ସିଓଲ,୨୧।୧: ଦକ୍ଷିଣ କୋରିଆର ଏକ କୋର୍ଟ ବୁଧବାର ରାୟ ଦେଇଛନ୍ତି ଯେ,ଦେଶର ତତ୍କାଳୀନ ରାଷ୍ଟ୍ରପତି ୟୁନ୍ ସୁକ୍ ୟୋଲଙ୍କଦ୍ବାରା ୨୦୨୪ ରେ ଲଗାଯାଇଥିବା ମାର୍ଶଲ ଲ’ ବ୍ରିଦ୍ରୋହ ସମାନ ଥିଲା। କୋର୍ଟ ୟୁନ୍ଙ୍କ ଅଧୀନରେ ପ୍ରଧାନମନ୍ତ୍ରୀ ଭାବରେ କାର୍ଯ୍ୟ କରିଥିବା ହାନ୍ ଡୁକ୍-ସୁଙ୍କୁ ଏହି ମାମଲାରେ ସମ୍ପୃକ୍ତି ପାଇଁ ୨୩ ବର୍ଷ ଜେଲଦଣ୍ଡରେ ଦଣ୍ଡିତ କରିଛନ୍ତି। ହାନ୍ ଡୁକ୍-ସୁ ରାଷ୍ଟ୍ରପତି ୟୁନ୍ଙ୍କ ଦ୍ୱାରା ଲାଗୁ କରାଯାଇଥିବା ସାମରିକ ଆଇନ ସହିତ ଜଡିତ ବିଦ୍ରୋହ ଅଭିଯୋଗରେ ଦୋଷୀ ସାବ୍ୟସ୍ତ ହୋଇଥିବା ୟୁନ୍ଙ୍କ ସରକାରଙ୍କ ପ୍ରଥମ ଅଧିକାରୀ । ଏହି ରାୟ ରାଷ୍ଟ୍ରପତି ୟୁନ୍ ଏବଂ ଅନ୍ୟ ସହଯୋଗୀମାନଙ୍କ ବିରୁଦ୍ଧରେ ଭବିଷ୍ୟତର ବିଚାରକୁ ଗଠନ କରିବ ବୋଲି ଆଶା କରାଯାଉଛି। ୟୁନ୍ ବିଦ୍ରୋହ ଅଭିଯୋଗର ମଧ୍ୟ ସମ୍ମୁଖୀନ ହେଉଛନ୍ତି।
ୟୁନ୍ଙ୍କ ଦ୍ୱାରା ନିଯୁକ୍ତ ପ୍ରଧାନମନ୍ତ୍ରୀ ହାନ୍ ଦକ୍ଷିଣ କୋରିଆର ଦ୍ୱିତୀୟ ସର୍ବୋଚ୍ଚ ପଦବୀରେ ରହିଥିଲେ। ସେ ସାମରିକ ଆଇନ ସଙ୍କଟ ସମୟରେ ତିନି ଜଣ କାର୍ଯ୍ୟକାରୀ ନେତାଙ୍କ ମଧ୍ୟରୁ ଜଣେ ଭାବରେ କାର୍ଯ୍ୟ କରୁଥିଲେ, ଯାହା ରାଷ୍ଟ୍ରପତି ୟୁନ୍ଙ୍କ ବିରୋଧରେ ମହାଭିଯୋଗ ଆଣିଥିଲା ଏବଂ ଶେଷରେ ପଦରୁ ବହିଷ୍କାର କରିଥିଲା।ଦକ୍ଷିଣ କୋରିଆରେ, ବିଦ୍ରୋହକୁ ସବୁଠାରୁ ଗମ୍ଭୀର ଅପରାଧ ମଧ୍ୟରୁ ଗୋଟିଏ ବୋଲି ବିବେଚନା କରାଯାଏ। ନିକଟରେ ସ୍ବତନ୍ତ୍ର ତଦନ୍ତ ଓକିଲ ରାଷ୍ଟ୍ରପତି ୟୁନଙ୍କ ପାଇଁ ମୃତ୍ୟୁଦଣ୍ଡ ପାଇଁ ଅନୁରୋଧ କରିଥିଲେ।
ବିଦ୍ରୋହ ଷଡ଼ଯନ୍ତ୍ର କରିଥିବା ନେଇ ୟୁନଙ୍କ ବିରୁଦ୍ଧରେ ଅଭିଯୋଗ ହୋଇଛି। ସିଓଲ୍ କେନ୍ଦ୍ରୀୟ ଜିଲ୍ଲା କୋର୍ଟ ଫେବୃଆରୀ ୧୯ ତାରିଖରେ ରାଷ୍ଟ୍ରପତି ୟୁନ୍ ବିରୁଦ୍ଧରେ ବିଦ୍ରୋହ ଅଭିଯୋଗ ଉପରେ ତାଙ୍କର ରାୟ ପ୍ରଦାନ କରିବେ। ବୁଧବାର ସିଓଲ୍ କୋର୍ଟ ରାୟ ଦେଇଛନ୍ତି ଯେ, ୟୁନ୍ଙ୍କ ସାମରିକ ଆଇନ ଆଦେଶ ବିଦ୍ରୋହ ପରି ଥିଲା। ସଂସଦ ଏବଂ ନିର୍ବାଚନ କାର୍ଯ୍ୟାଳୟକୁ ସୈନିକ ଏବଂ ପୋଲିସ ଅଧିକାରୀମାନଙ୍କୁ ପଠାଇବା ଏକ ‘ଦଙ୍ଗା’ କିମ୍ବା ‘ଆତ୍ମ-ବିଦ୍ରୋହ’ ସୃଷ୍ଟି କରିଥିଲା। ଏହା ସାମ୍ବିଧାନିକ ବ୍ୟବସ୍ଥାକୁ ଦୁର୍ବଳ କରିବା ପାଇଁ ଉଦ୍ଦିଷ୍ଟ ଏବଂ ଏହି ଅଞ୍ଚଳରେ ସ୍ଥିରତାକୁ ବାଧା ଦେବା ପାଇଁ ଯଥେଷ୍ଟ ଗମ୍ଭୀର ଥିଲା।
ଆହୁରି ପଢନ୍ତୁ :ବିଦ୍ରୋହ ପାଇଁ ପୂର୍ବତନ ପ୍ରଧାନମନ୍ତ୍ରୀଙ୍କୁ ୨୩ ବର୍ଷର ଜେଲଦଣ୍ଡ, ଲଗାଗଲା ମାର୍ଶଲ ଲ’
