ବାରିପଦା, ୪/୧୨ : ଶିମିଳିପାଳରେ ବଡ ଧରଣର ଶିକାର ଯୋଜନା ପଣ୍ଡ । ଏ ଆଇ କ୍ୟାମେରା ମାଧ୍ୟମରେ ତିନି ଶିକାରୀଙ୍କୁ ଚିହ୍ନଟ ପରେ ଗିରଫ କରାଯାଇଥିବାବେଳେ ସେମାନଙ୍କ ନିକଟରୁ ପାଞ୍ଚଟି ଦେଶୀ ବନ୍ଧୁକ, ଗୋଟିଏ ହାତ ତିଆରି ବନ୍ଧୁକ ସମେତ ବନ୍ଧୁକ ପାଉଡର, ଗୁଳି, ବିସ୍ଫୋରକ ସାମଗ୍ରୀ ଓ ଅନ୍ୟାନ୍ୟ ମାରଣାସ୍ତ୍ର ଜବତ ହୋଇଛି। ତାଙ୍କ ବିରୋଧରେ ୧୯୭୨ବନ୍ୟ ଜନ୍ତୁ ସଂରକ୍ଷଣ ନିୟମ ଅନୁଯାୟୀ ମାମଲା ଦାୟର ହୋଇଥିବାବେଳେ ସେମାନଙ୍କୁ ବାରିପଦା ସ୍ଵତନ୍ତ୍ର ମୁଖ୍ୟ ବିଚାରପତିଙ୍କ ଅଦାଲତରେ ହାଜର କରାଯାଇଛି। 

ଏଥିସହ ଜବତ ହୋଇଥିବା ମାରଣାସ୍ତ୍ର ଗୁଡ଼ିକ ପୁଲିସକୁ ହସ୍ତାନ୍ତର କରାଯାଇ ତାଙ୍କ ବିରୋଧରେ ୧୯୫୯ଅସ୍ତ୍ରଶସ୍ତ୍ର ଆଇନ ଏବଂ ବିସ୍ଫୋରକ ଆଇନ ୧୮୮୪ରେ ମାମଲା ରୁଜୁ କରାଯାଇଛି । ସେହି ୩ପେଶାଦାର ଶିକାରୀମାନେ ହେଲେ ବାଙ୍ଗିରିପୋଷି ଥାନା ଅନ୍ତର୍ଗତ ଜଳଡିହାର ଡୁମା ସାହି ଗ୍ରାମର କରଣ ମାରାଣ୍ଡି (୨୧), କାରୁ ହାଁସଦା ଓରଫ କାନ୍ଦ୍ରା (୩୫) ଏବଂ ବୁଧୁରାଜ୍ ସୋରେନ (୨୮)। ବାଙ୍ଗିରିପୋଷି ଥାନା ଅନ୍ତର୍ଗତ ଜଳଡିହା ଡୁମା ସାହି ଗ୍ରାମର କରଣ ମାରାଣ୍ଡି (୨୧)କୁ ପ୍ରଥମେ ଗିରଫ କରାଯିବା ପରେ ଅନ୍ୟ ଦୁଇ ଜଣଙ୍କୁ ଗିରଫ କରାଯାଇଛି l ଏ ଆଇ କ୍ୟାମେରା ଆଖିରୁ ଶିକାରୀ ବର୍ତ୍ତି ପାରୁ ନ ଥିଲେ ସୁଦ୍ଧା ଶିକାର ଲୋଭ ତାଙ୍କ ମନ ରୁ ଲିଭୁନି l