ଚନ୍ଦାହାଣ୍ଡି,୬।୧ : ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ବ୍ଲକସ୍ଥିତ ସେମଲାଗୁଡା ଛକ ଠାରେ ନିର୍ମାଣ ହେବାକୁ ଥିବା ଜେଏମଏଫସି କୋର୍ଟର ନୂତନ କୋଠାର ଶିଳାନ୍ୟାସ ଅନୁଷ୍ଠିତ ହୋଇଛି । ଉଚ୍ଚ ନ୍ୟାୟାଳୟର ମୁଖ୍ୟ ବିଚାରିପତି ଜଷ୍ଟିସ ଚକ୍ରଧାରୀ ଶରଣ ସିଂ, ଜଷ୍ଟିସ ଏସ କେ ସାହୁ, ଜଷ୍ଟିସ ଚିତ୍ତରଞ୍ଜନ ଦାଶ ଆଭାସି ମାଧ୍ୟମରେ ନୂତନ କୋଠା ନିର୍ମାଣ କାର୍ଯ୍ୟର ଶିଳାନ୍ୟାସ ରେ ଯୋଗ ଦେଇଥିବା ବେଳେ ଚନ୍ଦାହାଣ୍ଡି ପ୍ରଥମ ଶ୍ରେଣୀ ବିଚାରପତି ଜରିନ୍ ଖାନ ଭିତ୍ତି ପ୍ରସ୍ତର ସ୍ଥାପନ କରିଥିଲେ। ସମ୍ମାନିତ ଅତିଥିଭାବେ ଚନ୍ଦାହାଣ୍ଡି ବିଡ଼ିଓ ରାମକୃଷ୍ଣ ନାୟକ, ତହସିଲଦାର ସହଦେଵ କୁଟ୍ରୁକା ଉପସ୍ଥିତ ଥିଲେ ।
ପ୍ରକାଶ ଥାଉକି ୨୦୧୯ ମସିହା ଜାନୁୟାରୀ ୫ ତାରିଖରେ ଚନ୍ଦାହାଣ୍ଡି ଠାରେ ଜେଏମଏଫସି କୋର୍ଟର ଶୁଭାରମ୍ଭ ହୋଇଥିଲା। ଚନ୍ଦାହାଣ୍ଡି ବ୍ଲକ ମହକୁମାସ୍ଥିତ ରାଜୀବ ଗାନ୍ଧୀ ସେବା କେନ୍ଦ୍ର ଠାରେ ଅସ୍ଥାୟୀ ଭାବେ ଆରମ୍ଭ ହୋଇ ବର୍ତ୍ତମାନ ପର୍ଯ୍ୟନ୍ତ ଏଠାରେ କୋର୍ଟ କାର୍ଯ୍ୟ ଚାଲୁରହିଛି । ନୂତନ କୋର୍ଟ କୋଠା ନିର୍ମାଣ ହେଲେ ଓକିଲ ଓ ମହକିଲ ସମସ୍ତ ଙ୍କ ନିମନ୍ତେ ସୁବିଧା ହେବ ବୋଲି ଅତିଥି ମାନେ କହିଥିଲେ । ଏହି କୋଠା ନିର୍ମାଣ କାର୍ଯ୍ୟ ୩ କୋଟି ବ୍ୟୟରେ ଗ୍ରାମ୍ୟ ଉନ୍ନୟନ ବିଭାଗ ତରଫରୁ ହେଉଛି । ଏହି କାର୍ଯ୍ୟକ୍ରମରେ ଓକିଲ ମହମ୍ମଦ ହୁସେନ,ଜୟଦେବ ଖମାରୀ, ହୁମେଶ୍ୱର ହଂସ, କ୍ଷେମରାଜ ବାଘ,ଭୀଷ୍ମ ସୁନାନୀ, ହିରାଧର ମାଳି, ଶ୍ୟାମ ସୁନ୍ଦର ହରିଜନ ,କୋର୍ଟ କର୍ମଚାରୀ କେଦାର ଗୈାରୀ ପାଂଜିଆ, କେଶରୀ ପ୍ରସାଦ ମନହିରା ପ୍ରମୁଖ ଉପସ୍ଥିତ ଥିଲେ ।
