ନରସିଂହପୁର,୦୬/୦୪: ନରସିଂହପୁର ବ୍ଲକ ପୂର୍ବ ବନ ବିଭାଗ ଅନ୍ତର୍ଗତ ଦେବଭୂଇଁ ସରଂକ୍ଷିତ ଜଙ୍ଗଲ କମ୍ପାନମେଣ୍ଟ ୧ ନୂଆଗଡ ସେକ୍ସନ ନୂଆଗଡ ବିଟ୍ରେ ଗୋଟିଏ ମାଈ ହାତୀର ମୃତ୍ୟୁ ହୋଇଛି । ହାତୀଟି ୪୦ ବର୍ଷ ବୟସରେ ପ୍ରାଣ ହରାଇଛି । ହାତୀଟିର ମୃତ୍ୟୁର କାରଣ ଅସ୍ପଷ୍ଟ ରହିଛି ।
ସୂଚନା ମୁତାବକ, ଦେବଭୂଇଁ ସରଂକ୍ଷିତ ଜଙ୍ଗଲ କମ୍ପାନମେଣ୍ଟ ୧ ନୂଆଗଡ ସେକ୍ସନ ନୂଆଗଡ ବିଟ୍ରେ ଏକ ମାଈ ହାତୀର ମୃତଦେହ ପଡ଼ି ରହିଥିବାର ଦେଖିଥିଲେ ସ୍ଥାନୀୟଲୋକେ । ଏହା ଦେଖି ତୁରନ୍ତ ବନବିଭାଗକୁ ଖବର ଦେଇଥିଲେ । ଖବର ପାଇ ଘଟଣା ସ୍ଥଳରେ ବନବିଭାଗ କର୍ମଚାରୀ ପହଞ୍ଚି ହାତୀର ମୃତଦେହ ଜବତ କରିଛନ୍ତି । ତେବେ ଏହାକୁ ମିଶାଇ ଗତ ତିନି ମାସ ମଧ୍ୟରେ ନରସିଂହପୁରରେ ୬ରୁ ଅଧିକ ହାତୀଙ୍କ ମୃତ୍ୟୁ ଘଟିଛି ।
