ନୂଆଦିଲ୍ଲୀ : ଅଯୋଧ୍ୟା ରାମ ମନ୍ଦିରର ଦାନ ଚୋରି ମାମଲାରେ ଗୁରୁବାର FIR ରୁଜୁ କରାଯାଇଛି। ଶ୍ରୀରାମ ଜନ୍ମଭୂମି କ୍ଷେତ୍ରର ଟ୍ରଷ୍ଟର ଅଭିଯୋଗ ଓ ଏସଆଇଟିର ସୁପାରିଶ ପରେ ଏଫଆଇଆର ରୁଜୁ ହୋଇଛି। ସୂତ୍ରାନୁସାରେ , ଏଫଆଇଆରରେ ୮ଜଣ ଲୋକଙ୍କ ନାଁ ଉଲ୍ଲେଖ ରହିଛି। ଏହି ଏଫଆଇଆର ରମାଶଙ୍କର ଯାଦବ (ଟିନ୍ନୁ ଯାଦବ) , ଅନୁକଳ୍ପ ମିଶ୍ରା, ଅବିନାଶ ଶୁକ୍ଳା , ମନିଶା ଯାଦବ , ରମାଶଙ୍କର ମିଶ୍ରା , ସୁଭାଷ , କରୁଣେଶ ଓ ଲବକୁଶ ମିଶ୍ରାଙ୍କ ବିରୋଧରେ ରୁଜୁ କରାଯାଇଛି। ଏଥିରେ ଦୁଇ ମୁଖ୍ୟ ଅଭିଯୁକ୍ତ ଲବକୁଶ ମିଶ୍ରା ଓ ଅନୁକଳ୍ପ ମିଶ୍ରାଙ୍କୁ ଗିରଫ କରାଯାଇଛି। ଅନୁକଳ୍ପ ମିଶ୍ରା ଓ ଲବକୁଶ ମିଶ୍ରା ନୋଟର ଗଣତି କାମ କରୁଥିଲେ। ଅନ୍ୟପଟେ ଅବିନାଶ ତ୍ରିପାଠୀ , କରୁଣେଶ ପାଣ୍ଡେ, ସୁଭାଷ ଓ ମନିଷ ଯାଦବଙ୍କୁ ହେପାଜତକୁ ନିଆଯାଇଛି। ସୁଭାଷ କାଉଣ୍ଟିଂ ଇନଚାର୍ଜର ଦାୟିତ୍ୱ ନେଇଥିଲେ।
ୟୁପି ସରକାରଙ୍କ ନିର୍ଦ୍ଦେଶରେ ବିଏନସି ଅନୁସାରେ , ୩୦୬ , ୩୧୬ (୫) , ୩୧୭ (୪) , ୩୧୭(୫) , ୬୧ ଓ ୩(୫)ର ଧାରା ଗୁଡିକରେ ଏଫଆଇଆର ରୁଜୁ ହୋଇଛି। ଏହି ଏଫଆଇଆର ଚୋରି , ଚୋରିରେ ସାହାଯ୍ୟ କରିବା , ଆତ୍ମସାତ୍, ଠକେଇ , ଅପରାଧିକ ଷଡ଼ଯନ୍ତ୍ର ଓ ସରକାରୀ କର୍ମଚାରୀ କିମ୍ୱା ସଂସ୍ଥାକର୍ମୀଙ୍କ ଦ୍ୱାରା ଅପରାଧିକ ଷଡ଼ଯନ୍ତ୍ର ଅନୁସାରେ ବିଶ୍ୱାସଘାତକର ଧାରାରେ ଏଫଆଇଆର ରୁଜୁ କରାଯାଇଛି। ଏହି ମାମଲା ରାମଜନ୍ମଭୂମି କୋତବାଲୀରେ ରୁଜୁ ହୋଇଛି।
କହୁ ରଖୁଛୁ କି ଶ୍ରୀ କୃଷ୍ଣ ମୋହନଙ୍କ ଅଭିଯୋଗରେ ମାମଲା ରୁଜୁ ହୋଇଛି। ଯେଉଁ ଲୋକଙ୍କ ପାଖରୁ ଏହି ଚୋରି ଅର୍ଥ ମିଳିଛି, ସେହି ସମସ୍ତଙ୍କ ନାଁ ଏଫଆଇଆରରେ ଉଲ୍ଲେଖ କରାଯାଇଛି। କୁହାଯାଉଛି ଯେ, ଉକ୍ତ ମାମଲାରେ ବଡ଼ ସ୍ତରରେ ଗିରଫଦାରୀ ହେବ। ଏହି ସ୍ଥିତିରେ ଆଗାମୀ ଯାଞ୍ଚ ଓ ସମ୍ଭାବିତ କାର୍ଯ୍ୟାନୁଷ୍ଠାନ ଉପରେ ଏବେ ସମସ୍ତଙ୍କ ନଜର ରହିଛି।
ଆହୁରି ମଧ୍ୟ ପଢନ୍ତୁ : RPSC Hack : ଚାକିରି ପାଇବା ପାଇଁ ଏମିତି ଚଞ୍ଚକତା , RPSC ୱେବସାଇଟ୍ ହ୍ୟାକ୍ କରି ଜେଲ୍ ଗଲେ ଇଞ୍ଜିନିୟର
