୬ ରନ୍ ର ଲିଡ୍ ସଂଗ୍ରହ କରିଛି। ଖେଳ ଶେଷ ସୁଦ୍ଧା, ଇଂଲଣ୍ଡ ଦଳ ପ୍ରଥମ ଇନିଂସରେ ୭ ୱିକେଟ୍ ହରାଇ ୫୪୪ ରନ୍ ହାସଲ କରିଛି।
ଅଧିନାୟକ ବେନ୍ ଷ୍ଟୋକ୍ସ ୭୭ ଏବଂ ଲିଆମ୍ ଡସନ୍ ୨୧ ରନ୍ କରି ଅପରାଜିତ ଫେରିଛନ୍ତି। ଜୋ ରୁଟ୍ ୧୫୦ ରନ୍ ର ଗୁରୁତ୍ତ୍ୱପୂର୍ଣ୍ଣ ଇନିଂସ ଖେଳିଥିଲେ। ସେ ଓଲି ପୋପ୍ (୭୧ ରନ୍) ସହିତ ୧୪୪ ଏବଂ ବେନ୍ ଷ୍ଟୋକ୍ସଙ୍କ ସହିତ ଅପରାଜିତ ୧୪୨ ରନ୍ ର ଭାଗୀଦାରି କରିଥିଲେ। ଭାରତୀୟ ଦଳ ପକ୍ଷରୁ ୱାଶିଂଟନ୍ ସୁନ୍ଦର ଏବଂ ରବିନ୍ଦ୍ର ଜାଡେଜା ୨-୨ଟି ୱିକେଟ୍ ନେଇଥିଲେ। ଜସପ୍ରିତ ବୁମରାହ, ମହମ୍ମଦ ସିରାଜ ଏବଂ ଅଂଶୁଲ କମ୍ବୋଜ ପ୍ରତ୍ୟେକେ ଗୋଟିଏ ୱିକେଟ୍ ପାଇଥିଲେ। ଭାରତୀୟ ଦଳ ପ୍ରଥମ ଇନିଂସରେ ୩୫୮ ରନ୍ ରେ ଅଲ୍ ଆଉଟ୍ ହୋଇଯାଇଥିଲା।
