ନୂଆଦିଲ୍ଲୀ: G7 ଦେଶର ନେତାମାନେ ଏକ ବିବୃତିରେ ଇସ୍ରାଏଲର ଆତ୍ମରକ୍ଷା ଅଧିକାରକୁ ଦୃଢ଼ ସମର୍ଥନ କରିଛନ୍ତି ଏବଂ ଇରାନକୁ ପରମାଣୁ ଅସ୍ତ୍ର ବିକାଶ କରିବାରୁ ରୋକିବା ପାଇଁ ଆନ୍ତର୍ଜାତୀୟ ପଦକ୍ଷେପର ଆହ୍ଵାନ ଦେଇଛନ୍ତି। ଜାତୀୟ ଗଣମାଧ୍ୟମ ଇଣ୍ଡିଆ ଟୁଡେର ରିପୋର୍ଟ ଅନୁସାରେ, ଏହି ବିବୃତି ଇଟାଲୀରେ ଚାଲିଥିବା G7 ଶିଖର ବୈଠକରେ ନିଆଯାଇଛି।

G7 ଦେଶଗୁଡ଼ିକ (ଆମେରିକା, ଇଂଲଣ୍ଡ, ଫ୍ରାନ୍ସ, ଜର୍ମାନୀ, ଇଟାଲୀ, ଜାପାନ ଓ କାନାଡା) ଇସ୍ରାଏଲ ବିରୋଧରେ ହେଉଥିବା ଆତଙ୍କବାଦୀ ଆକ୍ରମଣକୁ ନିନ୍ଦା କରିଛନ୍ତି। ଏବଂ କହିଛନ୍ତି ଯେ ଇସ୍ରାଏଲକୁ ନିଜର ସୁରକ୍ଷା ପାଇଁ ଆନ୍ତର୍ଜାତୀୟ ନିୟମ ଅନୁଯାୟୀ ପଦକ୍ଷେପ ନେବାର ଅଧିକାର ରହିଛି। ଏହା ସହିତ, ଏହି ଦେଶର ନେତାମାନେ ଇରାନର ପରମାଣୁ କାର୍ଯ୍ୟକ୍ରମକୁ ବିଳ୍ୱର ଆଉ ଏକ ଗମ୍ଭୀର ବିପଦ ଭାବେ ଚିହ୍ନଟ କରିଛନ୍ତି ଏବଂ ଏହାକୁ ରୋକିବା ପାଇଁ କୂଟନୈତିକ ଓ ଅନ୍ୟାନ୍ୟ ପଦକ୍ଷେପରେ ଏକତା ପ୍ରକାଶ କରିଛନ୍ତି।

ବିବୃତିରେ ଇରାନର ବାଲାଷ୍ଟିକ ମିସାଇଲ ନିର୍ମାଣ ଓ ଆତଙ୍କବାଦୀ ଗୋଷ୍ଠୀଗୁଡ଼ିକୁ ସମର୍ଥନ ଦେବା ଅଭିଯୋଗକୁ ମଧ୍ୟ ନିନ୍ଦା କରାଯାଇଛି। G7 ନେତାମାନେ ଇରାନ ବିରୋଧରେ କଠୋର ଆନ୍ତର୍ଜାତୀୟ ନିରୀକ୍ଷଣ ଓ ପରମାଣୁ ଚୁକ୍ତିର ପୁନଃସ୍ଥାପନ ପାଇଁ ଆହ୍ଵାନ ଜଣାଇଛନ୍ତି।