ନୂଆଦିଲ୍ଲୀ,୧୨/୦୪: କୁକିଙ୍ଗ୍ ରିୟାଲିଟି ଶୋ' 'ସେଲିବ୍ରିଟି ମାଷ୍ଟରସେଫ୍ର ପ୍ରଥମ ସଂସ୍କରଣକୁ ତାର ବିଜେତା ମିଳିଛି । ଫାଇନାଲରେ ତେଜସ୍ୱୀ ଯାଦବ ଓ ନିକି ତମ୍ବୋଲିକୁ ପଛରେ ପକାଇ ବାଜି ମାରି ନେଇଛନ୍ତି ଗୌରବ ଖାନ୍ନା । ସେଲିବ୍ରିଟି ମାଷ୍ଟରସେଫ୍ ଟ୍ରଫି ନିଜ ନାମରେ କରିଛନ୍ତି ଗୌରବ । ଏହି ବିଜୟ ନେଇ ଗୌରବଙ୍କ ଫ୍ୟାନ୍ସ ତାଙ୍କୁ ସୋସିଆଲ ମଡ଼ିଆରେ ଶୁଭେଚ୍ଛା ଜଣାଇଛନ୍ତି ।
ଗୌରବ ଜିତିଲେ ସେଲିବ୍ରିଟି ମାଷ୍ଟରସେଫ୍- ଦମ୍ଦାର ଅଭିନୟ ସହିତ ରୋଷେଇ କରିବାରେ ବି ଗୌରବ ଖାନ୍ନା ଏକ୍ସପର୍ଟ ବୋଲି ପ୍ରମାଣ କରିଛନ୍ତି । ସେଲିବ୍ରିଟି ମାଷ୍ଟରସେଫ୍ର ଫାଇନାଲରେ ଗୌରବ ଖାନ୍ନା କରିଥିବା ଡିସ୍ ବିଚାରକଙ୍କ ମନକୁ ଛୁଇଁଥିଲା । ଫାଇନାଲରେ ୪ ଜଣଙ୍କୁ ପଛରେ ପକାଇ ଟ୍ରଫି ଜିତିଛନ୍ତି ଗୌରବ ଖାନ୍ନା । ଟ୍ରଫି ସହ ୨୦ ଲକ୍ଷ ଟଙ୍କାର କ୍ୟାସ୍ ପ୍ରାଇଜ୍ ଜିତିଛନ୍ତି ଗୌରବ । ନିକି ତମ୍ବୋଲି ଦ୍ବିତୀୟ ସ୍ଥାନରେ ରହିଥିବା ବେଳେ ତେଜସ୍ୱୀ ଯାଦବ ତୃତୀୟ ସ୍ଥାନରେ ରହିଥିଲେ । ଟିଭି ସିରିୟଲ 'ଅନୁପମା'ରେ ଅନୁଜ ଚରିତ୍ରରେ ଅଭିନୟ କରି ଦର୍ଶକଙ୍କ ହୃଦୟରେ ଘର କରିଥିଲେ ଗୌରବ ଖାନ୍ନା । ମାଷ୍ଟରସେଫ୍ ବିଜେତା ହେବାରେ ଗୌରବଙ୍କୁ ଶୁଭେଚ୍ଛାର ସୁଅ ଛୁଟିଛି ।
ଅଧିକ ପଢନ୍ତୁ...‘ଇଣ୍ଡିଆନ୍ ଆଇଡଲ୍-୧୫’ ବିଜେତା ମାନସୀ ଘୋଷ, ଟ୍ରଫି ସହ ମିଳିଲା ୨୫ ଲକ୍ଷ ଟଙ୍କା, କାର୍
ଜାନୁଆରୀ ୨୭ରୁ ସେଲିବ୍ରିଟି ମାଷ୍ଟରସେଫ୍ର ପ୍ରଥମ ସିଜିନ୍ ଆରମ୍ଭ ହୋଇଥିଲା । ପାଖାପାଖି ୨ ମାସରୁ ଅଧିକ ଦିନ ଧରି ଶୋ' ଚାଲିଥିଲା । ଫାଇନାଲରେ ୫ଜଣ ପ୍ରତିଯୋଗୀ ପହଞ୍ଚିଥିଲେ । ସେମାନେ ହେଲେ ଟିଭି ସିରିୟଲ 'ଅନୁପମା' ଷ୍ଟାର ଗୌରବ ଖାନ୍ନା, ତେଜସ୍ୱୀ ଯାଦବ, ନିକି ତମ୍ବୋଲି, ମିଷ୍ଟର ଫେଜୁ ଓ ରାଜିବ ଉଦାତିଆ । ସେଫ୍ ବିକାଶ ଖାନ୍ନା, କୋରିଓଗ୍ରାଫର ଫରା ଖାନ୍ ଓ ସେଫ୍ ରଣବୀର ବରାର୍ ବିଚାରକ ଦାୟିତ୍ୱ ତୁଲାଇଥିଲେ । ଫାଇନାଲରେ ସେଫ୍ ସଞୀବ କପୁର ଯୋଗ ଦେଇଥିଲେ । ତେଜସ୍ୱୀଙ୍କୁ ଚିୟରଅଫ୍ କରିବାକୁ କରଣ କୁନ୍ଦ୍ରା ମଧ୍ୟ ଫାଇନାଲରେ ସାମିଲ ହୋଇଥିଲେ ।
