ଶ୍ରୀନଗର,୦୩/୦୫: ସୀମାରେ ଅମାନିଆ ପାକିସ୍ତାନ। ପହଲଗାମ ଆତଙ୍କୀ ଆକ୍ରମଣ ପରଠୁ ଅଶାନ୍ତ ରହିଛି ଲାଇନ୍ ଅଫ୍ କଣ୍ଟ୍ରୋଲ (ଏଲଓସି) । ବାରମ୍ବାର ଅସ୍ତ୍ରବିରତି ଉଲ୍ଲଘଂନ କରୁଛି ପାକ୍ସେନା । ଏଲଓସିରେ ଫାୟାରିଂ କରିଛି । ଆଜି ବି ବିଭିନ୍ନ ସ୍ଥାନରେ ପାକ୍ ସେନା ପକ୍ଷରୁ ଗୁଳିମାଡ ହୋଇଛି । ଲଗାତାର ନବମ ଥର ପାଇଁ ଏଲଓସିରେ ଅସ୍ତ୍ରବିରତି ଉଲ୍ଲଘଂନ କରିଛି । କୁପୱାଡ଼ା, ଉରି ଓ ଅଖନୁର ସେକ୍ଟରରେ ପାକ୍ ସେନା ପକ୍ଷରୁ ଫାୟାରିଂ ହୋଇଥିବା ସୂଚନା ମିଳିଛି । ଯାହାର ମୁହଁତୋଡ଼ ଜାବାବ୍ ଦେଇଛି ଭାରତୀୟ ସେନା ।
ସୁଧୁରିବନି ପାକିସ୍ତାନ । ସୀମାରେ ମନ୍ମାନି ଚଲାଇଛି ପାକ୍ ସେନା । ପହଲଗାମ ଆତଙ୍କୀ ଆକ୍ରମଣ ପରଠୁ ସୀମାରେ ଉତ୍ତେଜନା ଲାଗି ରହିଛି । ଅସ୍ତ୍ରବିରତି ଉଲ୍ଲଘଂନ କରିଛି ପାକ୍ ସେନା । ଶୁକ୍ରବାର ରାତିରୁ କୁପୱାଡ଼ା, ଉରି ଏବଂ ଅଖନୁର ସେକ୍ଟରରେ ଗୁଳିମାଡ଼ କରିଛି ପାକିସ୍ତାନ । ଯାହାର ଜବାବ ଦେଇଛି ଭାରତୀୟ ସେନା । ଏ ପର୍ଯ୍ୟନ୍ତ କୌଣସି କ୍ଷୟକ୍ଷତିର ସୂଚନା ମିଳିନାହିଁ ।
During the night of 02-03 May 2025, the Pakistan Army resorted to unprovoked small‑arms fire across the Line of Control opposite the Kupwara, Uri, and Akhnoor areas of the Union Territory of Jammu & Kashmir. The Indian Army responded promptly and proportionately: Indian Army pic.twitter.com/vfDZ60OOxj
— ANI (@ANI) May 3, 2025
ଭାରତ ଓ ପାକିସ୍ତାନ ମଧ୍ୟରେ ଥିବା ଏଲଓସିର ଲମ୍ବ ହେଉଛି ୭୪୦ କିଲୋମିଟର । ଏହାର ଉଭୟ ପାର୍ଶ୍ୱରେ ଭାରତ-ପାକିସ୍ତାନ ସେନା ଏହାର ସୁରକ୍ଷାରେ ନିୟୋଜିତ ରହିଛନ୍ତି । ଦୁଇ ଦେଶ ମଧ୍ୟରେ ହୋଇଥିବା ବୈଠକରେ କେହି କାହା ଉପରେ ଫାଙ୍କା ଗୁଳିଚାଳନା କରିବେ ନାହିଁ ବୋଲି ଅସ୍ତ୍ରବିରତି ଚୁକ୍ତି ସମ୍ପାଦିତ ହୋଇଥିଲା । ହେଲେ ପାକିସ୍ତାନ ଚୁକ୍ତି ବେଖାତିର କରି ଅସ୍ତ୍ରବିରତି ଉଲ୍ଲଘଂନ କରୁଛି ।
କହି ରଖୁଛୁ କି, ଗତ ୨୨ ତାରିଖରେ ଭାରତ ଭୂସ୍ୱର୍ଗ ଜମ୍ମୁ କଶ୍ମୀର ପହଲଗାମ ବୈସରନ ଘାଟିରେ ଭୟଙ୍କର ଆତଙ୍କୀ ଆକ୍ରମଣ ହୋଇଥିଲା । ଏଥିରେ ୨୬ ପର୍ଯ୍ୟଟକଙ୍କର ମୃତ୍ୟୁ ହୋଇଥିଲା । ଏହା ପରେ ଭାରତ ଆଲର୍ଟରେ ରହିଛି । ଆତଙ୍କବାଦୀଙ୍କୁ କଡ଼ା ଜବାବ ଦେବାକୁ ପ୍ରସ୍ତୁତି ଚଳାଇଛି ଭାରତ । ଯେ କୌଣସି ମୁହୂର୍ତ୍ତରେ ଯୁଦ୍ଧ ପରିସ୍ଥିତି ଉପୁଜିପାରେ । ସେପଟେ କେନ୍ଦ୍ର ସରକାର ଘନ ଘନ ବୈଠକ କରୁଛନ୍ତି । ପହଲଗାମ ପ୍ରତିଶୋଧ ନେଇ ପାକିସ୍ଥାନ ବିରୋଧରେ କିଛି ବଡ଼ ନିଷ୍ପତ୍ତି ନିଆଯାଇପାରେ ।
