କେନ୍ଦୁଝର ସଦର,୩୦/୧୧(ଆପ୍ର) କେନ୍ଦୁଝର ଜିଲ୍ଲା ସଦର ଉପକଣ୍ଠ ବିଭିନ୍ନ ସ୍ଥାନରେ ଶୁକ୍ରବାର ରାତିରୁ ଝିପି ଝିପି ବର୍ଷା ଲାଗି ରହିବା ଯୋଗୁଁ ଧାନ ଚାଷୀ ମାନେ ପ୍ରଭାବିତ ହୋଇଛନ୍ତି। ଏବେ ଧାନ ଅମଳ ସମୟ ହୋଇଥିବାରୁ ଅଦିନିଆ ବର୍ଷା ଚାଷୀକୂଳକୁର ମେରୁଦଣ୍ଡ ଭାଙ୍ଗି ଦେଇଛି। ଚାଷ ଜମିରେ ଧାନ କଟା ହେବାକୁ ଥିବା ପାଚିଲା ଧାନ ଓଦା ହୋଇଯାଇଛି। ଅନେକ ବିଲରେ କଟା ଧାନ ପଡ଼ିରହିଛି ସେହିପରି କିଛି ଚାଷୀ ଧାନ କାଟି ଖଳାରେ ଗଦାଇ ଥିବା ଧାନ ମଧ୍ୟ ଓଦା ହୋଇଯାଇଛି।
ଚାଷୀଙ୍କ କହିବା ଅନୁଯାୟୀ ଅମଳ ସମୟରେ ବର୍ଷା ଧାନ ପାଇଁ ସମ୍ପୂର୍ଣ୍ଣ ବିପଦ। ପାଣି ରହିଲେ ଧାନଗୁଡିକ କଳା ପଡିଯିବା ସହିତ ଗଜା ଫିଟିଯିବ । ଯାହା ଫଳରେ ଧାନ ବିକ୍ରି ହେବା ଅସମ୍ଭବ ଏବଂ ଚାଉଳ କରିବା ଅନୁପଯୋଗୀ ହେବ। ଚଳିତ ବର୍ଷ ଧାନ ପାଚିବା ସମୟରେ ଦାନା ବାତ୍ୟାରେ ଅଳ୍ପ କିଛି ପଡି ପୁଡ଼ା ଯାଇ ପାଣିରେ ନଷ୍ଟ ହୋଇଥିବା ବେଳେ ଅଦିନିଆ ବର୍ଷା ଚାଷୀଙ୍କୁ ବଇରୀ ହେଲା।ମହଙ୍ଗା ମାଡରେ ଉଚ୍ଚ ଦର ଦାମ୍ ଦେଇ ବିହନ, ସାର , ଶ୍ରମିକ, କୀଟନାଶକ ଔଷଧ କରି ଚାଷୀ ଅମଳ ବେଳକୁ ବର୍ଷା ହେଉଛି କାଳ ବୋଲି ପ୍ରଭାବିତ ଚାଷୀ କହିଛନ୍ତି। ଚାଷୀଙ୍କ ନିକରେ ଜରି କିମ୍ୱା ପାଲ ନଥିବାରୁ ଧାନ ତକ ଖଳାଗୁଡିକରେ ମଧ୍ୟ ଧାନ ଭିଜୁଛି।
