ବରଗଡ ୧୪/୦୪: ଅବକାରୀ ବିଭାଗର ଚଢାଉ। ଚୋରା ମଦ ବେପାରୀଙ୍କୁ କଲା ଗିରଫ। ଜବତ ହେଲା ୮୫ ଲିଟର ମହୁଲି ମଦ।

ସୂଚନା ଅନୁଯାୟୀ, ବରଗଡ଼ ସହରରେ ଚୋରା ମଦ କାରବାର ବୃଦ୍ଧି ପାଉଥିବା ବେଳେ ତତ୍ପର ହୋଇଛି ଅବକାରୀ ବିଭାଗ l ଆଜି କୌଣସି ସୂତ୍ରରୁ ଖବର ପାଇ ବରଗଡ଼ ଅବକାରୀ ଆରକ୍ଷୀ ଅଧିକ୍ଷକ ସୁବନ କୁମାର ନାୟକଙ୍କ ନିର୍ଦ୍ଦେଶ କ୍ରମେ ଅବକାରୀ ଉପ -ନିରୀକ୍ଷକ ସ୍ୱପ୍ନା ରାଣୀ ଟେଟେଙ୍କ ତତ୍ତ୍ୱାବଧାନରେ ନଦୀପଡା ଓ ଅମ୍ବାପାଲି ଛକ ରାସ୍ତାରେ ପାଟ୍ରୋଲିଙ୍ଗ କରାଯାଇଥିଲା। ଏହି ସମୟରେ ଦୁଇଜଣ ଚୋରା ମଦ ବେପାରୀଙ୍କୁ ଗିରଫ କରାଯାଇଛି l ସେମାନଙ୍କ ଠାରୁ ଗୋଟିଏ ସ୍କୁଟି ଓ ୮୫ ଲିଟର ବେଆଇନ ହାତ ରନ୍ଧା ମହୁଲି ମଦ ଜବତ କରାଯାଇଛି l ତେବେ ଏହି ଚଢ଼ାଉ ସମୟରେ ଏଏସଆଇ ମଳୟ କୁମାର ପ୍ରଧାନ, କେଶବ ଚରଣ ବେହେରା, ଚନ୍ଦ୍ରକାନ୍ତ ଭୋଇ, ଓ ରାଜେଶ ରାଉତ ସହଯୋଗ କରିଥିଲେ l